Abrir menú principal

Articlo definiu en francés

L'articlo definiu en francés tiene lo suyo orichen en las formas tipo ILLUM, ILLA como en la mayor parte de las luengas neolatinas[1]. Las suyas formas son le, la, les[2].

Chenero y numero Singular Plural
Masculín le (l' + vocal) les
Feminín la (l' + vocal) les

ContraccionsEditar

Dezaga de las preposicions à y de presenta contraccions:

Chenero y numero Singular Plural
Masculín au (à l' + vocal) aux
Feminín à la (à l' + vocal) aux
Chenero y numero Singular Plural
Masculín du (de l' + vocal) des
Feminín de la (de l' + vocal) des

EmplegoEditar

L'uso de l'articlo definiu ye pareixiu a lo d'atras luengas romances occidentals. Los articlos definius se fan servir debant d'un substantivo como qualquecosa cheneral, determinada, bien conoixida por totz:[3]

  • Le vin que nous avons bu: "Lo vin que hemos bebiu".

L'articlo definiu no se feba servir en la Edat Meya en casos en los que se fa servir l'actualidat. Como lo emplego de l'articlo definiu ha augmentau en las luengas romances quan estas luengas ya yeran individualizadas,[1] los emplegos respectivos no siempre coinciden.

Lo francés emplega l'articlo definiu en casos en los que las luengas ibero-romances pueden omitir-lo:

Expresions como à la messe, à la maison, que corresponden en las luengas ibero-romances a misa, en misa u a casa, en casa (pero la casa de lo subchecto):[4]

  • Pierre est allé á la messe.

Expresions como aller à la chasse, à la pêche, au bagne, au Palais Royal,[4] ecetra:

Nombres de fiestas que no sigan Pascuas:[4]

  • J'entamai donc mes recherches à partir de la veille de la Toussaint

Complementos circunstancials de tiempo con estacions de l'anyo (fueras d'este caso no levan articlo):[4]

  • L'hiver, on l'approche de la cheminée, afin que la chaleur puisse favoriser la fermentation panaire.

Dezaga de substantivos como temps, occasion, patience, permission, force y courage dezaga de verbos como avoir, demander, donner y lurs sinonimos:[4]

  • Donner le temps.
  • J'ai même eu le temps de mettre ma literie dans un sac dans la voiture.

Bi ha expresions con verbo avoir que fan referencia a la instalación u lo servicio y no necesariament a l'aparato que levan este articlo:[4]

  • Avoir la radio.
  • Avoir la TV.
  • Avoir le téléphone.

Exclamacions que en atras luengas levarían un exclamativo que:[4]

  • ¡ oh, le beau moineau !!.

En lo luengache de la hostelería s'anyade l'articlo en expresions como le pâte du chef, que no en levarían en atras luengas.[4]

En lo luengache escolar las asignaturas u materias d'estudio levan articlo:[4]

  • J'apprends la biologie.

Con lo superlativo relativo quan ye dezaga de lo substantivo:[4]

  • L'ouvrier le plus habile.

Lo emplego de l'articlo definiu con nombres de países, nacions, islas, comarcas ye caracteristico de lo francés y mesmo plegó como galicismo en la Espanya de los sieglos XVIII y XIX, quan se deciba a sobén La Italia, La España. En lo sieglo XX deixó d'estar frequent.[5] Lo emplego de l'articlo definiu con toponimos presenta diferiencias d'acuerdo con lo chenero, numero y mida, lo que obliga a describir-lo en un apartau propio.

L'articlo definiu con los toponimosEditar

A diferiencia d'atras luengas romances, en francés se fa servir muito l'articlo definiu pa nombrar países u rechions (L'Espagne, La France, L'Italie, La Provence, La Bretagne, L'Aragón, L'Andalousie, La Lombardie). Manimenos bi ha países como Andorre, Monaco, Chypre, Cuba, Haïti, Israël, Barhein, Oman, Djibouti y Hongkong, que se fan servir sin d'articlo definiu.[6]

Quan se fa mención de los países que van con articlo pero dezaga de preposición ya no se fa servir l'articlo definiu en dos casos:

Si ye feminín singular:

Si lo país ye masculín singular y encomenzau por vocal:

  • J'habite en Équateur: Yo vivo en Ecuador.
  • Je pars en Uruguay: Yo me'n voi ta Uruguai.
  • Je viens d'Ouganda: Yo viengo d'Uganda.

Las contraccions no afectan a los anteditos nombres de países feminins singulars u masculins encomenzaus por vocal, por no fer-se-ie servir l'articlo. Manimenos si que afectan a los países masculins singulars no encomenzaus por vocal y a los países con una denominación en plural:

Omisión de l'articloEditar

Diferenciando-se de bella luenga ibero-romance l'articlo definiu francés no se fa servir con las horas, los nombres de los días de la semana, los nombres de los meses dezaga de preposición en cheneral, nombres de carreras dezaga de preposición, la edat de las presonas, los porcentaches y los tractamientos de respecto como Monsieur, Madame y Mademoiselle.[4] No se fa servir con nombres de puestos web y se dice sur facebook, sur youtube, sur google.

L'articlo definiu no s'emplega con los meses dezaga de preposición si se nombran en cheneral, coincidindo con lo castellán y lo catalán y diferenciando-se de lo catalán:

  • En Ø avril, ne te découvre pas un fil, en Ø mai, fais ce qu'il te plaît.

L'articlo definiu no gosa ir dezaga de la preposición en, que se fa servir debant de substantivos sin determinación. Manimenos bi ha excepcions con las palabras an, état y honneur (anyo, estau y honor):[4]

  • Après une pointe atteinte en l'an 1968, nous voyons une tendance de diminution et une certaine stabilisation, et même une légère nuance d'accroissement en 1972.
  • En l'état actuel de la jurisprudence, et en l'état actuel du droit international, il n'y a pas d'obstacle à la renonciation totale ou partielle d'un État à son immunité d'exécution.
  • Les Lernées se célebrent en l'honneur de Bacchus toutes les années, dit Pausanias , la fête se fait la nuit...}}

ReferenciasEditar

  1. 1,0 1,1 (es) Heinrich Lausberg: Lingüistica romanica. Tomo II morfología. Editorial Gredos.
  2. (fr) Jacky Girardet, Jean-Marie Cridlig: Panorama Plus 1 Méthode de français. Santillana-Clé International, 1996, p 16, p 24.
  3. (fr) Ludivine Glaud, Yves Loiseau, Elise Merlet: Grammaire essentielle du françáis. B1. Les Éditions Didier, 2015, pp 14-19.
  4. 4,00 4,01 4,02 4,03 4,04 4,05 4,06 4,07 4,08 4,09 4,10 4,11 (es) Jesús Cantera y Eugenio de Vicente: Gramática francesa. Editorial Cátedra, S.A., 1999, pp 42-43.
  5. (es) Rafael Lapesa. Historia de la lengua española. Editorial Gredos. (1981, p 63, pp 113-116, pp 168-170, p 271, pp 410-412, pp 454-456.
  6. (fr) Christiane Descotes-Guenon, Marie-Hélène Morsel, Claude Richou: L'éxercisier. Presses universitaires de Grenoble, 2005. pp 83-84.

BibliografíaEditar


Os articlos definius en aragonés y atras romances
L'articlo definiu en galaico-portugués · l'articlo definiu en astur-leyonés · l'articlo definiu en castellán - l'articlo definiu en aragonés · l'articlo definiu en catalán · l'articlo definiu en occitán · l'articlo definiu en francés · l'articlo definiu en italián · l'articlo definiu en rumán


Gramatica d'o francés
Fonetica Accentuación · Epentesi de consonant-puent · Fonetica · Fonolochía · Elisión · H aspirada · Liaison · Sincopa
Morfolochía Adchectivos (Qualificativos · Chentilicios · Colors · Grau comparativo · Grau superlativo · Demostrativos · Exclamativos · Indefinius · Interrogativos · Posesivos · Numerals cardinals · Numerals ordinals) · Adverbios (Adverbios d'afirmación · Adverbios de dubda · Adverbios d'opinión · Adverbios deicticos · Adverbios espacials · Adverbios exclamativos · Adverbios de freqüencia · Adverbios interrogativos · Adverbios modals · Adverbios de manera · Adverbios de negación · Adverbios de quantidat · Adverbios de relación lochica · Adverbios de tiempo) · Articlos (Articlos definius · Articlos indefinius · Articlo partitivo) · Chenero · Conchuncions (Conchuncions copulativas · Conchuncions adversativas · Conchuncions dischuntivas · Conchuncions causals · Conchuncions comparativas · Conchuncions completivas · Conchuncions concesivas · Conchuncions condicionals · Conchuncions consecutivas · Conchuncions finals · Conchuncions subordinativas· Conchuncions temporals) · Numerals · Numero · Pronombres (Pronombres demostrativos · Pronombres indefinius · Pronombres interrogativos · Pronombres posesivos · Pronombre presonal · Pronombre relativo) · Prefixo (Prefixos cultos) · Sufixo (Sufixos cultos · Sufixos verbals) · Preposicions · Locucions prepositivas · Verbos · Conchugación (Primera conchugación · Verbos acabaus en -oir · Verbos acabaus en -re · Verbos acabaus en -ir d'a tercera conchugación · Conchugacions incoativas · Verbos irregulars acabaus en -ître · Segunda conchugación · Verbos irregulars · Modo condicional · Modo imperativo · Modo indicativo · Modo infinitivo · Modo participio · Modo subchuntivo · Tiempos verbals · Tiempos verbals perifrasticos · Verbos auxiliars · verbo être · verbo avoir) · Verbos modals · Verbos de movimiento · Verbos pronominals · Locucions verbals · Construccions verbo-nominals)
Sintaxi Concordancia · Estilo directo · Estilo indirecto · Inversión · Negación · Sintagma adchectival · Sintagma nominal · Sintagma verbal · Orden de pronombres · Voz pasiva · Oracions de relativo · Oracions completivas · Oracions completivas infinitivas · Oracions temporals · Oracions causals · Oracions finals · Oracions consecutivas · Oracions concesivas · Oracions condicionals · Oracions comparativas · Oracions impersonals
Lexicolochía Anglicismos · Antroponimia · Arabismos · Arpitanismos · Castellanismos · Celtismos · Cultismos · Chermanismos · Escandinavismos · Eslavismos · Fitonimia · Hidronimia · Goticismos · Helenismos · Hongarismos · Italianismos · Lusismos · Miconimia · Neerlandismos · Occitanismos · Palabras ampradas d'as luengas d'oïl en francés · Persismos · Superstrato francico · Tudesquismos · Turquismos · Nominalización · Oronimia · Semicultismos · Toponimia · Zoonimia
Ortografía Normas ortograficas d'o francés