Hong Kong

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

A Rechión Administrativa Especial de Hong Kong d'a Republica Popular China ye una rechión china formata por una peninsula y quantas islas, entre ellas a isla de Hong Kong, en o Mar d'a China Meridional, en o delta d'o Río d'as Perlas, chunto a la provincia de Guangdong. Dica 1997 estió colonia d'o Reino Uniu.

Rechión Administrativa Especial de Hong Kong d'a Republica Popular China 中華人民共和國香港特別行政區 Hong Kong Special Administrative Region of the People's Republic of China
Rechión administrativa especial de China
Bandera Escudo
Entidat  • Estato	Rechión administrativa especial China
Capital  • Población	Hong Kong 461.833
Idioma oficial	Anglés y chinés
Establimiento d'o Reino Uniu	1 de chulio de 1997
Superficie  • Total	1 105.69 km²
Gubierno  • President RPC  • Chefe executivo	Republica popular Xi Jinping John Lee
Población  • Total (2011)  • Densidat	7 071 576 hab. 6.688 hab/km²
PIB (nominal)  • Total  • PIB per capita	US$325.755 millons US$42.123
Zona horaria	UTC+8
ISO 3166-2  • Internet	CN-HK .hk
Prefixo telefonico	+ 852
Moneda	Dólar de Hong Kong (HKD)
Chentilicio	Hongkongués/a
Pachina web oficial
Miembro de: China

O nombre d'a isla de Hong Kong (chinés: 香港, pinyin: Xiānggǎng) significa "puerto vaforoso". A transcripción "Hong Kong" ye alazetada en a prenuncia cantonesa.

Hong Kong ye una d'as dos "rechions administrativas especials" de China. L'atra ye l'antigua colonia portuguesa de Macau. En istas dos rechions administrativas especials s'aplica o modelo administrativo conoixiu como un país, dos sistemas (一國兩制, yì guó liǎng zhì). Iste sistema, ideyato por Deng Xiaoping, pretende que s'aplicase a una eventual reunificación con Taiwán, pende en o mantenimiento d'un sistema economico capitalista baixo a soberanía d'un país d'ideyolochía oficial comunista. Antimás d'o sistema economico, istas dos rechions tienene un sistema administrativo y chudicial independient, y mesmo o suyo mesmo sistema de duanas y mugas externas.

Esporte

As politicas esportivas y directrices ta a organización d'eventos esportivos en Hong Kong son regulatas por o Major Sports Events Committee.

Dende l'anyo 2004, o Hong Kong Sports Institute Limited ye l'organismo d'o gubierno ta o control, analisi y o desembolique d'os esportistas de Hong Kong ta la partecipación en os diferents esportes y competicions esportivas internacionals.

En Hong Kong se practica muita variedat d'esportes qualcuns d'ells derivaus d'a larga ocupación britanica. Cal destacar o fútbol, o golf, as cursas de caballos, o baloncesto, o críquet, as cursas de barco dragón y o rugby.

D'entre os suyos esportistas en a historia cal destacar a Lee Lai-shan a primera naixita en Hong Kong que consiguió una medalla olimpica en vela en os Chuegos Olimpicos de 1996 celebraus en Atenas.