Luengas romances

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Luengas romances
Familia lingüistica
Atras denominacions:	Luengas romanicas, luengas neolatinas
Distribución cheografica:	Orichinadas en a costa mediterrania y Europa occidental; actualment se charran por tamién en toda America, gran parti d'Africa y partis d'o sudeste d'Asia y Oceanía
Etnia:	Pueblos latinos
Clasificación lingüistica
Clasificación:	Indoeuropeas Italicas Romances
Protoluenga:	Latín vulgar
Subdivisions:	1) Italo-occidentals 2) Orientals 3) Sardo
ISO 639-1:	[1]
ISO 639-2:	[2]
ISO 639-3:	[3]
ISO 639-4:	[4]
ISO 639-5:	roa
Linguasphere:	51- (phylozone)
Glottolog:	roma1334
Mapa de situación
Francés (azul), castellano (verde), portugués (narancha), italiano (amariello) y rumano (royo).

As luengas romances u luengas neolatinas son as que derivan d'o latín vulgar

Con a caita de l'Imperio Romano, as diferents entidatz territorials, a gran distancia entre as partz, y a influencia d'as luengas locals o latín vulgar facioron que evolucionase t'as luengas romances.

Actualment son 20 luengas charratas por 900 millons de personas.

Luengas iberorromanicasEditar

Aragonés: Luenga charrata en o norte d'Aragón. Declarata luenga propia d'Aragón.
Astur-leyonés: luenga u conchunto de luengas pareixitas entre as que se troban:
- Asturiano: Luenga charrata en Asturias por 110.000 personas.
- Leyonés: Luenga charrata Leyón.
- Mirandés: ye oficial en Miranda de l Douro, Portugal.
Catalán: Luenga oficial de Catalunya, Islas Balears, País Valenciano, Andorra y a ciudat d'Alguer. Tamién se charra en a Francha de Levant, estando luenga propia d'Aragón.
- Valenciano: oficial en o País Valenciano, considerato catalán occidental por totz os lingüistas.
Castellano: Parlato por 300 millons de personas en Espanya, America d'o Sud, Estaus Unius, Guinea Equatorial, Sahara Occidental y Filipinas.
Chudeocastellano: Luenga d'os sefarditas, descendients d'os chodigos que forachitoron d'Espanya.
Gallego: Una d'as luengas oficials de Galicia, Espanya. Charrata por 3 millons de personas.
Mozarabe
Occitán: Charrato en Occitania (os suyos dialectos son o lemosín, l'auvernés, o provenzal, o lengadocián, o gascón y o vivaroalpín). Oficial en a suya variedat aranesa en Catalunya.
Portugués: Luenga oficial de Portugal, Brasil, Mozambique, Timor Oriental, Sant Tomé y Prencipe.

Istas dos zagueras son clasificatas por Ethnologue como luengas d'o grupo pirenenco-mozarabe, como grupo trestallato d'as luengas galorromanicas y iberorromanicas. Manimenos, ista clasificación no ye guaire seguita en atros estudios sobre luengas romanicas, que gosan incluyir l'aragonés y o mozarabe entre as luengas iberorromanicas, a mes dentro d'o mozarabe i heba diferents grupos de parlas que s'estendillaban por mes d'a metat d'a peninsula, unas mes pareixitas a los idiomas d'o nord-este y atras menos.

Luengas italo-dalmatasEditar

Dalmata: Luenga muerta que se charraba en l'actual Croacia.
Italiano: Luenga charrata en Italia y Suiza.

Luengas retorromanicasEditar

Friulán: Charrato en Udine, Italia.
Ladino-dolomita: Charrato en l'Alto Adigio, Italia.
Rumanche: Luenga nacional, que no oficial, de Suiza.

Luengas oïl-romancesEditar

Francés: Charrato en Francia, Suiza y en as antigas colonias francesas.
Francoprovenzal: Charrato en Arpitania.
Valón: Charrato en Belchica.

Luengas romances orientalsEditar

Rumano: Charrato prencipalment en Rumanía y Moldavia por 28 millons de personas, con minorías en o norte Serbia, norte de Bulgaria, Ucraína y Rusia.
Istrorrumano: Charrato en Istria, (Croacia).
Arrumano: Charrato en Grecia, Bulgaria, Rumanía, Macedonya d'o Norte, Albania y sud de Serbia.
Meglenorrumano: Charrato en o norte de Grecia.

Luenga sardaEditar

Sardo: Charrato en Cerdenya.

Luengas romances
Aragonés \| Arrumano \| Astur-leyonés \| Castellano \| Catalán \| Corso incluindo o gallurés \| Chudeocastellano \| Dalmata \| Francés incluindo o diasistema d'as luengas d'oïl con o Borgonyón, Campanyés, Franco-Contés, Galó, Lorenés, Normando (Guernesiés, Jèrriais y Anglo-normando), Petavín-Santonchés, Picardo y Valón \| Francoprovenzal \| Friulán \| Gallego \| Istriot \| Istrorrumano \| Italiano \| Ladino \| Ligur \| Lombardo \| Meglenorrumano \| Napolitán \| Occitán incluindo o gascón y l'aranés \| Piemontés \| Portugués \| Rumanche \| Rumano \| Sardo incluindo o sasarés \| Siciliano \| Veneciano