Solanum lycopersicum
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Solanum lycopersicum | ||||||||||||||||||
 Tomates | ||||||||||||||||||
| ||||||||||||||||||
| Solanum lycopersicum | ||||||||||||||||||
| L., 1756 | ||||||||||||||||||
A tomatera[1][2][3][4] (Solanum lycopersicum) ye una planta d'a familia Solanaceae y lo suyo fruito ye lo tomate.
L'orichen d'a planta silvestre se troba en a zona entre o norte de Chile, Perú y Ecuador, y estió en Mexico a on que se domesticó y cautivó por primera vegata ya antis d'a plegata d'os conqueridors espanyols. O nombre d'o fruito deriva d'a palabra náhuatl tomatl.
Ye una planta herbacia anyal, bellas vegadas bianyal, erecta u decumbent, de grandaria muit variable seguntes as variedaz (as tempranas gosan aconseguir una longaria d'1,2 m; as tardanas, son cuasi siempre mas grans y pueden plegar a medir o doble). Tiene tallos ramificau, bellas vegadas volubles, densament glanduloso-pubescents, con pels curtos con u sin glandulas y pels largos, blancos y pluricelulars. As fuellas plegan dica 24 por 17 cm, ovadas u ovado-lanceoladas, imparipinnadas u biimparipinnadas con peciolo d'1,5–6 cm y con foliolos que miden 4-60 por 3–40 mm, ovaus, obtusos, peciolulaus, enters u lobaus, muit desiguals, alternos, suboposaus u oposaus, por un regular verdes, glanduloso-pubescents por a faz, cenicientos y tomentosos por o revés. A inflorescencia ye composada de cimas racemiformes, isoladas u cheminadas, con 3-7 flors, extra-axilar, con frecuencia oposada a las fuellas y con pedunclo 4–15 mm, a vegadas bifurcau. As flors son actinomorfas, hermafroditas, sin bractias, con pedicelos de 5,5– 20 mm en flor, y de dica de 30 mm, deflexos y ixamplaus en a fructificación, con una articulación enta la metat u un poquet por alto d'a mesma. O caliz tien 6-10mm en a florada y dica 30 mm en a fructificación. Ye campanulau, con 5-7 sepalos soldaus en a base, glanduloso-pubescent, y tubo de 0,5-1,5 mm, mas curto que no os lobulos que miden 5–10 mm y son linial-lanciolaus u linial-elipticos, subobtusos, licherament desiguals. A corola mide bels 8–12 mm, igual u liucherament mas larga que o caliz, amariella, glanduloso-pubescent, con 5-8 petalos de 6-8,5 mm, soldaus en a base, oblanceolaus, ciliaus, con tres niervos. Os estambres son glabros, iguals entre si, con filamentos de 0,2–1 mm, unius en a parte inferior y con a parte distal libre, mas curta que no as anteras que tienen 6–8 mm. L'ovario ye glanduloso-pubescent con estilo cilindrico, a vegadas ixamplau en l'apex, pubescent en a metat inferior a lo menos cuan ye choven, y con estigma capitau, deprimiu en o centro.
Referencias
editar- ↑ (es) LARROSA SANZ, Julio, "Animals y plantas del lugar de Panzano", IV Jornadas de Cultura Popular Altoaragonesa (Sariñena, noviembre 1982), Huesca, Instituto de Estudios Altoaragoneses, 1982.
- ↑ (es) VIZCARRA RABAL, Elena, "Plantas y animales de Borrés", IV Jornadas de Cultura Popular Altoaragonesa (Sariñena, noviembre 1982), Huesca, Instituto de Estudios Altoaragoneses, 1982.
- ↑ (es) GRACIA GINÉS, Chusé A., "Léxico etimológico de Andorra", Cierzo, chulio 1994, chinero 1998
- ↑ (es) NAGORE LAÍN, Francho, "Plantas cultivadas", Gran Enciclopedia Aragonesa, tomo X, Zaragoza, Unali, 1982, pp. 2704-2705
Vinclos externos
editar
Se veigan as imáchens de Commons sobre Solanum lycopersicum.
Wikispecies tiene un articlo sobre Solanum lycopersicum.- (de) Tomatensorten aus aller Welt- über 20.000 Sorten, artíclo en Ethno-Botanik.org.
Datos: Q23501- Multimedia: Solanum lycopersicum / Q23501
- Especies: Solanum lycopersicum
