Nominalización en francés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

La nominalización en francés ye la formación en substantivo d'una palabra que no perteneixe orichinariament a esta categoría, sobre tot un verbo u un adchectivo.

Nominalización de verbos

En la nominalización de los verbos se gosa fer a partir de la suya radiz en infinitivo, a la que s'anyade un sufixo. Manimenos tamién se puede fer derivacions sin sufixos, formando substantivos verbals rizotonicos.

Nombres d'acción

Substantivos verbals rizotonicos

A partir d'un verbo en infinitivo se tira la desinencia que indica esta forma verbal, encara que tamién se puede dar lo caso que lo verbo s'haiga formau a partir d'un substantivo preexistent con esta forma:

Aider > aide.
Appeler > appel.
Arrêter > arrêt.
Demander > demande.
Marcher > marche.
Offir > offre.
Éveiller > éveil.
Réveiller > réveille.
Poser > pose.
Se reposer > repos.
Tourner > tour.
Retourner > retour.

Infinitivos

Lo infinitivo puede dar nombre a l'acción:

Dîner > dîner.^[1]

Participios

Lo participio pasau d'un verbo, que expresa lo resultau de l'acción, tamién expresa lo nombre d'esta acción. Lo nombre de l'acción con este sufixo ye de chenero feminín^[2]:

Entrer > entrée.
Arriver > arrivée.
Sortir > sortie.
Tomber > tombée du jour (en la mes gran part de los casos se diz chute).

A vegadas un participio irregular fosilizau ye dificir de reconoixer:

Cheoir ("cayer") > chute ("caita").
Entordre > entorse.

Lo participio pasau occitán -ada de muitas palabras ampradas por lo francés s'adaptó como -ade, que devez tamién sirvió pa adaptar palabras derivadas de participios en galaicoportugués, castellano, italiano y luengas relacionadas, por lo que se trobará en lusismos, castellanismos y italianismos. Este sufixo d'orichen participial se fació productivo en francés, y lochicament las formas creyadas son femininas:

Baigner > baignade.^[2]
Dérober > dérobade.^[3]
Glisser > glissade.^[3]
Noyer > noyade.^[3]
Promener > promenade.^[3]

Sufixos -ion, -tion, -ation, -sion, -xion

Lo sufixo -ation ye un sufixo culto francés cognato de lo sufixo culto aragonés -ación, derivaus los dos de lo latín -ATIONEM. Este sufixo por camín patrimonial ha dau en francés o sufixo -aison (liaison) y en aragonés -azón (ligazón). Ye un sufixo feminín:

Préparer > preparation.^[1]
Fabriquer > fabrication.^[1]
Publier > publication.^[2]

Los verbos con sufixo verbal -iser fan los suyos substantivos derivaus con este sufixo:

Organiser > organization.^[1]
Utiliser > utilization.^[1]

Lo sufixo -sion se presenta substituyindo a consonants sonoras como la d.

S'évader > evasion.^[3]
Décider > décision.^[1]

Lo sufixo -ssion presenta circumstancias pareixidas a l'anterior, pero substituye a consonants sordas como la t.

Permettre > permission.^[1]

Encara que en estos verbos lo substantivo derivau tienga una s xorda, presentan un participio fuerte con s sonora.

Lo sufixo -tion se presenta en grupos consonanticos con las formas -ition, ction y ption.

Definir > définition.^[1]
Protéger > protection.
Agir > action.

Ye notable la relación con verbos irregulars acabaus en -ire y en especial los irregulars acabaus en -uire, equivalents de los verbos irregulars aragoneses acabaus en -ducir y en -struir:

S'inscrire > inscription ("inscripción").
Interdire > interdiction.
Conduire > conduction ("conducción").
Détruire > destruction ("destrucción").
Traduire > traduction ("traducción").

Lo sufixo -xion se presenta en verbos cultos con grupos consonanticos como -ct- u -x-:

Anexer > anexion.^[3]
Se connecter > connexion.^[2]

Sufixo -ment

Ye cognato de lo sufixo -miento en aragonés. Con los verbos de la primera conchugación prene la forma -ement,^[1] que en aragonés ye -amiento. Los substantivos derivaus son masculins:^[2]

Commencer > commencement.
Ranger > rangement.
Changer > changement.
Remercier > remerciment.

Maminemos bi ha verbos probablement formaus a partir de substantivos con esta forma:

Argument > argumenter.

Sufixo -age

Lo sufixo -age ye cognato de l'aragonés -ache, y derivan los dos de lo latín -ATĬCU. Los substantivos formaus son masculins.^[2]

Heriter > héritage ("herencio").^[1]
Gaspiller > gaspillage.^[2]
Aborder > abordage.
Raser > rasage.
Emboutir > emboutissage.

Nombres de resultau

Sufixo -ure

Ye cognato de lo sufixo -ura en aragonés. Lo substantivo derivau ye de chenero feminín:

Ouvrir > ouverture.^[2]

Sufixo -is

Deriva de lo latín -ICIUM y ye lo cognato de l'aragonés -izo.

Bâtir > bâtisse.
Couler > coulis ("suco", "salsa").
Loger > logis.
Hacher > hachis.
Semer > semis ("sembrau", "sembradura", "plantero").
Clapoter > clapotis.
Bafouiller > bafouillis.
Barbouiller > barbouillis.
Gazouiller > gazouillis.

Doble nominalización

Un verbo con diferents sentius puede orichinar diferents nominalizacions:

Verbo	subtantivo rizotonico	-age	-ment	-ure	-ion y pareixius	participio
Abattre		abbatage	abattement
Acquérir					acquisition	acquis
Arrêter	arrêt				arrestation
Changer	change		changement
Déchirer			déchirement	déchiure
Emballer		emballage	emballement
Essayer	essai	essayage
Étirer		étirage	étirement
Exposer					exposition	exposé
Payer	paie		paiement
Relever	relève		relèvement
Tourner	tour	tournage		tournure		tournée
Retourner	retour		retournement

Nominalización d'adchectivos

Se puede formar substantivos a partir d'adchectivos calificativos con los sufixos -ance, ence, –esse, -ie, -ise y -té.

Sufixos -ce, -ance, -ence

Fort > force.
Important > importance.
Violent > violence.

Sufixo -(i)té

La forma -té va con adchectivos curtos:

Beau > beauté.
Clair > clarté.

La forma ité gosa ir con adchectivos mes largos, que a vegadas ya levan un sufixo:

Sensible > sensibilité.

D'entre las derivacions con este sufixo que no siempre pueden trobar-sen en atras luengas romances tenemos:

Efficace > efficacité.
Étrange > étrangeté.
Limpide > limpidité.

Sufixos -ise, -esse

Representan dos camins diferents dende lo sufixo latín -ITIA, que ha dau en aragonés -eza:

Franc > franchise (puede estar "franqueza" u "franquicia").
Gourmand > gourmandise.
Tendre > tendresse.

Sufixo -ie, -rie

Fou > folie.
Galant > galanterie.

D'entre las derivacions con este sufixo que no siempre pueden trobar-sen en atras luengas tenemos:

Inepte > ineptie.

Sufixo -itude

Cert > certitude.

Sufixo -eur

Lo sufixo -eur deriva de lo latín -OR, -ŌRIS y ye cognato de lo sufixo -or en aragonés.

Laid > laideur.
Doux > douceur.

Lo suyo emplego en latín primero ligau a verbos de la segunda conchugación latina ligaus a adchectivos terminaus en -ido.

CALĒRE (que por derivación tamién da CALIDUS) > CALOR > chaleur.
PALLĒRE (que por derivación tamién da PALLIDUS) > PALLOR > pâleur.

Como herencio de lo suyo emplego en latín se puede trobar en substantivos derivaus de adchectivos (chaleur), pero tamién de verbos (clameur), tanto en cultismos (odeur, horreur) como en palabras patrimonials (noirceur), u en chermanismos (laideur, blancheur).

Se puede emplegar pa nombrar magnituz fisicas:

Grand > grandeur ("grandaria")
Large > largeur ("amplaria").
Lent > lenteur.
Lourd > lourdeur ("peso")

Se puede aplicar a nombres de color:

Blanc > blancheur.
Noir > noirceur.

Sufixo -isme

S'emplega pa creyar lo nombre d'una noción abstracta:

Réel > réalisme.
Royal > royalisme.

Sufixo -iste

S'emplega pa creyar la denominación de las personas d'acuerdo con la caracteristica de l'adchectivo:

Réel > réaliste.
Royal > royaliste.

Nominalización de proposición completiva

Ye común en lo luengache periodistico.

Referencias

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 (fr) Jacky Girardet, Jean-Marie Cridlig: Panorama Plus 1 Méthode de français. Santillana-Clé International, 1996, p 176.
↑ ^2,0 ^2,1 ^2,2 ^2,3 ^2,4 ^2,5 ^2,6 ^2,7 (fr) Élodie Heu: Le nouvel édito. Niveau B1. Les Éditions Didier, 2012, pp 41-42.
↑ ^3,0 ^3,1 ^3,2 ^3,3 ^3,4 ^3,5 (fr) Christiane Descotes-Guenon, Marie-Hélène Morsel, Claude Richou: L'éxercisier. Presses universitaires de Grenoble, 2005. p 121, 125.

Bibliografía

(es) David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Editorial Gredos, S.A., 2002. ISBN 8424923391, 9788424923396.
(es) J.A. Saura: Elementos de fonética y morfosintaxis benasquesas, Zaragoza, Gara d'Edizions-Institución Fernando el Católico (2003).
(es) Gramática francesa. Larousse Editorial, S.A, 2014.
(es) Jesús Cantera y Eugenio de Vicente: Gramática francesa. Editorial Cátedra, S.A., 1999.
(fr) Christiane Descotes-Guenon, Marie-Hélène Morsel, Claude Richou: L'éxercisier. Presses universitaires de Grenoble, 2005.
(fr) Ludivine Glaud, Yves Loiseau, Elise Merlet: Grammaire essentielle du françáis. B1. Les Éditions Didier, 2015.
(fr) Élodie Heu: Le nouvel édito. Niveau B1. Les Éditions Didier, 2012.
(fr) Jacky Girardet, Jean-Marie Cridlig: Panorama Plus 1 Méthode de français. Santillana-Clé International, 1996.

A nominalización en aragonés y atras luengas romances
nominalización en galaicoportugués \| nominalización en astur-leyonés \| nominalización en castellano \| nominalización en aragonés \| nominalización en catalán \| nominalización en occitán \| nominalización en francés \| nominalización en italiano \| nominalización en rumano

Gramatica d'o francés

Fonetica	Accentuación · Epentesi de consonant-puent · Fonetica · Fonolochía · Elisión · H aspirada · Liaison · Sincopa
Morfolochía	Adchectivos (Cualificativos · Chentilicios · Colors · Grau comparativo · Grau superlativo · Demostrativos · Exclamativos · Indefinius · Interrogativos · Posesivos · Numerals cardinals · Numerals ordinals) · Adverbios (Afirmación · Cantidat · Dubda · Opinión · Deicticos · Espacials · Exclamativos · Frecuencia · Interrogativos · Modals · Manera · Negación · Relación lochica · Tiempo) · Articlos (Definius · Indefinius · Partitivo) · Chenero · Conchuncions (Copulativas · Adversativas · Dischuntivas · Causals · Comparativas · Completivas · Concesivas · Condicionals · Consecutivas · Finals · Subordinativas· Temporals) · Numerals · Numero · Pronombres (Demostrativos · Indefinius · Interrogativos · Posesivos · Personals · Relativos) · Prefixos (Cultos) · Sufixos (Cultos · Verbals) · Preposicions · Locucions prepositivas · Verbos · Conchugación (Primera conchugación · Verbos acabaus en -oir · Verbos acabaus en -re · Verbos acabaus en -ir d'a tercera conchugación · Conchugacions incoativas · Verbos irregulars acabaus en -ître · Segunda conchugación · Verbos irregulars · Modo condicional · Modo imperativo · Modo indicativo · Modo infinitivo · Modo participio · Modo subchuntivo · Tiempos verbals · Tiempos verbals perifrasticos · Verbos auxiliars · verbo être · verbo avoir) · Verbos modals · Verbos de movimiento · Verbos pronominals · Locucions verbals · Construccions verbo-nominals
Sintaxi	Concordancia · Estilo directo · Estilo indirecto · Inversión · Negación · Sintagma adchectival · Sintagma nominal · Sintagma verbal · Orden de pronombres · Voz pasiva · Oracions de relativo · Oracions completivas · Oracions completivas infinitivas · Oracions temporals · Oracions causals · Oracions finals · Oracions consecutivas · Oracions concesivas · Oracions condicionals · Oracions comparativas · Oracions impersonals
Lexicolochía	Anglicismos · Antroponimia · Arabismos · Arpitanismos · Castellanismos · Celtismos · Cultismos · Chermanismos · Escandinavismos · Eslavismos · Fitonimia · Hidronimia · Goticismos · Helenismos · Hongarismos · Italianismos · Lusismos · Miconimia · Neerlandismos · Occitanismos · Palabras ampradas d'as luengas d'oïl en francés · Persismos · Superstrato francico · Tudesquismos · Turquismos · Nominalización · Oronimia · Semicultismos · Toponimia · Zoonimia
Ortografía	Normas ortograficas d'o francés

Datos: Q31761874

[MÉTHODEPANORAMA-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 (fr) Jacky Girardet, Jean-Marie Cridlig: Panorama Plus 1 Méthode de français. Santillana-Clé International, 1996, p 176.

[EDITOB1-2] 2,0 ^2,1 ^2,2 ^2,3 ^2,4 ^2,5 ^2,6 ^2,7 (fr) Élodie Heu: Le nouvel édito. Niveau B1. Les Éditions Didier, 2012, pp 41-42.

[EXERCISER-3] 3,0 ^3,1 ^3,2 ^3,3 ^3,4 ^3,5 (fr) Christiane Descotes-Guenon, Marie-Hélène Morsel, Claude Richou: L'éxercisier. Presses universitaires de Grenoble, 2005. p 121, 125.

[1]

[2]

[3]