Verbos freqüentativos en aragonés

Os verbos freqüentativos en aragonés indican accions que se repiten u iterativas. Muitos d'os verbos freqüentativos presentan a terminación en -iar u en -eyar. En aragonés tamién bi ha verbos freqüentativos remataus en -car u -gar y en -tar y -lar.

Verbos freqüentativos en -iar u -eyar

Ta más detalles, veyer l'articlo Verbos remataus en -iar (freqüentativos)veyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

A terminación -iar deriva d'o latín -IDIARE. A forma -eyar ye a evolución lochica de -IDIARE por a fonetica aragonesa y d'atras luengas romances, como rayo de RADIO, pero no ye a més freqüent. A terminación -iar ya se troba en beluns d'os primers textos escritos en romanz navarro-aragonés, y se puet trobar en atros textos medievals coexistindo con formas en -eyar y -ear.

Talment por perder-se a epentesi antihiatica tamién s'haiga produeito un retacule d'as formar en -eyar d'os verbos freqüentativos a favor d'as formas en -iar.

A forma en -iar ye a més extendillada en aragonés, y tamién se troba en castellano d'Aragón, que ha heredau a tendencia antihiatica de l'aragonés.

Sustantivos derivaus

Os substantivos verbals que derivan d'os verbos freqüentativos rematan en -eyo. Manimenos s'ha de fer notar que a -y- intervocalica en este y atros casos aragonés ye suave y no se pronuncia d'egual traza que en as luengas circunvecinas castellano y catalán. Adaptacions dende o castellano de parabras que derivan de verbos castellanos en -ear se pueden adaptar correctament en aragonés con -eyo: seseyo, ceceyo, ecetra.

Verbos freqüentativos en -gar y -car

Ta más detalles, veyer l'articlo Verbos remataus en -car u -garveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Os verbos en -icar, -ecar y -ucar pueden tener un matiz despectivo que s'anyade a la valura freqüentativa. En qualques variants d'aragonés como o benasqués beluns d'estos verbos se pueden presentar como -egar.

• Arrocegar.
• Chemecar.
• Esbelegar.
• Esberrecar.
• Esgramucar/Esbramucar/Esbramegar.
• Esperrecar.
• Estosegar.

Substantivos derivaus

Son substantivos derivaus de verbos en -gar u -car:

• Chemeco/chomeco.
• Perreque.

Doble freqüentatividat

En relación a estos verbos y os anteriors bi ha un infixo verbal -uc- que se situa entre a radiz y o sufixo verbal -iar:

• Barduquiar.
• Minchuquiar.
• Manuquiar.
• Esmenuquiar.
• Barducaliar.

Se veiga tamién

• Sufixos verbals en francés.