Río Isuela (Uesca)

en Uesca
Este articlo ye sobre un río d'a provincia de Uesca; pa atros usos, se veiga río Isuela.
Isuela
Isuala
A Isuela en a Foz de Sant Climent auguas d'abaixo d'a Presa d'Arguis
A Isuela en a Foz de Sant Climent auguas t'abaixo d'a Presa d'Arguis y pasando dichós o viaducto d'a N-330.
Administración
Estatos
Territorios Flag of Aragon.svg Aragón
Cheografía
Longaria  km
Altaria d'o naixedero  m
Naixedero Collada de Labarza
Desembocadura río Alcanadre
Superficie d'a cuenca km²
Cabal meyano m³/s


A Isuela[1] u Isuala ye un río d'a provincia de Uesca que traviesa a suya capital, y un afluyent d'o río Alcanadre por a suya marguin dreita. O principal afluyent d'a Isuela ye o río Flumen, que se reculle cerca de Bunyals por a marguin ezquierda.

En a toponimia tradicional local se considera que o río Flumen se reculle en a Isuela, manimenos en os mapas oficials feitos dende as institucions consideran a Isuela un afluent d'o río Flumen, y dende a confluencia d'os dos consideran que ye río Flumen y no río Isuela[2].

ToponimiaEditar

Isola ye a forma que apareixe por o menos dende 1104 en latín medieval y ye una forma probablement latinizada. As formas con diftongación romanz La Ysuela ya se troban en aragonés medieval por o menos dende 1486.[3]

Dende o forcallo entre a Isuela y o Flumen en Bunyals o curso d'augua recibe a denominación oficial actual de "Flumen", encara que a denominación historica haiga estau "Isuela" en aragonés medieval, a denominación oficial en castellán dica o sieglo XIX[3] y tamién siga a denominación tradicional y actual[4] en castellán d'Aragón.

En a interpretación d'o hidronimo bi ha dos tipos principals d'hipotesis. Unas hipotesis consideran que fa part d'una serie de hidronimos prerromans muito antigos vinclan o hidronimo Isuela con atros hidronimos que encomienzan por is-, que sería una hipotetica radiz *IS con un significau relacionau con l'augua.[3] Atras hipotesis vinclan a parola Isuela con o latín INSULA/ISULA ("isla") y a forma romance "isola" con as suyas variants[5], que se presentan a sobén en a microtoponimia altoaragonesa. D'estar cierta a segunda hipotesi s'habría asimilau u cambiau l'anterior sufixo latín atono -ULO a lo sufixo -uelo.

ReferenciasEditar

  1. (es) BOA ORDEN VMV/914/2020, de 14 de septiembre, por la que se publica el Acuerdo adoptado por el Gobierno de Aragón, en su reunión celebrada el día 15 de julio de 2020, por el que se aprueban las modificaciones del Nomenclátor Geográfico de Aragón.
  2. (an) Francho Rodés, Paquita Maza, Gonzalo Gavín Bocabulario monegrino Publicacions d'o Consello d'a Fabla Aragonesa, 2005, p 121.
  3. 3,0 3,1 3,2 (es) Miguel Dolz: El nombre del Isuela. Argensola: Revista de Ciencias Sociales del Instituto de Estudios Altoaragoneses, ISSN 0518-4088, Nº 13, 1953, págs. 37-44
  4. (an) Francho Rodés, Paquita Maza, Gonzalo Gavín Bocabulario monegrino Publicacions d'o Consello d'a Fabla Aragonesa, 2005, p 121.
  5. (es) Jesús Vázquez Obrador: Nombres de lugar de Sobrepuerto. Análisis lingüístico Instituto de Estudios Altoaragoneses, 2002. ISBN: 84-8127-131-4. pp 166-167.


Ríos d'a cuenca hidrografica de l'Alcanadre
Marguin izquierda Mascún | Balcetz
Marguin dreita Calcón | Guatizalema | Isuela


Ríos d'a cuenca hidrografica d'a Isuela
Marguin izquierda Flumen
Marguin dreita Valdabra