Biquipedia

World War Z (cinta)

cine
Iste articlo ye sobre una cinta de cine estausunidense de 2013; ta atros usos, se veiga World War Z.
World War Z
Títol World War Z
Póster de World War Z.
Póster de World War Z.
Ficha tecnica
Dirección Marc Forster
Dirección artistica Jon Billington
Ben Collins
James Foster
Alan Gilmore
Matthew Gray
Producción Brad Pitt
Dede Gardner
Jeremy Kleiner
Ian Bryce
Guión adaptau Matthew Michael Carnahan
Drew Goddard
Damon Lindelof
Basau en World War Z, novela de Max Brooks (2006)
Musica Marco Beltrami
Fotografía Ben Seresin
Montache Roger Barton
Matt Chessé
Escenografía Nigel Phelps
Vestuario Mayes C. Rubeo
Actors Brad Pitt
Mireille Enos
James Badge Dale
Matthew Fox
Daniella Kertesz
Fana Mokoena
Datos y cifras
País(es) Estaus Unius
Anyo 2013
Debantadera 2 de chunio de 2013
Empire Cinema, Londres (Reino Uniu).[1]
21 de chunio de 2013
Estaus Unius
Chenero(s) Cine de ciencia-ficción
Cine de zombis
Cine de terror
Cine d'acción
Durada 116 min.
Idioma(s) Anglés
Companyías
Productora(s) Skydance Productions
Hemisphere Media Capital
GK Films
Plan B Entertainment
2DUX²
Distribución Paramount Pictures
Presupuesto 190-269 millons de dólars
Recauto 540,5 millons de dólars
Informacions en bases de datos especializadas:

World War Z ye una cinta de terror y acción de ciencia-ficción de zombis dirichida en l'anyo 2013 por Marc Forster seguntes un guión adaptau por Matthew Michael Carnahan, Drew Goddard y Damon Lindelof en desembolicando una historia d'o mesmo Matthew Michael Carnahan y de J. Michael Straczynski basada en a novela World War Z publicada por Max Brooks (fillo d'os actors Mel Brooks y Anne Bancroft) en l'anyo 2006. A dirección de fotografía de World War Z ye de Ben Seresin y la suya Banda Sonora Orichinal de Marco Beltrami, estando producida por Brad Pitt, Dede Gardner, Jeremy Kleiner y Ian Bryce ta las productoras Skydance Productions, Hemisphere Media Capital, GK Films, Plan B Entertainment y 2DUX². En l'elenco d'a cinta podemos trobar, entre d'atros, a los actors Brad Pitt, Mireille Enos, James Badge Dale, Matthew Fox, Daniella Kertesz y Fana Mokoena. En a cinta l'actor Brad Pitt interpreta a Gerry Lane, un antigo investigador de Nacions Unidas que viacha por o mundo ta buscar una solución ta un repentino apocalipsi zombi.

La cinta s'engueró en l'Empire Cinema de Londres (Reino Uniu) o 2 de chunio de 2013 (bels días antes d'o suyo enguero cheneral en os Estaus Unius, mesmo en 2D que en RealD 3D), y s'heba rodau en localizacions en Malta, Glasgow (Escocia, Reino Uniu), Cornualla y Londres (Reino Uniu), Budapest (Hongría) y Corea d'o Sud; estando ambientada en a provincia de Gyeonggi (Corea d'o Sud), Cherusalem, Nueva York, Nueva Jersey, Nueva Escocia, Philadelphia y Galas. A finals de chunio de 2013 esleyoron World War Z ta inaugurar a 35ena edición d'o Festival Internacional de Cine de Moscú. Tenió un amplo exito de publico, en fer un recaudo de 540 millons de dólars, muit superior a lo suyo presupuesto de 190 millons, estando la cinta de cine de zombis con mas recaudo d'a historia, pero recibió criticas mixtas d'a critica profesional, en elochiando l'actuación de Brad Pitt y la cinta en cheneral mas que mas en fer renaixer o cine de zombis, pero en criticando tamién lo suyo guión, en parte en considerar que no guardaba fidelidat a lo suyo orichinal. Bien luego d'o suyo enguero, s'anunció una continación d'a cinta pero en febrero de 2019 se canceloron os plans ta la filmación d'ista secuela, suposadament por problemas de tipo presupuestario.

Argumento

editar

Gerry Lane ye un antigo investigador de Nacions Unidas que vive con su muller, Karin, y sus dos fillas, Rachel y Connie, en a ciudat de Philadelphia (Pennsilvania). Bel día, en puyar la familia en o suyo auto, se troban en bel meyo d'una invasión d'a ciudat por zombis. Gerry observa que cuan un zombi muerde a una persona ista tarda nomás que 12 segundos en transformar-se tamién en un zombi. Finalment, Gerry consigue fuyir d'o caos de Philadelphia y plega en Newark, en l'amanau estau de Nueva Jersey, a on aspera estar reculliu por os servicios de Nacions Unidas. Mientres a espera, se refuchia en un piso a on vive una parella de brasileros con o suyo fillo, Tommy. O subsecretario de Nacions Unidas, Thierry Umutoni, ninvía un helicoptero ta salvar-los y con els marcha tamién lo nino Tommy (Tomas), en haber quedau sus pais infectaus en no haber queriu marchar d'o suyo refuchio con Gerry y su familia. L'helicoptero transporta a lo grupo enta un barco de guerra d'a U.S. Navy ancorau en l'oceano Atlantico y a on cientificos y militars analizan a situación y preban de trobar-ne solución. Un d'os cientificos, Andrew Fassbach, un virologo, afirma que lo causant d'a transformación enta zombis d'os afectaus ye un virus y que lo posible desembolique d'una vacuna contra ixe virus depende de poder-ne trobar lo suyo orichen. Cuan li proposan a Gerry de marchar con o virologo ta trobar ixe orichen, en primeras se niega pero en estar menazau de que a él y a la suya familia los expulsen d'o barco que lis guarencia bela aseguranza, accede a acompanyar a lo virologo.

Finalment, Gerry Lane, lo virologo Andrew Fassbach y un grupo de Navy SEAL d'a U.S. Navy puyan en un avión que marcha enta Camp Humphreys, una base militar de l'exercito estausunidense en Corea d'o Sud, porque ye en ixe puesto a on se i fació la primera mención d'ataques zombis. Nomás aterrizar o grupo ye atacau por zombis y en sentir panico y prebar de fuyir, o virologo Andrew Fassbach caye accidentalment con a suya arma y se pistoletia a si mesmo, morindo. Los soldaus d'a base consiguen rescatar a lo grupo y dimpués informan a Gerry d'os escaicimientos, en decindo-le que qui introdució lo virus en as instalacions militars estió lo medico d'a base en atender a un soldau feriu que heba estau atacau fuera d'o campamento. Tamién li dicen que a un d'os soldaus mai no l'atacan os zombis, que ye muit potroso, y Gerry observa que tiene una ferida prou periglosa, que ye anterior a los ataques zombis. En a base tamién se troba engarcholau por traiduría un miembro d'a CIA, que li diz a Gerry que fácil que o Mossad, os servicios secretos d'Israel, conoixese con anterioridat o brote d'o virus y podioron establir una zona segura. Cuan Gerry marcha enta l'avión ta marchar enta Israel, Karin truca por o telefón móbil a Gerry y, en sentir o rudio, os zombis los atacan y nomás que Gerry y lo piloto de l'avión pueden puyar-ie, volando enta Israel.

En plegar en Cherusalem, Gerry charra con Jurgen Warmbrunn, un miembro d'alto rango d'o Mossad, qui li explica que heban interceptau mensaches de chenerals de l'exercito indio que deciban que yeran luitando contra rakshasa y que els interpretoron que podeba tractar-se de zombis y que por ixo decidioron protecher-se en construyindo un gran muro arredol d'a ciudat y a on son acceptando a cuantismos refuchiaus en considerar que cada persona que pueden salvar ye amás un zombi menos contra lo que luitar dimpués. Mientres que Warmbrunn amuestra a Gerry lo muro, un grupo de refuchiaus principia a cantar, fendo muito rudio, y Gerry puet veyer cómo lo rudio atraye a los zombis, que s'abotinan contra lo muro dica que lo suyo numero ye suficient como ta puyar-se uns dencima d'atros y poder saltar o muro. Os zombis anegan a ciudat a escape y Warmbrunn ordena a un grupo de militars d'as Fuerzas de Defensa d'Israel que l'escolten dica lo suyo avión. Mientres a suya fuyida enta l'avión, Gerry veye cómo los zombis no atacan ni a un anciano ni a un nino aparentment malauto de cáncer. Mientres a fuyida, os miembros d'a suya escolta mueren poquet a poquet en os ataques zombis dica que finalment a Segen, una d'os soldaus, li dan un mueso en a suya man. Gerry reacciona escopetiau y li estralla la man d'un solo golpe, impedendo que lo virus s'expanda por o suyo cuerpo y que se transforme en zombi. Finalment, Gerry y Segen logran puyar en l'avión, que fa volito.

En l'avión, Gerry li fa las curas a Segen pero tamién reflexiona sobre todo lo que ha podiu veyer istos zaguers días y truca a Thierry Umutoni con l'obchectivo de conoixer bel centro de Nacions Unidas a on se i conserven virus periglosos, y finalment l'avión marcha enta Caerdydd, en Galas, a on se i troba un centro d'investigación d'a Organización Mundial d'a Salut. Sindembargo, encara que parixe que dentro de l'avión son seguros, un zombi ha podiu dentrar-ie como polizón y ataca a una miembro d'a tripulación de l'avión, convertindo-se en zombis a escape pasachers y tripulación. Gerry no troba so que una solución: fer esclatar una granada de man en l'avión ta que la explosión expulse a los zombis de l'avión, pero ixo comporta tamién la cayida de l'avión. Gerry y Segen consiguen sobrevivir y plegar en o centro medico d'a OMS, pero Gerry ye feriu y no dispierta so que tres días dimpués. En dispertar, Gerry explica a los cientificos d'a OMS d'o centro la suya teoría: los zombis ignoran como posibles blancos d'os suyos ataque a personas con malautías terminals u feridas greus, en considerar que no son vehiclos adecuaus ta guaranciar a supervivencia y expansión d'o virus. La suya sucherencia ye asinas la d'infectar-se con un patocheno mortal que lis permita de tener un camuflache que de bela manera los pueda fer "invisibles" ta los zombis. Tanimientres, os cientificos li dicen a Gerry que lo problema ye que los suyos patochenos se troban en un aria d'as suyas instalacions que ye plena de zombis. Gerry consigue convencer-los y dentra en ixe sector, acompanyau de Segen y d'o medico chefe, dica que plegan en l'aria restrinchida d'o laboratorio a on se i conservan os patochenos. Pero antes que Gerry pueda marchar con as muestras se troba bloquiau por un zombi que ye en una d'as cambras que ha de trescruzar ta tornar, asinas que se veye obligau a prebar la suya propia teoría en inchectando-se un patocheno. Lo fa y, en ubrir a puerta d'o laboratorio, comprueba que la suya teoría ye correcta porque lo zombi lo inspecciona pero no l'ataca y lo dixa continar tranquilament lo suyo camín.

Gerry ha podiu trobar una vía ta luitar contra lo virus y plega en Nueva Escocia con Segen ta reunir-se con a suya familia. Con a suya investigación se logra fabricar una vacuna que actúa como un camuflache contra los zombis y permite luitar contra els y mantener zonas seguras, pero la luita encara contina.

Elenco[2]

editar
Actor Papel Notas
Brad Pitt Gerry Lane
Mireille Enos Karin Lane
Daniella Kertesz Segen
James Badge Dale Capitán Speke
Ludi Boeken Jurgen Warmbrunn
Matthew Fox Paracayidista
Fana Mokoena Thierry Umutoni
David Morse Antigo achent d'a CIA
Elyes Gabel Andrew Fassbach
Peter Capaldi Medico d'a OMS
Pierfrancesco Favino Medico d'a OMS
Ruth Negga Medico d'a OMS
Moritz Bleibtreu Medico d'a OMS
Sterling Jerins Constance Lane
Abigail Hargrove Rachel Lane
Fabrizio Guido Tomas
David Andrews Comandant naval
John Gordon Sinclair Comandant d'os Navy SEAL
Grégory Fitoussi Piloto d'o C-130
Jane Perry Delegada de Nacions Unidas
Lucy Russell Delegada de Nacions Unidas
Mark Holden Delegau de Nacions Unidas
Tim Berrington Delegau de Nacions Unidas
Konstantin Khabenskiy Piloto de caza ruso
Michiel Huisman Ellis
Lee Nicholas Harris Soldau en Camp Humphreys
Ann Ogbomo Soldau en Camp Humphreys
Jonathan Howard Soldau en Camp Humphreys
Mike Noble Soldau en Camp Humphreys
Ernesto Cantu Pai de Tomas
Vicky Araico Mai de Tomas
Graham Hornsby Asaltant en o supermercau
Nick Bartlett Asaltant en o supermercau
Kevin Kiely Jnr Policía en motocicleta
Ruari Cannon Farmaceutico
Ryen Perkins-Gangnes Zombi en Philadelphia
Khalid Laith Aduyant de Thierry
Noa Bodner Soldau d'as Fuerzas de Defensa d'Israel
Assaf Ben-Shimon Soldau d'as Fuerzas de Defensa d'Israel
Gil Cohen-Alloro Soldau d'as Fuerzas de Defensa d'Israel
Yaniv Rokah Soldau d'as Fuerzas de Defensa d'Israel
Shaul Ezer Soldau d'as Fuerzas de Defensa d'Israel
Linoy Aynesaz Cantaire en o campo de refuchiaus en Israel
Efrat Avni Cantaire en o campo de refuchiaus en Israel
Maisam Masri Refuchiau en o campo de refuchiaus en Israel
Renu Setna Refuchiau en o campo de refuchiaus en Israel
Ori Pfeffer Refuchiau en o campo de refuchiaus en Israel
Julia Levy-Boeken Refuchiau en o campo de refuchiaus en Israel
Imran Mraish Refuchiau en o campo de refuchiaus en Israel
Yousef Hayyan Jubeh Refuchiau en o campo de refuchiaus en Israel
Josh Wingate Sarchento en l'Argus
Troy Glasgow Marinero en l'Argus
Richard Thomson Marinero en l'Argus
Ewan Ross Tecnico
Song Xuan Ke Medico en Corea d'o Sud
Christian Wong Malauto en Corea d'o Sud
Denis Ischenko Piloto de l'avión
Nikola Djuricko Piloto de l'avión
Elen Rhys Azafata
Paula Videniece Pasachero de l'avión
Doron Davidson Pasachero de l'avión
Lee Colley Pasachero de l'avión
Michael Jenn Zombi en o laboratorio d'a OMS
Sarah Amankwah Zombi en o laboratorio d'a OMS
Anna Biczik Zombi en Caerdydd
Gábor Czap Zombi en Caerdydd
Kati Dombi Zombi en Caerdydd
Istvan Karikas Zombi en Caerdydd
Andrea Meszaros Zombi en Caerdydd
Gergely Mészáros Zombi en Caerdydd
Peter Molnár Zombi en Caerdydd
Lambert Tóth Zombi en Caerdydd
Roland Tzafetás Zombi en Caerdydd
Jeno Radi Zombi en Caerdydd
Adam Zambryzcki Zombi en Caerdydd
Audrey Marie Bartolo Muller musulmana No acreditau
Amanda Brown Cooperant No acreditau
Aggy K. Adams Mesacha rusa No acreditau
Andrew Agnew Mayestro No acreditau
Lucy Aharish Muller palestina No acreditau
Tim Ahern Copiloto No acreditau
Emmanuel Akintunde Zombi No acreditau
Bethany Apedaile Civil No acreditau
Lee Asquith-Coe Soldau d'o United States Marine Corps en l'helicoptero No acreditau
Féodor Atkine No acreditau
James Ayling Soldau No acreditau
Mark Badham Zombi No acreditau
Peter Basham Harrison No acreditau
Péter Behan Francotirador ruso No acreditau
Kingsley Ben-Adir Oficial Hawkins No acreditau
Katia Bokor Lobo Worker Aleftyina No acreditau
Leroy Bonsu Refuchiau No acreditau
Jerome Boyle Oficial d'o SWAT No acreditau
Henrik Brandt Oficinista No acreditau
Michael Anthony Brown En a sala d'información No acreditau
Paul Burt ' No acreditau
Ian James Cameron Cabo Butler No acreditau
Hélène Cardona Voz d'a periodista d'a BBC No acreditada
Martin Carroll Refuchiau No acreditau
Raun Carswell Refuchiau ruso No acreditau
Joe Corrigall Oficial No acreditau
James Cotter Soldau No acreditau
Graham Curry Pasachero No acreditau
Kieran-Miguel Diego D'La Vega Zombi No acreditau
Alan Del Castillo Zombi No acreditau
Aren Devlin Kemi No acreditau
Albert Dibben Soldau No acreditau
Michael Dickins Zombi No acreditau
Philipp Lawrence Durand Henri No acreditau
Katinka Egres Periodista No acreditau
Eniko Fulop Zombi No acreditau
Adam Geddes Periodista No acreditau
Rod Glenn Policía en os disturbios No acreditau
Hattie Gotobed Doble de Connie Lane No acreditau
John Grady Zombi No acreditau
Roman Green Soldau No acreditau
Mark Hampton Tecnico No acreditau
Salem Hanna Pasachero de l'avión No acreditau
John Harding Paracayidista ruso No acreditau
Daniel Harland Zombi No acreditau
Mustafa Harris Lincoln No acreditau
Shane Hart Tenient Matthews No acreditau
Ryan Hartwig Adolescent cebo ta los zombis No acreditau
Oleg Hill Alexey No acreditau
Pete Buzzsaw Holland Soldau d'Operacions Especials No acreditau
Vera Horton Ciudadana rusa No acreditau
Alex Humes Soldau ruso No acreditau
Lewis James Soldau estausunidense No acreditau
Maddox Jolie-Pitt Zombi No acreditau
Iván Kamarás Soldau chugador No acreditau
Julia Kay Muller en l'avión No acreditau
Darren Kendrick Zombi No acreditau
Hrvoje Klecz Zombi No acreditau
Greg Kolpakchi Spetsnaz No acreditau
Michael Lanchbury Soldau en o barco No acreditau
Paul Mackie No acreditau
John Macmillan Oficial No acreditau
Jim Main Suboficial d'a U.S. Navy No acreditau
Katrina Marston Soldau rusa No acreditada
Colin Matthews Representant de Nacions Unidas No acreditau
Vander McLeod Soldau estausunidense No acreditau
Eric Michels Sarchento James No acreditau
Alastair Thomson Mills Wiles, periodista / Zombi No acreditau
Sandeep Mohan Cientifico No acreditau
Jeremiah Molina Nino correndo por a furnidura No acreditau
Alex Moore Soldau estausunidense No acreditau
Kiera Morgan Recruta de Gerry Lane No acreditau
Okezie Morro Putnam No acreditau
Stuart Mower Soldau d'a Guardia Nacional d'Estaus Unius No acreditau
Taylor Murphy Zombi No acreditau
Eunice Olumide Oficinista No acreditau
Jake Pashkin Zombi No acreditau
Freddie Lee Peterkin Asaquiador No acreditau
Gino Picciano Zombi No acreditau
Faruk Pruti Recruta de Garry No acreditau
Evelyn Rei Persona en a sala de reunions No acreditada
Alma Rix Pasachera rusa No acreditada
Geoffrey Robe Tripulant en a gabina de vuelo No acreditau
Barnabás Réti Spetsnaz No acreditau
Joe Sandz Piloto d'a Marina estausunidense No acreditau
Basher Savage Vityok No acreditau
Jurgen Schwarz Refuchiau No acreditau
Santi Scinelli Asaquiador No acreditau
Sarah Sharman Zombi No acreditada
Sharon Sheehan Miembro d'o Consello de Seguridat de Nacions Unidas No acreditada
Marcus Sinclair Soldau estausunidense No acreditau
Lew Smart Marine estausunidense No acreditau
Frank Soldato Presonero militar No acreditau
Lila Sara Tahri Oficinista No acreditada
Aaron Tavaler Persona en a sala de reunions No acreditau
Ella-Rose Temple Zombi No acreditada
Hugh Terry No acreditau
Sami Tesfay Farute No acreditau
Katrina Vasilieva Valentina No acreditada
Alexander Ward Zombi No acreditau
Paul Warren Zombi No acreditau
Eric West Jason No acreditau
Daniel Westwood Zombi No acreditau
Mark White Soldau estausunidense No acreditau
Trevor White Piloto d'o C-17 No acreditau
Gillean Young Muller en auto No acreditada
Elena Zoubareva Cantaire rusa No acreditada

Producción

editar

Desembolique

editar

Dimpués d'una guerra d'ofertas con a productora Appian Way de Leonardo DiCaprio, Plan B Entertainment de Brad Pitt s'aseguró d'os dreitos de pantalla d'a novela World War Z de Max Brooks en 2007.[3] A primera versión d'o guión la escribió lo creyador d'a serie de televisión Babylon 5 y d'o cómic Rising Stars, J. Michael Straczynski, qui identificó o desafío d'adaptar o treballo como "creyar un personache principal sobre la base d'un libro que se leye como un informe d'a ONU sobre las guerras d'os zombis".[4] Marc Forster firmó ta dirichir-la y describió la cinta como una reminiscencia d'os thrillers de conspiración d'os anyos 1970, como All the President's Men.[5] Straczynski identificó la cinta de cine d'espionache de 2002 The Bourne Identity como una comparanza apropiada y sinyaló que la cinta tiendría una gran presencia internacional que mantiendría l'enfasi politico.[6] Cuan se li preguntó sobre la suya participación en a cinta, l'autor Max Brooks dició que teneba "cero control", pero que yera a favor d'un papel ta Brad Pitt en a cinta,[7] y expresó la suya aprobación de Straczynski como guionista.[8][9] Brooks dició: "No puedo decir-lo, pero Straczynski trobó una manera de fer chunta de todo. O zaguer esborrallo que leyiei yera increíble".[10]

Un d'os primers guions se filtró en Internet en marzo de 2008, y como consecuencia d'ixo se publicó una resenya en Ain't It Cool News que lo clamaba "[no] nomás que una buena adaptación d'un libro difícil [so que] una obra que define lo chenero y que podría rematar en veyendo-nos toz discutindo sobre si una cinta de zombis califica u no como material de "Millor Cinta".[11] O guión yera prou respectau como ta trobar puesto en a The Black List de 2007 d'os guions "mas quiestos" que encara no s'han produciu.[12] En ista resenya en Ain't It Cool News tamién indicaban que la cinta teneba pareixiu estilistico con Children of Men, en seguindo a Gerry Lane mientres o suyo viache por o mundo d'a posguerra y as suyas entrevistas a sobrevivients de la guerra d'os zombis que "principian a preguntar-se si la supervivencia ye bella traza de victoria".[11]

En aviento de 2008, Straczynski dició que asperaba que la producción d'a cinta escomenzase a principios de l'anyo 2009,[6] pero en marzo d'ixa mesma anyada Forster dició que lo guión encara yera desembolicando-se y que no yera seguro de si World War Z estaría la suya proxima cinta.[13] Bien luego, en ixe mesmo mes de marzo, amanixioron rumors de que s'heban establiu oficinas de producción y que la cinta se trobaba ya en as suyas primeras etapas de preproducción.[14] Dimpués, en o mes de chunio, Forster li dició a un entrevistador que la cinta se retrasaría, en afirmando que lo suyo guión encara amenistaba de muito desembolique y que "encara yera bien luent de realizar-se".[15]

Brooks reveló que Matthew Michael Carnahan yera reescribindo lo guión en chulio de 2009. Dició que creyeba que ixo "amostraba [la confianza d'o productor] en iste prochecto" por a cantidat de diners que yera invertiedo-ie.[16] Paramount Pictures y UTV Motion Pictures anuncioron en a Convención Internacional de Cómics de San Diego de 2010 que Marc Forster estaría lo director y se confirmó que Brad Pitt interpretaría lo papel principal.[17] En marzo de 2011, s'informó en Vulture que la Paramount yera buscando un cofinanciador, y fácil que cancelase l'adaptación si no en trobase.[18] L'articlo tamién deciba que "se ye fendo a chemecons un poder ta convencer a David Ellison, frecuent co-financiador a'a Paramount ". Una semana dimpués, s'informó que "se son fendo conversacions intensas y esfugadas con Skydance Media de David Ellison y mesmo con atros dos financiadors".[19]

Preproducción

editar

A preproducción escomencipió en abril de 2011, con Robert Richardson anunciau como director de fotografía y Nigel Phelps como disenyador de producción.[20] En ixe mesmo mes s'informó que los puestos de filmación incluyirían Pinewood Studios y la ciudat de Londres, toz dos en Anglaterra.[21] Tamién en abril s'esleyó a Mireille Enos ta representar a la muller de Gerry Lane y mai d'os suyos dos fillos.[22]

En chunio, James Badge Dale inició negociacions ta chunyir-se a la cinta en interpretando a un soldau estadounidense que preba d'alertar a las autoridaz de que la menaza zombi ye real.[23] Matthew Fox y Ed Harris dentroron en conversas, y Julia Levy-Boeken temién yera preparada ta chuntar-se a la cinta.[24] Tamién s'informó que lo rodache escomencipiaría en Malta en o mes siguient y abracaría Valetta y As Tres Ciudaz.[25] Bels días dimpués, s'informó que tamién se filmaría en Glasgow, en Escocia, en o mes d'agosto,[26] con ixa ciudat representando a la ciudat estausunidense de Philadelphia, "con fronteras de botigas falsas en construcción y automóbils estausunidenses en as carreteras".[27] Seguntes os informes, esleyoron Glasgow dimpués de "muitos meses en buscando la ubicación perfecta en o centro d'a ciudat para desempenyar un papel important en a cinta".[26] Desdenyoron Philadelphia por "incertezas sobre os creditos fiscals estatals ta cineastas".[28] Tanimientres, incialment s'heba planificau a filmación en a localidat de Royal Tunbridge Wells, en Anglaterra, antes de decidir-se por Glasgow.[29]

Bien luego, encara en o mes de chunio, a empresa d'efectos visuals Cinesite anunció que treballaría en "una cantidat significativa de tomas".[30] A finals de mes, s'informó que, beque d'os informes anteriors, ni Matthew Fox ni Ed Harris no protagonizarían a cinta; Fox tenió un conflicto de programación derivau d'o suyo compromiso previo ta protagonizar Alex Cross con Tyler Perry ta Summit Entertainment,[31] encara que dimpués se podió veyer a Fox en rodando escenas ta World War Z en Aberfala (Cornualla).[32]

Rodache

editar

Con un presupuesto informau de mas de 125 millons de dólars,[18] a fase de rodache escomencipió en chulio de 2011 en Malta y poquez días dimpués se publicoron as primeras imáchens d'o rodache.[33] Heban programau que lo rodache se trasladase enta Glasgow en agosto, y la productora buscaba recrutar bels 2.000 extras locals ta las diferents escenas d'o rodache.[34] A lo menos 3.000 personas se presentoron en un cásting en Glasgow o día 9 de chulio, con l'alufra de tener a oportunidat d'amanixer en una escena ambientada en un districto financiero de Philadelphia.[35] Igualment, se filmoron atras escenas en Aberfala (Cornualla).[36] Tamién en chulio, s'esleyó a l'actor de Game of Thrones Elyes Gabelfue ta interpretar a un personache clamau Fassbach.[37] Encara que habió oposición d'os suyos residents, bellas escenas se rodoron en Heygate Estate, una urbanización situada a lo sud de Londres.[38]

En agosto, l'actor Bryan Cranston tenió negociacions ta participar en a cinta con un papel "chicot encara que clamativo", pero finalment tenió que albandonar por problemas d'achenda. Tamién en agosto, se decidió filmar en una carretera en o perimetro d'una refinería en Grangemouth, en Escocia, un puesto esleyiu por a lonchitut d'a carretera, que estió crucial ta ixa escena.[39] Bels días dimpués, Paramount anunció que la cinta s'engueraría o 21 d'aviento de 2012.[40] Ixe mesmo mes escomencipió lo rodache en a ciudat de Glasgow. O cherent de locacions d'a cinta afirmó que s'heba esleyiu Glasgow por a suya arquitectura, carreras amplas y disposición en cuadricla d'a ciudat.[41] Tamién se filmoron escenas a bordo d'o RFA Argus, un barco auxiliar d'a Royal Fleet Auxiliary, antes d'o rodache en Glasgow. O barco se convertió en a cinta en o USS Madison, asinas que calió colocar-ie un nuevo numero de barco en o suyo costau y adhibir-ne bella cosa d'"americanismo" a la suya superestructura. Steven McMenemy, o piloto de l'Argus, afirmó que "o barco zarpó y se nos unioron cuatro chicoz catamarans que se feban servir como marcadors ta las camaras, ta que posteriorment s'adhibisen dichitalment os barcos de guerra en o suyo puesto".[42] En octubre s'esleyó a l'actor David Morse ta interpretar o papel d'un "presonero que se troba en una garchola albandonada".[43]

Inicialment, os realizadors teneban a intención de filmar una escena de batalla culminant ambientada en Rusia, y l'equipo se tresladó enta Budapest ta filmar-la-ie,[44] y lo rodache en Budapest escomencipió en a nueit d'o 10 de octubre.[45] Pero de maitins o Centro Antiterrorista d'Hongría (Terrorelhárítási Központ) fació un rechistro en l'almagazén a on se guardaban as armas que s'heban de fer servir ta la filmación.[45] Os 85 fusils d'asalto, fusils de francotirador y pistolas s'heban tresladau en Budapest mientres a nueit en un avión privau, pero os productors d'a cinta no heban feito los tramites administrativos adecuaus con as autoridaz hongaras y amás, encara que la documentación d'importación indicaba que las armas heban estau inhabilitadas, en o rechistro se trobó que todas ellas yeran completament funcionals.[45][46] O 10 de febrero de 2012 revocoron a denuncia cuan os investigadors no podioron identificar exactament cual "organización u persona" teneba "dreitos de propiedat"; por a cual cosa no pudieron "estableixer cual parte yera penalment responsable".[47]

A parte principal d'o rodache remató lo 4 de noviembre de 2011.

Postproducción

editar

En chunio de 2012 contractoron a lo guionista Damon Lindelof ta que reescribise lo tercer acto d'a cinta, y las nuevas filmacions se programoron ta fer-se en setiembre u octubre.[48] Lo presentoron como nomás que belún que nomás treballaría qur en ixa parte y no pararía cuenta d'o resto d'a historia d'o guión y dició: "(Brad Pitt) me charró de que yera emocionau cuan heba leyiu lo libro, y lo que ta él yera emocionant yera l'aspecto cheopolitico da trama. Pero cuan escomencipiamos a treballar en o guión, muitas d'ixas cosas tenioron que desaparixer ta que la historia se chunise".[49] Lindelof explicó que habió ineficiencias en o guión en relación con o rodache que escomencipió antes de que rematase la escritura d'o guión, y que por ixo lo final yera "abrupto y incoherent", y que a la cinta li faltaba una gran parte d'o metrache. Presentó dos opcions a los executivos, que finalmente optoron por filmar de 30 a 40 minutos de metrache adicional ta cambiar o final. Sindembargo, Lindelof, qui tamién heba reelaborau Prometheus y heba coescrito Star Trek Into Darkness, no tenió tiempo d'escribir o guión d'o nuevo final y por ixo en chulio la Paramount contractó a lo suyo socio de Lost, Drew Goddard, ta rematar o treballo.[50] Goddard dició posteriorment a Creative Screenwriting:[51]

Ta yo, la gran lección de World War Z estió que Paramount, Plan B y Brad Pitt simplament dicioron: "Pillemos o tiempo ta fer d'ista cinta la mejor versión d'a cinta antes de ficar-la en a pantalla ta l'audiencia" (sic). Ixo no gosa pasar. Muitas vegadas simplament avientan a cinta y dicen: "Ganaremos todos os nuestros diners o cabo de semana d'enguero y dimpués a película desaparixerá". Marchei d'ixo pensando: "Porqué no femos ixo en mas cintas?"

Ixas nuevas tomas, amás d'atros excesos, facioron que lo presupuesto d'a cinta puyase dica alto u baixo 190 millons de dólars, i ixó sorprendió a lo president de Paramount, Marc Evans.[52][53][54] Muitas d'as escenas rodadas en Budapest, incluyindo-ie una batalla a gran escala amostrando combaz contra los zombis en a Plaza Roya de Moscú,[55] se suprimioron en o montache final ta diluyir os matices politicos d'a cinta y enfocar-se mas enta una producción mas amigable en cheneral.[56] La escena culminant d'a batalla en Rusia, ta la que se rodoron 12 minutos de metrache, suposadament teneba a lo personache de Pitt luitando contra zombis mas como "un heroi guerrero" que como "lo comprensivo hombre de familia" d'as escenas anteriors. O director d'a segunda unidat, Simon Crane, dició: "Ya no se basaba en os personaches... [os cineastas] realment amenistaban pensar qué quereban fer con ixa escena".[44] Tamién se filmoron escenas adicionals en l'edificio de Pfizer en Discovery Park en Sandwich, en Kent, ta escenas en as que Gerry preba de trobar una cura ta la pandemia de zombis.[57]

En marzo de 2013 s'nformó que Paramount heba cambiau una escena d'a cinta en a que os personaches especulaban que lo brot de zombis s'heba orichinau en a China continental, con l'asperanza d'aportellar un alcuerdo de distribución en ixe país.[58] Un executivo familiarizau con os proximos engueros en China li dició a TheWrap en chunio que los censors chineses heban desitau una parte d'a película. Un executivo de Paramount afirmó que "no conoixeba garra desite" y explicó: "Hemos presentau una versión y encara no hemos recibiu una respuesta".[59]

Banda sonora

editar
Ta más detalles, veyer l'articlo World War Z (banda sonora)veyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

En aviento de 2011 se fació publico que Marco Beltrami heba sinyau un contracto ta componer a banda sonora orichinal de World War Z.[60] En mayo de 2013 a banda de musica rock britanica Muse publicó un video en a suya canal en YouTube a on escunzaban a suya partecipación en a banda sonora d'a cinta, y efectivament s'emplegóa suya canción The 2nd Law: Insulated System publicada en o suyo disco The 2nd Law (2012) y tamién una versión instrumental d'a suya canción Follow Me producida por a banda Nero.[61][62] O 18 de chunio de 2013 Warner Bros. Records engueró lo disco con a banda sonora de World War Z a on se i incluyiba a partitura orichinal composada por Beltrami.[63]

Enguero

editar

Inicialment s'heba previsto que l'enguero de World War Z s'escaiciese o 21 d'aviento de 2012, pero en marzo de 2012 se dió prolargas dica lo 21 de chunio de 2013 en preferindo la Paramount enguerar en aviento de 2012 la cinta Jack Reacher (Christopher McQuarrie).[64] Finalment, l'enguero mundial de World War Z s'escaició en l'Empire Cinema de Leicester Square en Londres o 2 de chunio de 2013.[1] O 6 de chunio de 2013, Brad Pitt asistió en un mesmo día a las procheccions d'a cinta en Atlanta, Philadelphia, Chicago y Austin.[65] Tamién s'engueró la cinta en o Grosvenor Cinema en Glasgow (Escocia) o 19 de chunio, y lo 20 de chunio World War Z inauguró la 35ena edición d'o Festival Internacional de Cine de Moscú.[66] En total, Paramount gastó 160 millons de dólars en a promoción d'a cinta arredol d'o mundo.[67]

Recepción

editar

Se veiga tamién

editar

Referencias

editar
  1. ↑ 1,0 1,1 (en) Mia Galuppo: "World War Z" Premiere: The Zombie Apocalypse Starts in London, en The Hollywood Reporter, 3 de chunio de 2013.
  2. ↑ (en) World War Z en Internet Movie Database.
  3. ↑ (en) Nicole LaPorte y Michael Fleming: Par, Plan B raise "Zombie", en Variety, 14 de chunio de 2006.
  4. ↑ (en) Erik Amaya: J. Michael Straczynski: Origin of a Writer, en Comic Book Resources, 19 de noviembre de 2008.
  5. ↑ (en) Michael Fleming y Tatiana Siegel: Forster joins in Paramount's War, en Variety, 13 de noviembre de 2008.
  6. ↑ 6,0 6,1 (en) Rick Marshall: J. Michael Straczynski On World War Z: "The Scale Of What We're Doing Here Is Phenomenal", en MTV Movie Blog, 3 d'aviento de 2008.
  7. ↑ (en) Exclusive interview: Max Brooks on World War Z, en Eat My Brains!, 20 d'octubre de 2006.
  8. ↑ (en) Chris Ullrich: WWC interview: World War Z writer Max Brooks, en Comic Mix, 29 de chunio de 2008.
  9. ↑ (en) Max Brooks talks "World War Z" flick, en FilmBuff Newsreel, 1 de chunio de 2008.
  10. ↑ (en) Tony Timpone: Max Brooks talks World War Z movie, en Fangoria, 19 de noviembre de 2008.
  11. ↑ 11,0 11,1 (en) Moriarty: Moriarty's One Thing I Love Today! JMS's World War Z Script!, en Ain't It Cool News, 27 de marzo de 2008.
  12. ↑ (en) 2007 Black List, .pdf.
  13. ↑ (en) Orlando Parfitt: World War Z Update, en IGN. NewsCorp, 6 de marzo de 2009.
  14. ↑ (en) Ryan Rotten: The Undead Rule at Paramount, en ShockTillYouDrop.com, 20 de marzo de 2009.
  15. ↑ (en) Garth Franklin: World War Z Feature Hits A Delay?, en Dark Horizons, 16 de chunio de 2009.
  16. ↑ (en) Michael Gingold: New screenwriter takes on World War Z, en Fangoria, 16 de chulio de 2009.
  17. ↑ (en) Rick Marshall: Exclusive: Brad Pitt to star in "World War Z", Paramount options "Zombie Survival Guide" and "Recorded Attacks", en MTV, 22 de chulio de 2010.
  18. ↑ 18,0 18,1 (en) Claude Brodesser-Akner: Brad Pitt's World War Z Could Be (Un)Dead If Paramount Can't Find a Partner, en New York, 21 de marzo de 2011.
  19. ↑ (en) Mike Fleming: World War Z With Brad Pitt And Marc Forster Regroups; Can It Beat Imminent Zombie Pic Infestation?, en Deadline Hollywood, 29 de marzo de 2011.
  20. ↑ (en) Brendon Connelly: SCOOP: World War Z Going Ahead, Cinematographer Prepping At Studio Right Now, en BleedingCool.com, 12 d'abril de 2011.
  21. ↑ (en) Rich Johnston: World War Z To Film In London This Year, en Bleeding Cool, 4 d'abril de 2011.
  22. ↑ (en) Borys Kit: "The Killing" Star in Talks to Play Brad Pitt's Wife in "World War Z" (Exclusive), en The Hollywood Reporter, 25 d'abril de 2011.
  23. ↑ (en) James Badge dale goes to 'World War Z', en Variety, 11 de chunio de 2011.
  24. ↑ (en) Mike Fleming: Matthew Fox, Ed Harris In "World War Z" Talks, en Deadline Hollywood, 14 de chunio de 2011.
  25. ↑ (en) Brangelina land in Malta this afternoon, en Malta Today, 11 de chunio de 2011.
  26. ↑ 26,0 26,1 (en) Brad Pitt to film horror movie in Glasgow city centre, en a BBC, 17 de chunio de 2011.
  27. ↑ (en) Lauren Crook: Big screen heart-throb Brad Pitt will jet into Scotland to film zombie epic, en o Daily Record, 12 de chunio de 2011.
  28. ↑ (en) Peter Mucha: We've lost a Pitt zombie flick, en The Philadelphia Inquirer, 15 de chunio de 2011.
  29. ↑ (en) Chris Britcher: Matthew Fox Films "World War Z", en Your Tunbridge Wells, 6 d'agosto de 2011.
  30. ↑ (en) Wendy Mitchell: Cinesite to do VFX for World War Z, en Screen Daily, 28 de chunio de 2011.
  31. ↑ (en) Matthew Fox and Ed Harris Are Out of World War Z, en New York.
  32. ↑ (en) Matthew Fox Films "World War Z", en Zimbio, 6 d'agosto de 2011.
  33. ↑ (en) Set Photos: Brad Pitt Filming World War Z in Malta, en ComingSoon.net, 16 de chunio de 2011.
  34. ↑ (en) Open casting for Brad Pitt zombie movie in Glasgow, en BBC News, 8 de chulio de 2011.
  35. ↑ (en) Thousands Attend World War Z Casting Call, en zConnection, 9 de chulio de 2011.
  36. ↑ (en) Brad Pitt's zombie film heading for Cornwall, en GigWise.com, 12 de chulio de 2011.
  37. ↑ (en) Daniel Miller: org/web/20110930002056/http://www.hollywoodreporter.com/heat-vision/game-thrones-world-war-z-214456 "Game of Thrones" Actor Cast in Brad Pitt's "World War Z" (Exclusive), en The Hollywood Reporter, 22 de chulio de 2011.
  38. ↑ (en) South London housing estate residents say no to film-makers, en BBC News, 3 de febrero de 2012.
  39. ↑ (en) Film star ready to roll into town, en o Falkirk Herald, 4 d'agosto de 2011.
  40. ↑ (en) Borys Kit: Box Office Smackdown: Brad Pitt's "World War Z" to Open Against Johnny Depp's "Lone Ranger", en The Hollywood Reporter, 9 d'agosto de 2011.
  41. ↑ (en) Filming starts in Glasgow for Brad Pitt zombie movie, en a BBC, 14 d'agosto de 2011.
  42. ↑ (en) Navy crew tell of working with Brad Pitt for World War Z, en o Coventry Telegraph, 2 de setiembre de 2011.
  43. ↑ (en) David Morse To Zombie Pic World War Z, en Deadline Hollywood, 6 d'octubre de 2011.
  44. ↑ 44,0 44,1 (en) Laura M. Holson: Brad's War, en Vanity Fair, chunio de 2013.
  45. ↑ 45,0 45,1 45,2 (en) Counter-terrorism police seize World War Z machine guns, en News.com.au, 11 d'octubre de 2011.
  46. ↑ (en) Zach Johnson: SWAT Team Raids Brad Pitt's World War Z Set, en US Weekly, 10 d'octubre de 2011.
  47. ↑ (en) Josh Grossberg: Brad Pitt's Illegal Gun Cache: Is He Really in Serious Trouble?, en E!, 10 de febrero de 2011.
  48. ↑ (en) Borys Kit y Kim Masters: Damon Lindelof to Rewrite "World War Z" (Exclusive), en The Hollywood Reporter, 6 de chunio de 2012.
  49. ↑ (en) Laura M. Holson: Brad's War, en Vanity Fair, chunio de 2013.
  50. ↑ (en) Mike Fleming Jr.: Comic-Con: Drew Goddard Scripts New Ending To Brad Pitt's World War Z, en Deadline Hollywood, 11 de chulio de 2012.
  51. ↑ (en) Christopher McKittrick: Life Goes On: Drew Goddard on The Martian, en Creative Screenwriting, 20 d'agosto de 2015.
  52. ↑ (en) Grady Smith: Box office report: "Monsters University" scares up $82 million, en Entertainment Weekly, 23 de chunio de 2013
  53. ↑ (en) Ronald Grover y Chris Michaud: "Monsters University" scares zombies to lead U.S. box office, en Reuters, 23 de chunio de 2013.
  54. ↑ (en) Exclusive: The Making of Brad Pitt's World War Z, from Stunning Budget Overages and a Re-Shot Ending to Lots of On-Set Drama, en Vanity Fair.
  55. ↑ (en) Jake Cole: Brad Pitt On "World War Z": "We Were Bored, Ourselves", en The Huffington Post, 19 de chunio de 2013.
  56. ↑ (en) Brad Pitt: "World War Z bogged down in politics", en The Press, 29 de marzo de 2013.
  57. ↑ (en) Kent Film Office World War Z Film Focus.
  58. ↑ (en) Lucas Shaw: Fearing Chinese Censors, Paramount Changes World War Z (Exclusive), en TheWrap, 31 de marzo de 2013.
  59. ↑ Lucas Shaw: Insider: China Censors Rejected Brad Pitt's "World War Z" (Exclusive), en TheWrap, 3 de chunio de 2013.
  60. ↑ (en) Marco Beltrami to Score "World War Z" en Film Music Reporter, 27 d'aviento de 2011.
  61. ↑ (en) Nero en MuseWiki.org.
  62. ↑ (en) "The 2nd Law (album)" en MuseWiki.org.
  63. ↑ (en) "World War Z" Soundtrack Details en Film Music Reporter, 28 de mayo de 2013.
  64. ↑ (en) Pamela McClintock: Paramount Release Shakeup: Tom Cruise’s "One Shot" to Christmas; Brad Pitt’s "World War Z" to Summer, en The Hollywood Reporter, 13 de marzo de 2012.
  65. ↑ (en) Rebecca Ford: Brad Pitt Surprises Fans at Four "World War Z" Screenings in One Day, en The Hollywood Reporter, 7 de chunio de 2013.
  66. ↑ (en) "World War Z" To Open 35th Moscow International Film Festival, en Deadline Hollywood, 18 de mayo de 2013.
  67. ↑ (en) Mike Fleming Jr.: 2013 Most Valuable Blockbuster – #5 "The Hunger Games: Catching Fire" Vs. #12 "World War Z"; #4 "Hobbit: The Desolation Of Smaug" Vs. #13 "Oz The Great And Powerful", en Deadline Hollywood, 21 de marzo de 2014.

Vinclos externos

editar
Obteniu de "https://an.wikipedia.org/w/index.php?title=World_War_Z_(cinta)&oldid=2218493"