Abrir menú principal

Occitanismos en francés

Os occitanismos en francés son palabras orichinadas a partir d'una palabra de l'idioma occitán y que han estau ampradas por o francés en cheneral u por o francés rechional d'o sud de Francia, que ye en proceso de cheneralizar-se en o territorio historico d'a luenga occitana. A palabra occitana s'ha habiu d'adaptar a la pronunciación francésa, por eixemplo as palabras con -a final atona en occitán prenen una terminación ortografica en francés con -e final caduca u que no se pronuncia.

Bi ha muitas palabras d'orichen occitán que s'han cheneralizau en francés a costa d'a palabra francesa orichinal. A palabra occitana abelha (d'igual pronunciación que o suyo cognato aragonés) s'adaptó en francés como abeille[1] y substituyó a la palabra francesa antiga avette, que d'acuerdo con a fonetica d'o francés presentaba v como consonant intervocalica derivada d'a -P- intervocalica latina[2]. A palabra cigonha ("ciguenya") s'adaptó como cigogne y substituyó a soigne/ceoigne.

Orichens de los occitanismosEditar

Occitanismos d'orichen prerrománEditar

 
Paisache de garriga en Erau. A palabra garrigue en francés ye un occitanismo.

O latín que orichinó l'occitán teneba palabras prerromanas que representaban o suyo substrato lingüistico. L'occitán se distribuye por zonas en as que bi habió diferents pueblos prerromans, d'astí que bi haiga palabras de diferents orichens. Bi ha palabras prerromanas d'orichen galico como en francés. En Gascunya, a on que vivioron os aquitans bi ha palabras d'o mesmo orichen que equivalents que se troban actualment en vasco. En atras zonas bi ha palabras d'orichen sorotaptico.

A palabra occitana d'orichen precelta garriga, que teneba en francés antigo cognatos como jarrie, fue amprada como garrigue en o sieglo XVI.

Occitanismos d'orichen griegoEditar

 
Ganse en cordelería.
  • Biais: deriva de l'occitán biais y de lo griego epikarsios a traviés de lo latín vulgar.[1] La mesma palabra occitana ha plegau a lo catalán como biaix y a l'aragonés y castellán bies, reconoixible en la locución adverbial de manera a'l biés.[3] Ye documentada en francés medieval dende lo sieglo XIII como biais, pasando a l'anglés como bias[4] en forma de galicismo.
  • Caliorne: amprau de l'occitán caliòrna, derivau de lo griego KÁLOS.
  • Ganse: amprau de l'occitán ganso, que deriva de lo griego GAMPSOS.
  • Gond: amprau de l'occitán gofon, que deriva de lo griego GOMPHOS (clau grueso).[5] Significa "alguaza".
  • Calme: amprau de l'occitán calma/cauma (muita calor), de lo griego καῦμα (kaûma), que significa "cremadura". En francés tiene chenero gramatical masculín, a diferiencia de l'aragonés.
  • Chômer: amprau de l'occitán caumar (descansar quan la calor), derivau de cauma u de lo baixo latín CAUMARE con lo mesmo significau. Chômage deriva d'este verbo y significa "paro".
  • Tian: amprau de l'occitán tian, que deriva de lo griego antigo τήγανον, têganon (« plato, escudella »), relacionau en orichen con l'arabismo tagine. Ye una especialidat culinaria provenzal a base verduras cueitas gratinadas, lo mes a sobén alberchenas, crabacins y tomates.

Occitanismos d'orichen chermanicoEditar

 
Gramiu d'o ciervo masclo en a reserva animal de Domaine des grottes de Han, en Belchica. As palabras brame y bramer son occitanismos en francés.

Bi ha palabras occitanismos en francés d'orichen chermanico, tanto gotico como francico.

Un eixemplo de goticismo occitán amprau en francés ye bramer derivau de l'occitán bramar (present en aragonés chunto con atras variants), y que se remonta a lo gotico bramjan.

S'ha interpretau como d'orichen francico a partir de l'occitán lo francés medieval alberge, actual auberge, d'orichen francico a partir de *HERIBERGA, manimenos bi ha atra interpretación que considera que la forma occitana ye d'orichen gotico y la francesa d'orichen francico.

Occitanismos d'orichen italiánEditar

  • Anchois: de probable orichen chenovés (anciöa), l'occitán antigo anchoia sería la forma transmesa a lo francés. Corresponde a l'aragonés anchova.

Occitanismos d'orichen catalánEditar

 
La denominación francesa de l'albercoque u abridor ye abricot, un arabismo que ha estau transmeso por lo catalán y por l'occitán.

Lo catalán presenta muitas coincidencias con lo lenguadocián con lo que tiene continuidat cheografica, pero tamién con lo provenzal y o gascón. A sobén se troba evolucions romanicas coincidents. Se puede diferenciar un catalanismo d'un occitanismo si ye una palabra que tiene un orichen alleno a la evolución que dende lo latín local ha produciu los diferents dialectos occitans. La documentación de palabras d'orichen prerromán u arabe como anteriors en la Peninsula Iberica y posteriors en Midi pueden aduyar a diferenciar un catalanismo de un occitanismo.

  • Baraque: barraca.
  • Abricot se remonta a lo catalán albercoc, que presenta las variants abercoc, abircoc, abrecoc, abrecroc, abricoc, abricot, albaricoc, albecroc, d'orichen arabe.

Occitanismos d'orichen arabeEditar

Se distingue entre arabismos que han entrau dende la Peninsula Iberica y arabismos que han entrau dende la Peninsula Italica.

  • Abricot: ye un arabismo que ha entrau a traviés de lo catalán.

Sufixos de los occitanismosEditar

O sufixo -ade ye l'adaptación en francés d'o sufixo occitán -ada[6] present tamién en aragonés. Encara que se pueda trobar lochicament adintro de claros occitanismos (como os platos occitans brandade y grillade), tamién se troba en palabras de fonetica francesa (noyade). Os significaus que aporta son os de colectivo (peuplade), plato (marinade, marmelade, salade), bebida (orangeade, limonade), resultau d'una acción (débandade, fanfarronade), construcción (arcade, barricade, colonnade, palissade) u comportamiento (arlequinade)

Campos lexicos de los occitanismosEditar

Occitanismos descriptivos d'a realidat en o sudEditar

 
Chugadors de petanca en Canas. A palabra francesa petanque ye un occitanismo.

A vegadas os occitanismos se refieren a animals (cigale), plantas (olive, olivier), elementos paisachisticos (garrigue), elementos culturals u costumbres mes comuns en o sud de Francia que en o norte.

A palabra occitana cigala (d'o latín CICADA) s'adaptó en francés como cigale. A palabra occitana oliva s'adaptó como olive en francés. A palabra bastida significaba orichinariament explotación agricola, fue adaptada como bastide en a redolada de Marsella y remató prenendo o significau de casa.

O nombre d'o chuego pétanque ("petanca") deriva d'a contracción de pè tancat ("piet cerrau", "pietz chuntos y fixos en o suelo").

A costumbre de minchar caragols ye antiga en Catalunya y Lenguadoc, dende a on que pasó t'atras zonas de Francia. En occitán bi ha unas quantas variants d'esta palabra d'orichen no guaire claro: cagaròl, cagarou (en provenzal), cagagot (en vivaro-alpín). Como resultau d'un cruce con os derivaus occitans d'o latín ESCARABEUS como escarabat ("escarabacho") apareixió a forma escargol[1], que fue amprada en francés como escargot por pareixiu con escarbot ("escarabacho"). L'occitanismo escargot substituyó a palabra francesa limaçon[1] relacionada con l'aragonés limaco.

Cheografía fisicaEditar

ZoonimiaEditar

 
A palabra francesa abeille ye un occitanismo.

IctionimiaEditar

 
Banco d'anchovas en la mar Ligur. La palabra anchois en francés ye lo resultau d'una transmisión dende lo ligurián a traviés de l'occitán provenzal anchoia.
  • Anchois: anchova.
  • Rascasse: lo peix Scorpaena notata.
  • Daurade: lo peix Sparus aurata.
  • Congre: podría haber estau transmeso por l'occitán y no provenir dreitament de lo latín CONGER.

Fitonimia y vechetaciónEditar

CocinaEditar

AtrosEditar

Occitanismos en o francés rechional d'o sudEditar

O francés d'o sud o français du Midi presenta un substrato occitán por haber-ie coexistiu uns quantos sieglos. A influencia depende d'o contexto cheografico u social y no nomes se manifiesta en o lexico, tamién en a morfolochía y en a sintaxi. O verbo auxiliar être se fa servir pa fer as formas composadas d'este mesmo verbo. En francés d'o sud se diz Je suis été ("yo soi estau"), a diferencia d'o norte que dicen J'ai été ("yo he estau").

ReferenciasEditar

  1. 1,0 1,1 1,2 1,3 (fr) Jacqueline Picoche, Jean-Claude Rolland: Dictionnaire étymologique du français. Dictionnaires Le Robert, 2009. ISBN 2849024244, 9782849024249.
  2. (es) Heinrich Lausberg: Lingüistica romanica. Tomo I fonetica Editorial Gredos. p 181.
  3. (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 79.
  4. (fr) Alberto Vàrvaro: Quatorzième Congrès international de linguistique et de philologie romanes. John Benjamins Publishing, 1976, p 194.
  5. (es) Fernández González, J.R.: Gramática histórica provenzal. Universidat d'Oviedo, 1985. p 107.
  6. (fr) Pierre Bec: Manuel pratique d'occitan moderne, Ed. Picard, 1973, p. 135.
  7. (es) BARCOS, Miguel Ánchel: El Aragonés Ansotano: estudio lingüístico de Ansó y Fago; Gara Edizions. Zaragoza, 2007, pp 106-107.ISBN 978-84-8094-058-0 p 214.

BibliografíaEditar

Se veiga tamiénEditar


O lexico occitán y os occitanismos ampraus por atras luengas
Os occitanismos en galaico-portugués | os occitanismos en astur-leyonés | os occitanismos en castellán | os occitanismos en aragonés | os occitanismos en catalán | os occitanismos en francés | os occitanismos en arpitán | os occitanismos en piemontés | os occitanismos en italián | os occitanismos en neerlandés | os occitanismos en anglés


Gramatica d'o francés
Fonetica Accentuación · Epentesi de consonant-puent · Fonetica · Fonolochía · Elisión · H aspirada · Liaison · Sincopa
Morfolochía Adchectivos (Qualificativos · Chentilicios · Colors · Grau comparativo · Grau superlativo · Demostrativos · Exclamativos · Indefinius · Interrogativos · Posesivos · Numerals cardinals · Numerals ordinals) · Adverbios (Adverbios d'afirmación · Adverbios de dubda · Adverbios d'opinión · Adverbios deicticos · Adverbios espacials · Adverbios exclamativos · Adverbios de freqüencia · Adverbios interrogativos · Adverbios modals · Adverbios de manera · Adverbios de negación · Adverbios de quantidat · Adverbios de relación lochica · Adverbios de tiempo) · Articlos (Articlos definius · Articlos indefinius · Articlo partitivo) · Chenero · Conchuncions (Conchuncions copulativas · Conchuncions adversativas · Conchuncions dischuntivas · Conchuncions causals · Conchuncions comparativas · Conchuncions completivas · Conchuncions concesivas · Conchuncions condicionals · Conchuncions consecutivas · Conchuncions finals · Conchuncions subordinativas· Conchuncions temporals) · Numerals · Numero · Pronombres (Pronombres demostrativos · Pronombres indefinius · Pronombres interrogativos · Pronombres posesivos · Pronombre presonal · Pronombre relativo) · Prefixo (Prefixos cultos) · Sufixo (Sufixos cultos · Sufixos verbals) · Preposicions · Locucions prepositivas · Verbos · Conchugación (Primera conchugación · Verbos acabaus en -oir · Verbos acabaus en -re · Verbos acabaus en -ir d'a tercera conchugación · Conchugacions incoativas · Verbos irregulars acabaus en -ître · Segunda conchugación · Verbos irregulars · Modo condicional · Modo imperativo · Modo indicativo · Modo infinitivo · Modo participio · Modo subchuntivo · Tiempos verbals · Tiempos verbals perifrasticos · Verbos auxiliars · verbo être · verbo avoir) · Verbos modals · Verbos de movimiento · Verbos pronominals · Locucions verbals · Construccions verbo-nominals)
Sintaxi Concordancia · Estilo directo · Estilo indirecto · Inversión · Negación · Sintagma adchectival · Sintagma nominal · Sintagma verbal · Orden de pronombres · Voz pasiva · Oracions de relativo · Oracions completivas · Oracions completivas infinitivas · Oracions temporals · Oracions causals · Oracions finals · Oracions consecutivas · Oracions concesivas · Oracions condicionals · Oracions comparativas · Oracions impersonals
Lexicolochía Anglicismos · Antroponimia · Arabismos · Arpitanismos · Castellanismos · Celtismos · Cultismos · Chermanismos · Escandinavismos · Eslavismos · Fitonimia · Hidronimia · Goticismos · Helenismos · Hongarismos · Italianismos · Lusismos · Miconimia · Neerlandismos · Occitanismos · Palabras ampradas d'as luengas d'oïl en francés · Persismos · Superstrato francico · Tudesquismos · Turquismos · Nominalización · Oronimia · Semicultismos · Toponimia · Zoonimia
Ortografía Normas ortograficas d'o francés