Cerasus

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

«Ceresera» rendreza ta iste articlo. Ta atros emplegos d'a parola «ceresera» se veiga Ceresera (desambigación).

Cerasus
Florada d'una gran ceresera Cerasus.
Denominacions populars
Cereseras, cireseras, cereceras, cireceras
Clasificación cientifica
Dominio:	Eukaryota
Reino:	Plantae
División:	Magnoliophyta
Clase:	Magnoliopsida
Orden:	Rosales
Familia:	Rosaceae
Chenero:	Prunus
Subchenero:	Cerasus
Descripción
Cerasus MILL., 1754

Cerasus ((MILL.) FOCKE ex. ENGL. & PRANTL., 1888), que en latín significa literalment «ceresera», ye un subchenero d'árbols y arbustos dintro d'o chenero Prunus, en a familia d'as rosacias, descrito por primer vegada en 1754 por o naturalista escocés Philip Miller como chenero de pleno dreito, anque historicament isto ha estau muit controvertiu. O subchenero engloba las diferents especies que, en aragonés y popularment, se denomina cereseras u cireseras.

Actualment, y dende a propuesta de Focke de 1888 (basada en l'anterior Naturliche Pflanzfamilien d'Engler y Prantl), se considera un subchenero de Prunus despartiu en dos seccions: Cerasus y Laurocerasus, os cuals concaben as suyas diferents especies.

As especies principals de Cerasus que se puede denominar como cereseras son Prunus cerasus y Prunus avium, dos especies muit pareixidas entre si y que habitan en Europa, pero l'abundanza d'especies que cumplen caracteristicas parellanas en o mundo puede fer que, eventualment, ixa denominación popular pueda aplicar-se a tot Cerasus.

Descripción

As especies de Cerasus tienen as siguients caracteristicas morfolochicas en común:

As fuellas, deciduas, son pecioladas, de forma ovalada, ovato-oblongas u lancioladas, con a marguin dentada y as dients de midas irregulars, d'entre 1 y 4 mm de lonchitut. As fuellas son verdes en o anverso y leverament tomentosas en o reverso, especialment en os niervos.

As flors son blancas u rosadas, solitarias u agrupadas en racemos y nunca en corimbo. Son pentameras, como en todas as rosacias.

A crosta ye lisa, brillant, menos en os tanos (a on que se torna rugosa). Cuan ye seca puede desprender-se con aparienza de papel.

Se veiga tamién

• Ceresera (desambigación).
• Ceresa.

Vinclos externos

• Se veigan as imáchens de Commons sobre Prunus subg. Cerasus.
• Wikispecies tiene un articlo sobre Cerasus.

• Datos: Q2946681
• Multimedia: Prunus subg. Cerasus / Q2946681
• Especies: Prunus subg. Cerasus