Conchugación incoativa de verbos acabaus en -ir en aragonés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

La conchugación incoativa de verbos acabaus en -ir en aragonés corresponde a verbos que derivan de verbos acabaus en -ĒSCERE que plegoron a prener infinitivos en -ĪRE, deixando la tercera conchugación latina como en las luengas galorromanicas y atras luengas romances extrapeninsulars. Por lo suyo orichen y evolución estos verbos corresponden a los de la segunda conchugación en francés.

Los verbos de la conchugación incoativa en -ir quedoron en la evolución suya como grupo especial de verbos irregulars adintro de la tercera conchugación aragonesa en -ir. Lo grupo irregular por incoativo adintro de la conchugación en -ir se caracteriza por tener una flexión verbal pareixida a la de la conchugación incoativa de verbos acabaus en -eixer, que partindo de lo mesmo orichen siguioron una evolución pareixida a la de las luengas iberorromanicas, quedando-se en la conchugación acabada en -ERE > -er.

Ya en la baixa Edat Meya las formas flexivas con infixo -eix- tenioron una evolución enta las formas -ec, -ez- comuns con lo castellano, y en las parlas altoaragonesas las formas orichinals d'acuerdo con la fonetica aragonesa son minoritarias y se troban sobre tot en aragonés oriental y centro-oriental. En la zona occidental en queda bel resto en ansotano.

Listas de verbos editar

Son verbos que tienen conchugación incoativa con afixo -eix- (u -ec-) en aragonés:

En aragonés medieval tenioron conchugación incoativa: destruir, diferir, establir, excedir, exercir, exibir, expel·lir, estatuir, finir, restituir, substituir y constituir, muitos d'ellos neolochismos u cultismos.
En belsetán: estretir, alarguir, encahpurnir, escaseir, engaldir, empetrequir, enfurnir, patir, estranguchir, embalbir, enfredir, escaldabuchir, embabuquir, amansir, endolorir, enfosquir, encallorpir, engarrolir, endurir, esparbutir-se, enchapurnir, (en)chupir, estremurdir, escantechir, escurir, enzurcir, endulcir, enchugardir, encloquir, entreclarir, desburdir-se, enflaquir, agrandir, engrandir, escurrir, en.negrir, emblanquir, espesir y esclarir. Tamién putrir, escupir, seguir, turir, furnir, emporquir, esturdir, rebutir, tusir y putir, que pueden conchugar-sen como incoativos u no.
En tellán: siguir / asiguir, renegrir, aclarir, ablandir, endurir, cannir, buquir, rebutir, fornir, bullir, espesir, esbandir, funir, pudrir, florir, parir, chunir, bunir, afeblir, chupir, putir, brunyir, asurtir, bastir, enfosquir, escurir, aclarir, esmortir, englutir y tortir.
En chistabín: ablandir, aclarir, buquir, canyir, embullir, esbandir, escurir, estrechir, funir, respesir y restrenyir.
En benasqués: endurir, partir, escalfir, atapir, allarguir, acachuguir, abllanir, ferir, fllorir,[1] amuasir y muitos atros.[2]

Present d'indicativo editar

Lo present d'indicativo ye, en la suya forma orichinal:

Present d'indicativo
Espeseixco
Espeseixes
Espeseix(e)
Espeseixim(os)
Espeseixitz
Espeseixen

Present de subchuntivo editar

Lo present de subchuntivo ye, en la suya forma orichinal:

Present de subchuntivo
Espeseixca
Espeseixcas
Espeseixca
Espeseixcam(os)
Espeseixcatz
Espeseixcan

Referencias editar

  1. (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 197.
  2. (es) José Antonio Saura Rami: Elementos de fonética y morfosintaxis benasquesas, Zaragoza, Gara d'Edizions-Institución Fernando el Católico (2003). p 219.

Bibliografía editar


La conchugación incoativa de verbos acabaus en -ir y la suya evolución en luengas romances
La conchugación incoativa en latín vulgar | la conchugación incoativa de verbos acabaus en -ir en aragonés | la conchugación incoativa de verbos acabaus en -ir en catalán | la conchugación incoativa de verbos acabaus en -ir en occitán | la conchugación incoativa de verbos acabaus en -ir en francés | la conchugación incoativa de verbos acabaus en -ire en italiano | la conchugación incoativa de verbos acabaus en -i en rumano


Gramatica de l'aragonés
Fonetica Accentuación · Apocopa · Oclusivas xordas intervocalicas · Cheada · Diftongación debant de Yod · Diftongos · Disimilación · Elisión · Epentesi antihiatica · Esdrúixols · Eufonía · Fonolochía · Hiatos · Metafonia · Metatesi · Protesi velar · Sincopa · Sonorización dezaga de liquida ·
Morfolochía Adverbios (Adverbios d'afirmación · Adverbios de dubda · Adverbios espacials · Adverbios espacials deicticos · Adverbios de negación · Adverbios de tiempo · Adverbios de manera · Adverbios de quantidat · Adverbios d'opinión) · Locucions adverbials en aragonés (Locucions adverbials d'afirmación · Locucions adverbials de dubda · Locucions adverbials espacials · Locucions adverbials de negación · Locucions adverbials temporals · Locucions adverbials de manera · Locucions adverbials quantitativas) · Articlos definius · Articlos indefinius · Chenero · Conchuncions (Adversativas · Copulativas · Coordinativas · Dischuntivas · Completivas · Condicionals · Causals · Concesivas · Consecutivas · Comparativas · Finals · Subordinativas · Temporals)· Adchectivos (Qualificativos · Colors · Chentilicios · Grau comparativo · Grau superlativo · Demostrativos · Exclamativos · Indefinius · Numerals cardinals · Interrogativos · Numerals ordinals · Posesivos) · Numero (Substantivos incontables) · Pronombres (Pronombres demostrativos, Pronombres indefinius, Pronombres relativos · Pronombres personals · Pronombres adverbials: pronombre adverbial en/ne, pronombre adverbial i/bi/ie) · Infixo · Prefixo (Prefixos cultos) · Sufixo (Sufixos cultos) · Preposicions · Locucions prepositivas · Verbos (Verbos auxiliars · Verbos de movimiento · Verbos pronominals · Verbos freqüentativos) · Conchugación verbal (Primera conchugación · Segunda conchugación en aragonés · Tercera conchugación en aragonés · Conchugacions incoativas · Conchugación incoativa de verbos acabaus en -eixer · Conchugación incoativa de verbos acabaus en -ir · Verbos irregulars · Modo indicativo · Modo subchuntivo · Modo imperativo · Tiempos verbals · Verbo estar-ser · Verbo haber) · Locucions verbals · Perifrasis verbals
Sintaxi Concordancia · Estilo directo · Estilo indirecto · Negación · Sintagma adchectival · Sintagma nominal · Sintagma verbal · Complemento de rechimen verbal · Orden de pronombres · Combinacions de pronombres febles en aragonés · Voz pasiva · Oracions con infinitivo · Oracions de relativo · Oracions completivas · Oracions temporals · Oracions causals · Oracions finals · Oracions consecutivas · Oracions concesivas · Oracions condicionals · Oracions comparativas · Oracions impersonals
Lexicolochía Adchectivación · Anglicismos · Arabismos · Basquismos · Castellanismos · Catalanismos · Celtismos · Chermanismos · Cultismos · Fitonimia · Galicismos · Goticismos · Helenismos · Italianismos · Leyonesismos · Lusismos · Miconimia · Mozarabismos · Neerlandismos · Nominalización · Occitanismos · Persismos · Semicultismos · Superstrato francico · Toponimia (Hidronimia · Odonimia · Oiconimia · Oronimia) · Tudesquismos · Turquismos · Zoonimia
Ortografía Ortografía medieval · ACAR · Uesca · SLA