Río Uecha

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Río de la Uecha Huecha
Administración
Estaus	{{{estaus}}}
Territorios	Aragón
Cheografía
Longaria	48 km
Altaria d'o naixedero	m
Naixedero	Anyón de Moncayo
Desembocadura	Ebro (Noviellas)
Hidrolochía
Superficie d'a cuenca	540 km²
Cabal meyano	m³/s
Mapa
La Uecha en Aragón

Lo río de la Uecha u simplament La Uecha ye un río aragonés afluent d'Ebro en la suya marguin dreita. Se considera que naixe en Anyón en lo forcallo de los barrancos que desauguan la versant nord-este de Moncayo como ye lo barranco de la Morana u Val de Martín.

A traviés de los afluents suyos desaugua la Valluenga. Localidaz por on pasa son Alcalá de Moncayo, Bulbuent, Maleixán, Borcha, Ainzón, Magallón y Noviellas.

Afluents

En a marguin ezquierda:

• Barranco d'a Morca
• La Uecha de Sant Martín

En a marguin dreita:

• Barranco Moros
• Barranco Valjunquera
• Barranco Penyezuela

Rechimen hidrico

Os mayors caudals se dan entre octubre y aviento y entre mayo y chunyo con bels 2 hm3/mes. Per unatra parti febrero ye lo mes con o minimo caudal meyo mensual: 1 hm3/mes. Entre Alcalá de Moncayo y Bulbuent o cauz ye normalment ixuto a causa d'as captacions d'augua.

En la Uecha y atros ríos de la redolada s'observa una rambla de mida muit gran en comparanza con la poca augua que levan. La Uecha presenta un rechimen hidrico torrencial y con aguaduitos. Seguindo ciclos de ciertos anyos se desviene un anyo de grans plevias puet carriar la glera y redistribuir los catens y ruellos de la suya rambla en uns pocos días, cuan se diz que sale la Uecha u tamién clamata Uechada. Cuan baixa lo livel de las auguas no permaneixe que una chicota canal. En los estiaches las auguas circulan baixo la superficie entre los ruellos de glera,, que serán redistribuitos en atro aguaduito.

Uechadas historicas

• 14 de febrero de 1555: arrasó practicament tota la infrastructura pa os campos reganos.
• 29 de chunyo de 1871
• 3 de mayo de 1910: La Uecha engaronó la localidat de Agón con 2 metros d'altaria d'augua.
• Mayo de 1955: bi heba una grau Uechada como consecuencia d'una fuerte tronada que fundió lo manto nival acumulau en o Moncayo.
• 26 de setiembre de 1992: s'inundó parcialment la localidat de Frescano.
• Setiembre de 2004: se causoron grau mals en Corz (Navarra) y Noviellas.

Hidronimia

Os expertos discuten sobre tres posibles orichens pa lo nombre de "La Uecha". Uns dicen que la radiz proviene d'a parola basca "otz" ("río fredo"). Uns atros dicen que proviene d'o celtico "olca" ("bega") que a la suya vegada provendría d'o indoeuropeu "wes" ("humido"). Una tercera opinión diz que lo hidronimo Uecha puet estar d'orichen celtibero y ye como se diz a atros cursos d'augua de la redolada. Lo caso de "La Uecha" ye igual como "La Uerba" un aragonesismo, ya que en aragonés bi ha ríos con chenero femenín (la Cinca), y en castellano no.

Se documenta ya en textos de lo sieglo XIV:

...entro la talaya que dizen de Vera. Et di adelant como las aguas bierten daqui a en dreyto de la queva de la Figueruela et di adelant como las aguas bierten daqui a la otra de la queva como la Guecha ençarra.

Población

En tota la cuenca viven bels 28700 habitants (a lo anyo 2005) con una densidat de población de 53 hab/km2. A Mancomunidad de Aguas del Huecha estió creyada en 1957 con l'obchectivo de fornir a once municipios: Agón, Ainzón, Alberite, Albeta, Bisimbre, Borcha, Bureta, Frescano, Magallón, Maleixán y Mallén. As auguas se prenen en Bulbuent y d'un pozo en Penyas Negras.

Centrals hidroelectricas

Actualment i hai dos centrals hidroelecticas en funcionamiento.

Nombre	Potencia (kW)	Caudal (m3/s)	Producción (GWh/anyo)	Anyo de construcción
La Morana	880	0,30	1,340	1947
La Morca	797	0,30	0,862	1985

Referencias

• Datos: Q9071821
• Multimedia: Huecha River / Q9071821