Chenero gramatical en aragonés
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O chenero gramatical en aragonés se puet clasificar seguntes diferents grupos de palabras.
As palabras que derivan d'a segunda declinación u asimiladas a la segunda conchugación gosan estar masculinas:
- FILIU(M) > fillo.
- SCIURU + OLU(M) > esquiruelo.
As palabras que derivan d'a primera declinación gosan estar femininas:
- FILIA(M) > filla
Bi ha plurals neutros asimilaus a la primera declinación que se converten en singulars de chenero feminín:
- FOLIA(M) > fuella
Bi ha palabras que sin provenir de radices latinas terminadas en -a ni plurals neutros en -a prenen chenero feminín con -a morfolochica:
As palabras acabadas en -or son femininas:
- a honor, a calor, a color, y en aragonés medieval la amor.
Os árbols fruitals por un regular acaban en -era, sufixo que deriva d'o latín -ARIA y tienen por un regular chenero feminín:
- a perera, a manzanera, a nuquera, a castanyera, a tellera/o tilero, a olivera, a ciresera, l'almendrera
Por extensión a mata que produce bel fruito aproveitable tamién puet acabar con o sufixo -era y ye de chenero feminín:
O chenero d'os ríos ye variable seguntes o río.
- Muitos que acaban en -a tienen chenero feminín: A Cinca/A Cinga, A Cinqueta, A Garona, L'Arba, A Noguera, A Isuela, La Uecha, La Uerba, etc... Este zaguero se deciba en o castellano d'o sieglo XVI en Aragón río de la Uerba.
- Muitos que provienen d'a segunda y tercera declinacions tienen chenero masculín: L'Ebro, O Galligo, O Flumen, L'Alcanadre.
Bi ha sustantivos con un solo chenero que se dividen en sustantivos invariables y sustantivos epicenos, que si acaban en -o son masculins y si acaban en -a son feminins.[3]. Os sustantivos invariables corresponden a sers asexuaus (agüerro, forca, nieu, ecetra), os sustantivos epicenos corresponden a animals que a chent no diferencia si son masclos u fembras cuan en parlan (guardafuents, limaco, muriciego, ecetra).
Referencias
editar- ↑ (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN 978-84-8094-061-0 p 189.
- ↑ (es) SAURA RAMI, José Antonio: Elementos de fonética y morfosintaxis benasquesas. Gara d'Edizions, Institución Fernando el Católico, 2003 p. 127.
- ↑ (es) LOZANO SIERRA, Chabier: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010.
Bibliografía
editar- (es) LOZANO SIERRA, Chabier: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010.
