Abrir menú principal

Fuents Claras

municipio d'a provincia de Teruel, Espanya

ToponimiaEditar

Lo toponimo que denomina a la localidat se debe a lo gran numero de fuents claras y manantials que surten en o termin y que sirven de refuerzo a lo caudal de lo río Xiloca, regando una ampla y fertil vega. En o escudo de la población s'utiliza la versión en latín, Fontes Clarae, sin que d'ixo se deduzca forzosament que l'actual población tienga orichen romano.[1]

En lo texto de l'adchudicación de decimas 1205 por part de Remón de Castrocol ya leyemos Fuentesclaras. L'actual chentilicio Fuentesclareros en plural ye rearagonesizable como Fuentsclarers.

Cheografía fisicaEditar

UbicaciónEditar

 
Sabina milenaria, un de los arbols mas singulars de Fuents Claras

Lo municipio tiene un aria de 36,64 km² con una población de 461 habitants (INE 2018) y una densidat de 18,37 hab/km². Se troba a 7 km de la capital comarcal, Calamocha; a uns 65 km de la capital de provincia, Teruel, y a uns 110 km de Zaragoza.[2]

OrografíaEditar

Fuentes Claras s'asienta sobre una terraza quaternaria, chunto a lo leito fluvial de lo río Xiloca, de sedimentos travertinicos; ye decir, acumulacions de carbonato calcico precipitadas quimicament arredol de restas vechetals. Enta las marguins de lo río las acumulacions quaternarias de abanicos aluvials y glacis forman superficies planas de gran amplaria, recorridas per chicotas ramblas, de las qualas la mas important ye la de Cañamaría, en la marguina occidental de lo río.

S'observa una fuerte transformación de lo paisache, que ha provocau l'aparición d'un fenero degradau con dominio de lo lastón, chunto a lo qual existen grans extensions de cultivos. Destaca en as cercanías, a lo este de lo lugar, lo Pico Valdellosa, con 1.227 m d'altitut, y en o qual s'ubican matorrals de porteye arbustivo con presencia de encinas y quejigos. Fuents Claras se troba en a val u depresión de lo Xiloca, los suyos paisaches son de zonas cautivadas, muito planas entre los quals trobamos zonas de regano y de secano.[3]

La presencia de lo río Xiloca y las suyas amplias zonas de cautivo fa que sía una important zona d'alimento de la grulla comuna. La cercanía a la Lacuna de Gallocanta permite que estas aus se desplacen en gran numero a las distintas zonas de cautivo de la zona de lo Xiloca.

HidrografíaEditar

Dentro de lo patrimonio natural de Fuents Claras son destacables los uellos, manantials naturals semellants a los d'atros municipios de la val de lo Xiloca, asinas clamaus en a comarca per la suya forma circular u ovalada.[4][5] En estar una zona tant plana afloran en a parte mas baixa. Son cinco masas d'augua de chicota extensión y son conectadas entre ellas per cequias que aprofitan la suya augua pa regar. La masa d'augua mayor ocupa uns 1.000 m². En o municipio se denominan Las Balsas. La profundidat maxima ye entre tres y quatro metros y la minima ye d'uns 35 cm. Los materials calizos de la tierra son d'una gran permeabilidat, permitindo que l'augua se infiltre dica l'aqüifero, alimentando a lo río Xiloca.

Ye una zona sobrebuena pa alufrar la milaneta, la garra u la anade reyal. Tamién son muitos los cangrillos de río.

Lo paisache de los uellos ye muito vistoso en qualsequier epoca de l'anyo. Lo ciclo vital, tanto de los cautivos como de la vechetación natural, permite una variación en a tonalidat cromatica: verdes, ocres, amariellos, etc., irán cambiando a lo largo de l'anyo.

Dentro de l'arquitectura popular vinclada a los usos de l'augua destacaremos las pesqueras, lo lavador de lo Chopo,[6] lo lavador de lo Manantial (u Lo Cubo),[7] y las Suertes.[8] Mención aparte mereixen la fuent de Piedra y lo molín farinero, descritos en l'apartau de patrimonio civil.

Lo lugar ye recorriu per quantos cursos d'augua: lo Molinar, lo Chicot y lo Lavador, totz ells con un curto trayecto que oscila arredol de los dos kilometros. Lo río Xiloca ye denominau como lo río de la Mai. Lo Molinar (u cequia de lo Molino)[9] ye una desviación de lo Xiloca que, partindo de lo termin municipal de Camín Reyal, riega l'ampla partida que leva lo suyo nombre y suministraba la fuerza de lo molín farinero. Lo río Chicot tiene lo suyo orichen en a fuent de las Hondoneras, confluyendo con o de lo Lavador a uns 300 m de lo suyo desembocadura en o río Mai. Lo Lavador naixe en a fuent de lo Cubo, chunto a un bien cudiau lavador publico de lo qual prene lo nombre, pa trascruzar posteriorment lo vico de Sant Ramón, y replega en o suyo camín lo desaugüe d'asaber-las pesqueras caseras. Sobre este zaguer río i hai tamién unatro lavador municipal, lo Lavador de lo Chopo.[10]

Atras fuents, menors en dimensions que l'anterior pero de gran importancia, son las representadas en as seis radices de la Olma que figura en o escudo y bandera: los Cuadrones, Ampón, Esteban, fuent de lo Lugar (la Fuent), de lo Cubo y fuent de la Virchen de los Navarros. Existen atras fuents como lo canyo Mana, Hondoneras, Cantalobos u la de lo Escorial, d'augua calient y salada, de la quala se diz que tiene propiedatz curativas.[11]

Las pesqueras son chicotas fuents que naixen debaixo de las viviendas y que se canalizan enta las cequias proximas u con endrecera ta lo río Lavador en dos de los suyos vicos (Sant Ramón y las Fuents).[12]

Galería fotografica

ClimaEditar

A grans rasgos, las variables climaticas de la Comarca de lo Xiloca definen un clima de tipo mediterranio continentalizado fresco y bella cosa ixuto. Permite cautivar, sin necesidat de riegos artificials, cerials de grano d'hibierno, vit y plantas resistents como lo zafrán. En os hortals y campos con mayor grau de humedad ye posible lo cautivo de leguminosas, hortalicias, bulbos y bells cautivos industrials como lo canyimo y lo lino. Tamién qualques arbols fruitals, encara que en este caso cal tener en cuenta lo risgo que se produzca bella chelada en primavera y arruine la florada d'estes y impida la replegada posterior de los fruitos, lo que succede con bella freqüencia.[13]

Lo 17 d'aviento de 1963 se rechistroron –30°C en a estación meteorolochica de lo observatorio VOR de navegación aeria de Calamocha, dato que suposó lo rechistro récord oficial de fredo en zonas habitadas d'Espanya.[14][15] Todas dos poblacions s'adchudican la paternidad de dita marca, ya que lo observatorio perteneixeba oficialment a Calamocha pero entre 1951 y 1984 estió emplazau en o termin municipal de Fuents Claras.[16][17][18]

HistoriaEditar

Las restas mas antigas de población en l'actual termin municipal son ubicaus en a Loma de lo Prado, zona situada chunto a la muga municipal con Lo Pueyo. Sería una ciudat romana d'epoca imperial, talment fundada en albandonar-se lo nuclio urbano en o municipio vecino (actual chacimiento de Sant Esteban) y bi habría existiu dica lo sieglo IV d.C. Actualment no quedan estructuras en superficie, encara que las restas afloradas han estau quantiosas.

La primera referencia sobre l'actual nuclio de población de Fuents Claras amaneixe en a Adchudicación de Diezmos y Primicias de las Aldeas de la Comunidat de Daroca de lo Bispe de Zaragoza, Remón de Castrocol, en 1205, replegada en o Libro vermello de l'Archivo Colechial de Daroca, asinas como en un documento de lo Monesterio de Casbas en 1209. La suya creyación s'enmarca en o proceso historico de la Reconquiesta, en l'abance de las tropas cristianas de la Corona d'Aragón enta lo sud. Dau que los reis de Aragón no nomás tenioron que enfrontinar-se a los musulmans entre la Edat Meya –la guerra contra lo Reino de Castiella tamién estió present– lo rei Chaime II ordenó la construcción de la Ciudadela de Fuents Claras en l'anyo 1337. La zona de lo Xiloca en a quala se troba la localidat fue atacada entre la Guerra de los Dos Peros entre 1356 y 1369. En 1361 Pero IV mandó reyalizar obras en a Ciudadela pa resistir l'ataque castellán.[19]

Dende 1414 Fuents Claras perteneixió a la Comunidat de Daroca, en concreto a la Sexma del río Xiloca, y dende alavez la suya historia sería ligada a dita Comunidat dica lo sieglo XIX. Tamién perteneixió succesivament a la sobrecollida (dende 1488-1495), a la vereda[20] (dende 1646) y a lo correchimiento (dende 1711) de dita ciudat.

Con a creyación de la nueva división territorial d'Espanya de 1833 en provincias la población fue incluyida en a Provincia de Teruel. En 1834 se constituyió como concello y dende alavez forma parte de lo Partito chudicial de Calamocha.[21]

Seguntes lo Diccionario geográfico-estadístico-histórico de España y sus posesiones de Ultramar de Pascual Madoz, en 1847 lo lugar teneba 412 habitants repartius en 120 casas y manteneba una escuela de primeras letras con 40 alumnos. La economía local se basaba en o cautivo de trigo, centeno, hordio, canyimo, trunfas, cibada y zafrán. Tamién mencionaba lo bestiar lanar y l'abundancia de codornices, truitas, enguilas, barbos y cangrillos de río. Amás existiba una pedrera de ruellos de molín farinero, hue albandonada.[22]

En 2003 s'incorporó a la Comarca de lo Xiloca,[23] dentro de lo Plan de Comarcalización d'Aragón.

Cheografía humanaEditar

Demografía[24]Editar

Evolución demográfica[25]
1900 1910 1920 1930 1940 1950 1960 1970 1981 1991 1996 2001 2004 2007 2010 2013 2016 2018
1123 1179 1178 1318 1540 1421 1369 1103 909 742 689 625 571 605 590 553 494 461

UrbanismoEditar

Arquitectura[26]

Los edificios son de baixa altura, aconseguindo a lo sumo dos u tres plantas. Las construccions tradicionals son de piedra y de gran grosor, fueras de las recients que utilizan materials modernos.

Curiosament lo estilo arquitectonico que impera en os prencipals edificios no ye lo estilo mudéchar aragonés propio de la comarca, sino lo barroco castellán posterior. Asinasmesmo destaca la escasa utilización como material de construcción de la rechola a la vista en ditas construccions en favor de la piedra y la sillería.

Prencipals carreras y plazas
  • Calle la Plaza. Vial que une la casa de lo lugar con a ilesia Parroquial.
  • Calle San Pedro. Tiene inicio debant de la ilesia y d'ella prene lo nombre.
  • Calle Sant Ramón. Antes mas uniba dito vico con a resta de lo lugar antes de quedar unius. Segurament prenió lo nombre de la ermita que lo preside.
  • Calle la Fuent. Prene lo nombre de la fuent de piedra que la preside y connecta lo nuclio urbano con o vico de lo Santo.
  • Calle San Salvador. Ye la prencipal carrera de lo vico de lo Santo. Ye formada per una carrera y tres subviales diferents. Prene lo nombre de la ermita homonima.

Totz los vials aluden a figuras relichiosas, puestos de lo lugar u a localidatz vecinas. No i hai carreras dedicadas a personas.

Parques y chardins
 
Plaza de la Concordia
  • Plaza de la Concordia. Espacio achardinau entre la ilesia parroquial, la Casa Gran, l'hostal de la localidat (la Concordia) y las instalacions esportivas.
  • Plaza de la Fuent. Situada en a carrera homonima amán de lo río y la ceiquia chicota, salindo enta las afueras. En o centro ye la fuent de piedra, arredol de la quala i hai un chicot espacio achardinau.
  • Parque municipal de San Salvador. Zona verda de chicotas dimensions, situada en o vico de San Salvador (Lo Santo) a lo costau de la ermita homonima.
  • Prado de la Virchen. Chopera situada a las afueras de la localidat chunto a la ermita de la Virchen de los Navarros, adequau pa picnic u barbacoa.
  • Parque de lo pavillón. Zona verda de chicotas dimensions con cafetería, situada a lo costau de lo pavillón poliesportivo.

ComunicacionsEditar

Historia

Entre muitos anyos la prencipal vía de comunicación de Fuents Claras estió la carretera que une Murviedro con Burgos u N-234, pasando entre atros nuclios de población per Teruel, Calatayú u Soria. Historicament se remonta a l'antiga calzada romana que uniba Saguntum (Murviedro) y Bilbilis (Calatayú), lo que mete de manifiesto la suya gran importancia historica. Parte de lo vial, a l'altura de Fuents Claras, tamién coincidiba con o Camín Reyal medieval que uniba Zaragoza y Teruel.[27] La carretera pasa per las afueras de lo lugar, aproximadament a meyo kilometro de lo nuclio urbano, y se conecta per un vial d'acceso. Actualment ha perdiu gran parte de la suya utilidat con a puesta en servicio de la Autovía Mudéchar u A-23.

Posteriorment plegó lo ferrocarril, con a construcción de la linia de ferrocarril entre Calatayú y Teruel, que dentró en servicio en 1901 y con aturada en o vecino lugar de Camín Reyal, encara que dita aturada yera a una distancia parella de totz dos lugars; de feito la nueva gara, feita a devantadera en 1933, cheneró una agra polemica entre totz dos lugars per la denominación final (Caminreal u Caminreal-Fuentes Claras, imposando-se finalment la primera).[28] La linia estió en servicio dica 1985.

En 2001 dentró en servicio lo trampo de la Autovía Mudéchar entre Zaragoza y Valencia u A-23 a l'altura de Fuents Claras. Con a dentrada en funcionamiento en a suya totalidat en 2008 gran parte de lo trafico rodau pasa per esta vía, que transcorre paralela a la N-234 pero un poquet mas aluenyada de lo municipio. Pa dentrar u salir d'ella ye necesario desplazar-se dica Camín Reyal u Calamocha.[29]

Actualment lo lugar se troba situau en un de los prencipals eixes de transporte d'Espanya: lo Corredor Cantabrico-Mediterranio, alto u baixo a metat de lo trampo Zaragoza-Teruel. Ye un corredor transversal que une per autovía (autovías A-23 y A-68) y ferrocarril l'este d'Espanya (Valencia) con o norte d'Espanya (Bilbao y Santander), pasando per Zaragoza.

Carreteras
Ferrocarril
Autobús

EconomíaEditar

Tradicionalment las actividatz agropecuarias han constituyiu la base economica de la localidat, encara que en os zaguers anyos ha cambiau la tendencia, estando la industria y la construcción las prencipals actividatz de lo municipio.[30]

Sector primarioEditar

Agricultura

Gran parte de lo termin municipal ye ocupau per zonas agricolas con 3.334 hectarias (un 90,4% de lo total), de las qualas 346 son de regano. Lo prencipal cautivo ye lo dedicau a herbacios, con 2.934 hectarias (2.601 en secano y 333 en regano) y los fruitals ocupan 23 (20 en secano y 3 en regano). Destaca lo cautivo de cerials pa grano (trigo, cibada, centeno y hordio) y en menor medida leguminosas, trunfas, vinyals y fruitals.[31][32]

Pesca

Dada la presencia d'abundants cursos d'augua ye freqüent la pesca de truita comuna, gobio, madrilla, barbo y cangrillo americán u royo (lo qual ha desplazau a l'autoctono cangrillo de río), encara que mas pa lo autoconsumo y pesca esportiva, sin chenerar una industria piscicola.[33]

Ganadería

Per lo que fa a la ganadería destaca lo bestiar porcino con unas 17.500 cabezas; le sigue l'ovino con unas 2.300 cabezas y la resta corresponde a aus y conellos. En total, unas 20.000 cabezas.[34]

Sector segundarioEditar

 
Poligono industrial Azalenguas

En os anyos 90 se construyió lo Poligono Industrial Azalenguas, situau a las afueras de lo nuclio urbano y a lo costau de la carretera cheneral N-234. La factoría mas important de lo mesmo ye una planta adedicada a la fabricación de components pa l'automoción (SMP Automotive Technologies), instalada en 2003, que actualment da emplego a uns 150 residents en a localidat.[35]

Tamién i hai una fabrica de tubos de formigón,[36] un taller de fustería metalica y unatro de fustería de fusta.

Sector terciarioEditar

La comarca fa parte de lo Camín de lo Cit, serie de rotas turistico-culturals que siguen los pasos que recorrió Rodrigo Díaz de Vivar, Lo Cit Campiador, en o sieglo XI.[37] En concreto la localidat fa parte de la clamada Rota de las Tres Taifas, entre Calatayú y Cella de 308 km, que se puede recorrer total u parcialment a piet, en bicicleta u en auto.

D'igual traza existen diferents itinerarios en bicicleta, en auto u caminando per los diferents espacios naturals de la Comarca de lo Xiloca: vals, sierras, riberas, cerros, fuents, manantials y selvas.

Lo municipio ye rodiau de destacaus eixemplos de l'arquitectura mudéchar a lo largo de los diferents municipios de la comarca de lo río Xiloca. A mas distancia se troban la ciudat medieval de Daroca y lo Castiello de Peracens, totz dos a uns 35 km de la población. Un poquet mas luen, a uns 70 km, se troba la ciudat d'Albarrazín, famosa per la suya conchunto historico.

Respective a espacios naturals ye destacable la reserva natural de la lacuna de Gallocanta, a uns 30 km, la mayor lacuna natural d'augua salada d'Europa.[38]

Per lo que fa l'aloch, dende 2010 funciona l'hostal restaurant La Concordia, situau a lo costau de la ilesia parroquial.[39][40]

SimbolosEditar

 
Escudo de Fuents Claras
 
Bandera de Fuents Claras

Fuents Claras tiene escudo y bandera oficials. Estioron adoptaus oficialment en 1993.[41]

Escudo

Cuadrilongo con base circular. En campo de gules (royo), con una fuent d'oro (2 canyos d'azur sobre ondas d'azur y archent) cargada d'una olma, de sinople (verda), con as radices d'azur, cargada, a la suya vegada, en o tronco, de la zifra «1663», de loro, y brochant una cinta con o Sinyal Reyal d'Aragón, cargada con a leyenda Fontes Clarae, de sable (negro). A lo trucador, Corona Reyal Ubierta.

Bandera

En un panyo que las suyas proporcions son d'una longaria equivalent a tres meyos de l'amplaria. Lo espacio se distribuye en tres faixas: la primera roya y la tercera amariella, d'igual amplaria (8/36 cadaguna); la segunda u intermedia, de color azul (d'amplo 20/36), en a quala se colocan las suyas armas prencipals: una fuent d'oro (dos canyos d'azur sobre ondas d'azur y plata) situada en o centro de la bandera (inscrita en un rectanglo de 16/36 d'alto per 14/54 d'amplo), cargada d'una olma, de sinople, con as radices d'azur, cargada a la suya vegada, en o tronco, de la zifra «1663», d'oro, y brochant una cinta con o Sinyal Reyal d'Aragón, en a quala se reflecta la leyenda Fontes Clarae, de sable.

PoliticaEditar

Gubierno municipalEditar

Alcaldes en a Segunda Republica (1931-1936)
Período Alcalde Partido
1931 Pedro Manuel Pérez Fuertes[42] PRR
1931-1934 Enrique Esteban Julve[43] PSOE
Alcaldes en o periodo democratico (1979-actualidat)
Período Alcalde Partido
1979-1983 Antonio Sánchez Sanz[44] UCD
1983-1987 AP-PDP-UL
1987-1991 AP
1991-1995 Mariano Pérez Pellicer[45] PP
1995-1999 Mariano Pérez Pellicer PP
1999-2003 Mariano Pérez Pellicer PP
2003-2007 Joaquín Sánchez Romero PSOE
2007-2011 Joaquín Sánchez Romero PSOE
2011-2015 Joaquín Sánchez Romero PSOE
2015-2019 Mª Milagros Gracia Alfonso PAR
2019- Diego Hernández Bernal PAR
Resultaus electorals
Eleccions municipals[46]
Partido 1979 1983 1987 1991 1995 1999 2003 2007 2011 2015 2019
PAR - - - 2 2 3 - 3 3 7 4
PSOE - 3 3 1 1 - 4 4 4 - 3
PP - 4 4 4 4 4 3 - - - -
UCD 7 -
Total 7 7 7 7 7 7 7 7 7 7 7

Servicios publicosEditar

EducaciónEditar

La localidat tiene un centro educativo publico: lo CEIP Nuestra Sinyora de los Navarros, vinclau a lo CRA Goya de Caminreal, con un total de 36 alumnos.[47]

SanidatEditar

I hai un consultorio, dependient de lo Servicio Aragonés de Salut, y una farmacia. Depende de la Zona de Salut de Calamocha y de lo Hespital de Teruel.[48]

CulturaEditar

Patrimonio arqueolochicoEditar

Chacimiento de la Loma de lo Prado

Son las restas mas antigas existents en l'actual termin municipal. Corresponde a una ciudat romana d'epoca imperial, chunto a la muga con Lo Pueyo y podió aconseguir las nueu hectarias de superficie. Habió de fundar-se a partir de lo gradual albandono de lo poblau de Sant Esteban en o municipio vecino, localizau a 1,1 km, y duraría dica lo sieglo IV d.C. En superficie no se conservan estructuras, encara que las restas afloradas han estau quantiosas, sobre tot tegulas y sillars. Destaca un sillar de piedra d'arena, en que lo suyo frent ye esculpida una cabeza de toro entre fuellas d'acanto, y una tessera d'hespitalidat en bronze, representando un delfín. Este chacimiento podría identificar-se con a Leonica, mencionada en referencias documentals antigas.[49]

Patrimonio civilEditar

Casa Gran

Ye o edificio mas emblematico de l'arquitectura civil de la localidat, encara que podemos trobar atras viviendas populars. En 1770 perteneixeba a Joaquin Cayetano Cavero y Pueyo, IV Conde de Sobradiel (m. 1809), duenyo tamién en ixa epoca d'una gran extensión de terrenos rusticos repartidos per los lugars de Fuents Claras y Lo Pueyo.

Ye un edificio civil senyorial de dos plantas y atico, construyiu en mampostería. En la planta prencipal presienta una portiada adintelada en sillería y quatro balcones con reixa de forcha. Lo escudo nobiliario esta picau, no podendo reconoixer-se lo linache a lo qual representaba. En la planta superior y arredol de la casa se troban chicotz vanos que conforman lo palomar de la casa.

En o sieglo XIX u prencipios de lo sieglo XX se dividió o edificio en dos familias, que cambioron la estructura orichinal de los vanos. La puerta prencipal fue encegada y s'ubrioron dos laterals, asinas como los balcons, que tamién estioron transformaus. Actualment una de las metatz (la mas amanada a la ilesia parroquial) ye propiedat de lo Concello y s'aspera adquirir l'atra parte pa levar a cabo la restauración de lo edificio como equipamiento municipal.[50]

Fue declarau Molimento d'Interés Local per la corporación municipal en 2008.[51]

Molino farinero

Fue construyiu con anterioridat a 1555. En 1731 perteneixeba a José Latorre Alava, hidalgo vecin de Burbaguena, qui lo logaba a moliners profesionals.

Se tracta d'un molín de la tipolochía de contrabalsa. Construyiu en mampostería, tapial y rechola, seguntes diversas reparacions. Presienta quatro carcavos, de diferent factura, uns realizaus en sillería y atros con os sillars menos regularizaus. Poseye una vivienda anexa, a la quala s'accede per un porche de dentrada, baixo lo qual se troba un arco de meyo punto de sillería, muito modificau. La resta de la construcción alterna tapial y mampostería. Conserva en o suyo interior la maquinaria tanto de lo molín como de la fabrica de luz. Esta zaguera instalación fue creyada en o sieglo XX pa levar la electricidat a la fabrica de farinas de Bello, que yera de los mesmos propietarios. Deixó de funcionar a prencipio de los anyos 80.[52]

Palomar circular

Situau a la dentrada de lo lugar dende l'acceso dende la carretera cheneral, lo palomar ye una torre de planta circular construyida en mampostería, reservando-se las piedras mas grans pa enmarcar la dentrada de la puerta, la quala ye adintelada con dintel de fusta. Conserva lo enlucido de argamasa orichinal. Tiene tres plantas, la inferior como almadazén y las dos superiors, a las qualas s'accede per medio d'escaleras de fusta, destinadas a la función de palomar.[53]

Peirón de la Piedra Plana

Ye un peirón de piedra, formau per una grada de solo escalón, basa y un solo cuerpo que alberga tronco y edículo. Este zaguer ye una capiella an se podeba leyer la dedicatoria y lo nombre de lo feneixiu (totalment ilechible en l'actualidat). Coronado en forma de piramide rematada con una bola, mide uns 2 metros en total.[54]

Fuent de piedra

Situada en a carrera de lo mesmo nombre, con dos canyos y cubierta con un arco de piedra. Ye citada en o sieglo XIX, encara que puede estar muito anterior. No ye la fuent orichinal, pus fue cambiada d'ubicación en os anyos 90 pa facilitar lo paso de lo trafico rodau.[55]

Patrimonio militarEditar

Ciudadela

Arredol de l'actual ilesia parroquial quedan restas d'una especie de fortaleza de la quala se conservan un muro de 30 metros de longaria y 4 d'altaria. Fue mandada construyir per Chaime II en 1337 como defensa contra las invasions castellanas. Ye reyalizada en sillars de grans dimensions, en o que quedan quantas saeteras bien visibles en a suya cara interna y tasament apreciables en a parte externa de lo muro, amás d'un lichero talut en a base. En o suyo recinto s'incluyiba una torre con barbacana. En 1361 Pero IV tornó a ordenar obras en o recinto. Dimpués de la Guerra de los Dos Peros quedó muito danyada, autorizando lo arzobispo de Zaragoza la construcción d'una torre campanar en o castiello.[56]

Actualment lo recinto fa parte de la ilesia parroquial, que se construyió mas tarde. La torre de la fortaleza se convirtió en o campanar, encegando-se las saeteras y eliminando las almenas, pa cubrir-se con un chapitel. Ye construyida en mampostería con refuerzo de sillars en as cantonadas, conserva l'alféizar d'una buharda y finestras semicirculars.

Patrimonio relichiosoEditar

Ilesia parroquial de San Pedro
 
Ilesia parroquial de San Pero

Edificio gotico-renacentista, construyiu en o sieglo XVI. La primera noticia que se tiene ye de 1567, quan lo visitador arzobispal mandó enladrillar-la.[57]

Ye construyida en mampostería y cantería, ubicada sobre las ruinas de l'antiga ciudadela. Presienta una sola nave de tres trampos y capiellas entre contrafuertes. La cubierta ye una boveda de crucería estrelada con arandelas de fusta policromada de lo sieglo XVII. Lo capitero ye poligonal y se cubre tamién de la mesma forma.

La cubierta ye de crucería estrelada con arandelas de fusta policromada de lo sieglo XVII y lo capitero ye poligonal, cubierta con a mesma boveda que lo trampo adchacent de la nave mayor.

La torre presienta dos cuerpos de piedra. En 1699 se coronó con un nuevo chapitel a cargo de lo mayestro d'obras de Madrit Juan Antonio Aparicio. Per ixo presienta una estetica barroca castellana, distinta a la de la resta de la comarca.[58]

De comienzos de lo sieglo XVII ye lo retablo de la Virchen de lo Rosario, en o qual debió treballar lo escultor navarro Miguel Sanz (m. 1623). D'a mesma epoca ye un retablo manierista, con imachens de Santa Ana y Sant Bertolomeu. Chunto a ell, en o costau de la epistola, se conservan las imachens dieciochescas de Santa Lucia, Sant Fabián y Sant Sabastián.

L'organo fue construyiu per lo mayestro organero navarro Bartolomé Sánchez (m. 1743) en 1724.

La portalada de lo edificio ye sencilla, de dos cuerpos. Ye diferent a las habituals de la epoca y sería producto d'una reforma posterior. Sirvió de modelo a la de la ilesia parroquial de Camín Reyal, ya en o sieglo XVIII. En o costau cucho de la portalada se puet apreciar la inscripción Año 1663 / se plantó la olma. Dende calendata immemorial la portalada yera flanqueada per dos olmos centenarios (las olmas). Totz dos fuoron atacaus per una malotía y, dimpués de consulta popular, tallaus en 1989 y substituyius per arbols chovens.

En o lateral dreito se troba una chicota construcción que da acceso a lo espacio de lo fosal antigo, de lo como encara se conserva lo muro de sillería que marguina este costau de la ilesia.[59]

Ermita de la Virchen de los Navarros
 
Ermita de los Navarros

Datada en o sieglo XVII. Construyida en mampostería, en as afueras de lo casco urbano y mugant con a carretera cheneral, d'una sola nave cubierta con boveda de meyo canyón con lunetos. Lo suyo capitero ye poligonal y ye aliniada con dos edificios laterals. Tiene decoración de estucos. La portalada, con arco de meyo punto de rechola baixo una ringlera de esquinillas, ye coronada per la imachen de la virchen en ceramica contemporania.[60]

Inicialment la clamó Virchen de la Fuent, per la quala riega l'hortal cercano. Sobre lo cambio de nombre i hai quantas leyendas populars. Seguntes un, fue a proposito d'uns navarros que de camín a Valencia entablaron una baralla y resultoron ferius, pero estioron aduyaus per la Virchen a recuperar la salut y dotoron a la ermita d'asaber-las limosnas. Unatra teoría charra d'unatra baralla, tamién de navarros, que gracias a la intercesión de la Virchen se privó la muerte de la filla a mans de lo suyo pai.[61] Finalment, unatra versión diz que uns navarros furtoron la Virchen de la ermita y fuyioron; quan ya s'heban aluenyau de lo lugar s'aturoron pa reposar y paroron cuenta que la imachen heba desapareixiu: miraglosament la Virchen se trobaba de nuevo en a ermita.

En 1789 lo relichioso fuentesclarino Joaquín Ibáñez de Jesús y María l'adedicó un novenario de devoción.[62]

Ermita de Sant Ramón Nonato

Edificio d'una sola nave y de chicotas proporcions, situau dentro de lo casco urbano en o vico de Sant Ramón. Estió donada en 1726 a lo Concello per los suyos constructors y segurament se construyió en calendatas immediatament anteriors. Se tracta d'una sala rectangular, con un abside poligonal poco pronunciau cubierto per una bóveda d'ariesta y tellau a dos auguas. La frontera ye de sillería y la dentrada presienta un arco de meyo punto de sillería.[63]

Ermita de Sant Salvador

Construcción popular de calendata incierta (tal vegada entre lo sieglo XIX), tamién conoixida como Lo Santo y situada en o vico homonimo. Presienta una sola nave y ye cubierta a dos auguas. Presienta un sencillo arco rebaixau de dentrada, sobre lo qual se disposa una ringlera de rechola a lo tresbolillo.[64]

Ermita de Sant Marcos

Una quatrena ermita, la de Sant Marcos, fue construyida de nueva planta en 1988. Ye situada en as lomas de Valdellosa, a uns cinco kilometros de la localidat, y ye actualment lo puesto de destín de la romería que tradicionalment se celebra en abril y que dinantes teneba per destín la ermita de Sant Esteban, de lo Pueyo.[65]

Entidatz culturalsEditar

  • Asociación Cultural Alborada
  • Asociación Amas de Casa Virchen de los Navarros
  • Club de Chubilaus Sant Marcos

ConfraríasEditar

Amás de l'actual Confraría de la Sangre de Cristo[66] existioron dica tres confrarías mas: Confraría de lo Santismo Sacramento (sieglo XVII), Confraría de la nuestra Sinyora de los Navarros (sieglos XVIII-XX) y Confraría de lo Sagrau Corazón de Chesús (sieglo XVIII).

Festividatz y tradicionsEditar

La diferents festividatz de Fuents Claras son planificadas y organizadas a lo largo de l'anyo per una Comisión de Fiestas de caracter permanent, integrada per vecins de la población de traza rotatoria y coordinada con o Concello.

Fiestas patronals en honor de la Virchen de los Navarros

Las fiestas mayors de lo lugar se celebran en honor de la Virchen de los Navarros. Se celebran en setiembre y son una de las zagueras de la comarca: los días prencipals son lo 7 y 8 de dito mes y estando lo día gran este zaguer. Lo suyo acto central ye la procesión a la Ermita de la Virchen de los Navarros, amás d'un gran numero d'actos ludicos y festivos.[67]

Ye tradicional y emotivo lo canto de las albadas en a medianoche de lo 7 de setiembre, en a viespra de la festividat de la Virchen de los Navarros. En a denominada zona de la costerilla s'interpreta una copla mirando enta la ilesia. En rematar se tanye un estribiello, nomás con trastes. Canta tot aquell que tienga motivo u quiera dar gracias a la Virchen.[68][69]

Romería a la Ermita de Sant Marcos

Lo sabado mas proximo a lo día de Sant Marcos (25 d'abril) s'acude en romería a la ermita de lo Santo. Este día ye conoixiu como Romería u Día de lo Cerro.

Romería de los Penitents

Las referencias mas antigas datan de 1674. Lo segundo domingo de mayo los vecins acuden en romería a la localidat vecina de Villalba de los Morals. La organiza la Cofradía de la Sangre de Cristo,[70] que ye la que prene protagonismo en totz los actos. Acude en pleno y varios son los personaches destacaus: lo prior, lo listero, lo mayordomo, l'abanderau, los alumbradores u los cofrades; asinas como los actos: cortesías, obligacions, pasar lista en o nombradero, etc. Actualment la componen 182 cofrades y 61 chirmanas, estando l'acto seguiu per totz los vecins y gran cantidat de visitantes.

Cada anyo s'encarga un prior d'organizar la fiesta, ell ye lo que prepara chicolate y pastas pa los quals acuden per lo maitín a Villalba. Lo cargo de prior ye asignau anyalment a lo cofrade mas antigo que, dimpués de fer lo suyo redolín, no podrá repetir. Lo se encarga de cobrar las quotas, levar la imachen de lo Cristo en a procesión, iluminar la capiella en os feneiximientos de los cofrades y nombrar seis alumbradores pa l'enrueno, y de dar la fiesta en Villalba.

La procesión sale en romería a las ueito de lo maitín enta Villalba, dimpués de lo volteo de campanas. Los cofrades salen dica lo vico de Sant Salvador, con a imachen de lo nuestro Sinyor con a Cruz y la Dolorosa. La chent les acompanya dica la ermita y ells siguen en procesión enta Villalba. La confraría, a traviés de lo denominau listero (siempre la mesma persona, ye un cargo que pasa de pais a fillos, dentro de la mesma familia), pasa lista en o puesto conoixiu como lo nombradero.

Este puesto, quan se sale per lo maitín de Fuents Claras, ye en a zona de Peñarrubia, amán de Villalba (en tornar de Villalba lo nombradero ye en a ermita de Sant Salvador, en o vico de lo Santo), antes de dentrar a lo lugar y formar en procesión. Han d'estar totz los cofrades y nomás se sincusa per delito de malotía. Lo zaguer que s'ha apuntau (mocetz y chovens) ye l'en primeras en salir a la procesión (en estar nombrau), y asinas per orden d'inscripción dica lo zaguer que ye lo prior (lo mas viello de totz), que se coloca entre la Virchen y lo Cristo.

En Villalba son recibius per los vecins, que asperan con as imachens relichiosas. Chuntos sienten misa y se minchan lo chicolate con bunyuelos preparau per lo prior.[71]

Atras tradicions

En zagueras s'ha recuperau la celebración de fogueras per Sant Antón (17 de chinero) per vicos u grupos de vecins, levando la lenya los propios interesaus. En o rescaldo de las fogueras se rustiban trunfas, productos de lo cochín que se mataba en casa y vin con figas. Atras calendatas de fogueras yeran per Santa Lucia (13 d'aviento) y la vispra de Sant Blas (3 de febrero).

Antes mas se celebraban los carnavals, que igual que en atros lugars de la Comarca de lo Xiloca, duraban dica tres días. Se caracterizaban per la existencia d'un personache denominau lo cagarrutero dimpués de lo qual correban los zagals per las carreras de la localidat.

Pa San Juan (24 de chunyo) los mozos plantaban un chopo en o frontón y per la nueit se les meteban flors y cardos a las mozas, asinas como bell ramo de ciresas. Pa Sant Pero se meteba una enramada en forma de arco con ramas y unas vigas en a puerta de la ilesia.

Gastronomía y patrimonio agroalimentarioEditar

La gastronomía local ye representada per tres de los productos de mayor renombre de la comarca: lo zafrán, lo pernil y lo ternasco.

Zafrán de lo Xiloca

Lo suyo cautivo se restrinche a terrenos con condicions muito precisas: altaria meya entre 900 y 1.100 metros, preferentment calizos y bien drenaus. Fuents Claras y la val de lo Xiloca reunen estas condicions y entre sieglos estió una de las prencipals rechions productoras de lo país. Entre lo sieglo XX la emigración de lo campo a la ciudat, la competencia de colorantes artificials y zafrans de baixa calidat y pre provocoron la suya desaparición quasi total, pero en os zaguers decenios s'ha recuperau la suya producción y mira d'obtener de la Unión Europea la reconoixencia como Denominación d'Orichen Protechida.[72][73]

Pernil de Teruel

La Denominación d'Orichen Pernil de Teruel naixió en 1984 y estió la primera d'estas caracteristicas en Espanya. La zona de producción ye formada per los termins municipals de la provincia que la suya altitut meya no sía inferior a 800 metros, entre los quals se troba Fuents Claras. Proviene de la selección de las razas de cochín blanco Landrace, Large White y Duroc. Ye un jamón de gusto suau, con o punto chusto de sal y un percentache important de grasa intramuscular.[74]

Ternasco d'Aragón

Per Ternasco d'Aragón s'entiende tota aquella carne de cordero certificada per lo Consello Regulador de la Indicación Cheografica Ternasco d'Aragón, procedent de tres razas autoctonas: rasa aragonesa, uellinegra de Teruel, roya Bilbilitana, ansotana y maellana. Destaca per la suya carne d'aspecto rosau, con un baixo percentache de grasa, y lo suyo gusto, muito suau, dau que los corders son alimentaus exclusivament con leit materna y cerials.[75][76]

EsporteEditar

Ciclismo

Lo esporte estrela de la localidat ye lo ciclismo a libel d'usuario como meyo de transporte cutiano. La bicicleta goza d'un excepcional arraigo y s'ha convertiu en sinyal d'identidat de lo lugar a libel supralocal, ya que totz los suyos habitants las usan pa desplazar-se. Mesmo, entre un tiempo, se plegoron a matricular. La localidat ha plegau a estar conoixida como l'Amsterdam aragonés.[77][78]

Birlas y frontón

A libel de competición, dos son los esportes que han gozado de gran arraigo en a localidat.

Per un costau lo chuego de birlas, practicau en qualsequier ye un espacio plano y sin obstáculos. Formau per nueu chornalers con una corona en a parte superior y una altura de setanta centimetros y un rei coronau con tres coronas y con una altaria mayor. Pa lanzar s'emplegan dos lanzaderas u mazas cilindricas de 25 cm de longaria. Tradicionalment ha estau practicau per mullers.[79]

Per unatro costau lo chuego de pilota, practicau en o frontón per hombres.[80]

Cicloturismo

Amás de l'uso de la bicicleta como meyo cutiano de transporte, lo lugar forma parte de quantas rotas que recorren la Comarca de lo Xiloca (como lo Camín de lo Cid) en bicicleta de montanya como forma de potenciar lo cicloturismo.[81]

Instalacions esportivasEditar

La localidat disposa d'un pavillón poliesportivo municipal en o qual se reyalizan fiestas y celebracions populars.

En a Plaza de la Concordia i hai una zona esportiva de moderna construcción, consistent en un frontón descubierto pa lo chuego de pilota y una piscina descubierta.

Lo frontón viello deixó de funcionar malas que se fació a devantadera lo nuevo. Actualment sirve pa actos socials y festivos de diversa índole a l'aire libre gracias a la suya centrica ubicación, amán de lo Concello.

Entidatz esportivasEditar

  • Club Esportivo Kuadrones

Eventos esportivosEditar

Destacan dos eventos atleticos que se celebran anyalment.

Per un costau, dende meyaus de los anyos 90 se corre la Puyada de Sant Marcos en zaguerías d'abril, preba d'entre 6,5 y 7 kilometros disputada quasi integrament per camins de tierra en una suau pendient ascendent entre lo municipio y la ermita de lo mesmo nombre. Se corre en zaguerías d'abril, entre la festividat homonima.[82]

Per unatro costau la cursa popular organizada anyalment per lo Club Esportivo Kuadrones dende 2006, que s'organiza en zaguerías d'agosto y de 10 km de distancia.[83]

De 2012 a 2014 se celebró una prueba de mushing o perros de tiro. Gosaba celebrar-se en noviembre en dos etapas.[84]

Personaches destacausEditar

BibliografíaEditar

  • (es) Alcañiz Gutiérrez, Ángel (1996): Fuentes Claras. Calamocha: Centro de Estudios del Jiloca (Xiloca, 18). Pág. 249-259 [1]
  • (es) Aldecoa Bravo, José Serafín (2009): Entre el hambre de tierra y el despertar social: La II República en tierras del Jiloca (1931-1936). Calamocha: Centro de Estudios del Jiloca, Calamocha. ISBN 978-84-613-6661-3 [2]
  • (es) Aldecoa Bravo, José Serafín (2009): 75 años de la construcción de El Caminreal. Calamocha: Centro de Estudios del Jiloca (Xiloca, 37). ISSN 0214-1175. Pág. 83-112 [3]
  • (es) Aupí Royo , Vicente (2013): El triángulo del hielo: Teruel, Calamocha, Molina de Aragón. Estudio climático del polo del frío español. Teruel: Dobleuve Comunicación. ISBN 978-84-938724-7-2.
  • (es) Benedicto Gimeno, Emilio (1997): La Cofradía de la Sangre de Cristo de Fuentes Claras. Calamocha: Centro de Estudios del Jiloca (Cuadernos del Xiloca, 10). ISSN 1136-8209. Pág. 51-68 [4]
  • (es) Benedicto Gimeno, Emilio; Esteban Guillén, Pilar (2002): Los peirones en las comarcas del Jiloca y Campo de Daroca. Calamocha: Centro de Estudios del Jiloca (El Patrimonio olvidado, 1). ISBN 84-609-5131-6. Pág. 47 [5]
  • (es) Benedicto Gimeno, Emilio (2003): Comarca del Jiloca. Gobierno de Aragón (Territorio, 9). ISBN 84-96223-10-8 [6]
  • (es) Carreras Asensio, José María (2001): Noticias sobre las torres de Olalla, Peralejos, Báguena, Fuentes Claras y Ferreruela de Huerva. Calamocha: Centro de Estudios del Jiloca (Xiloca, 27). ISSN 0214-1175. Pág. 57-60 [7]
  • (es) Carreras Asensio, José María (2003): Noticias sobre la construcción de iglesias en el noroeste de la provincia de Teruel (siglos XVII-XVIII). Calamocha: Centro de Estudios del Jiloca (Serie monográfica, 15). ISBN 84-607-7302-7. Pág. 214-217 [8]
  • (es) Faci, Roque Alberto (1739): Aragón, Reyno de Christo, y dote de Maria Santissima. Zaragoza: Imprenta de Joseph Fort. Pág. 319-321 [9]
  • (es) Hernández Benedicto, José (2010): La jota en el Jiloca. Cincuenta joteros por el valle. Calamocha: Centro de Estudios del Jiloca. ISBN 84-614-2829-8 [10]
  • (es) Ibáñez de Jesús y María, Joaquín (1789): Novenario para implorar el patrocinio de Maria Santisma, virgen y Madre de Dios, que baxo el titulo de Nra. Sra. de los Navarros se venera en el lugar de Fuentes Claras por el P. Joaquin Ybañez de Jesus y Maria de las Escuelas Pias. Zaragoza: Oficina de Francisco Magallon [11]
  • (es) Latassa y Ortín, Félix de (1801): Biblioteca nueva de los escritores aragoneses que florecieron desde el año de 1753 hasta el de 1795. Zaragoza: Oficina de Joaquín de Domingo [12]
  • (es) Madoz e Ibáñez, Pascual (1845-1850): Diccionario geográfico-estadístico-histórico de España y sus posesiones de Ultramar. Madrid: Imprenta del Diccionario [13]
  • (es) Pérez Pérez , Isabel (2002): Albadas a Nuestra Señora de los Navarros (Fuentes Claras). Calamocha: Centro de Estudios del Jiloca (Cuadernos del Xiloca, 15). ISSN 1136-8209. Pág. 117-120 [14]
  • (es) Rando Rando, Marco A. (1988): La evolución demográfica del municipio de Fuentes Claras (1960-1981). Calamocha: Centro de Estudios del Jiloca (Xiloca, 2). ISSN 0214-1175. Pág. 109-149 [15]
  • (es) Souto Oliva, Mercedes (2004): Palomares en el sur de Aragón. Las tierras del Jiloca. Calamocha: Centro de Estudios del Jiloca (El Patrimonio Olvidado, 2). ISBN 84-609-1598-0 [16]

ReferenciasEditar

  1. (es) Fuentes Claras. Alcañiz Gutiérrez, Ángel. Xiloca, 18. 1996. Pach. 250
  2. (es) Estadística local Instituto Aragonés de Estadística. Gobierno de Aragón
  3. (es) 4.4. Depresión del Alto Jiloca Benedicto Gimeno, Emilio (coord.). Comarca del Jiloca. 2003. Pach. 34-35
  4. (es) Ojos de Fuentes Claras. Sistema de Información del Patrimonio Cultural Aragonés. Gobierno de Aragón
  5. (es) Ojos de Fuentes Claras Xilocapedia
  6. (es) Lavadero del Chopo (Fuentes Claras) Xilocapedia
  7. (es) Lavadero del Cubo (Fuentes Claras) Xilocapedia
  8. (es) Suertes Xilocapedia
  9. (es) Acequia del Molino (Fuentes Claras) Xilocapedia
  10. (es) Fuentes Claras Alcañiz Gutiérrez, Ángel. Xiloca, 18. 1996. Pach. 250-251
  11. (es) Fuentes Claras Alcañiz Gutiérrez, Ángel. Xiloca, 18. 1996. Pach. 250-251
  12. (es) Pesqueras de Fuentes Claras Xilocapedia
  13. (es) El paisaje vegetal en la comarca del Jiloca Comarca del Jiloca. 2003. Pach. 43-60
  14. (es) El triángulo del frío: Teruel, Calamocha, Molina de Aragón: Estudio climático del polo del frío español Aupí Rosigo, Vicente. Dovleuve Comunicación. 2013
  15. (es) Aniversario del récord de –30ºC en 1963 Aupí Rosigo, Vicente. Levante EMV. 17 d'aviento de 2017
  16. (es) Temperatura mínima histórica en España, Fuentes Claras (Teruel) –30 Grados Youtube. RTVE. 19 d'aviento de 2013
  17. (es) Fuentes Claras reivindica ser el kilómetro cero del frío en España Diario de Teruel. 17 d'aviento de 2018
  18. (es) Calamocha versus Fuentes Claras: clarificando el récord de frío de –30°C en 1963 Diario de Teruel. 29 d'aviento de 2017
  19. (es) Fuentes Claras Alcañiz Gutiérrez, Ángel. Xiloca, 18. 1996. Pach. 251-252
  20. (es) Vereda Gran Enciclopedia Aragonesa
  21. (es) Consejo General de Procuradores de España
  22. (es) Tomo VIII. Fuentes Claras Madoz, Pascual: Diccionario geográfico-estadístico-histórico de España y sus posesiones de Ultramar. 1847. Pach. 250
  23. (es) Ley 13/2003, de 24 de marzo, de creación de la Comarca del Jiloca Boletín Oficial de Aragón. 26 de marzo de 2003. Pach. 3972-3977
  24. (es) Demografía y población. Cifras de población y censos demográficos Instituto Aragonés de Estadística (IAEST)
  25. (es) Demografía y población. Cifras de población y censos demográficos Instituto Aragonés de Estadística (IAEST)
  26. (es) Fuentes Claras Alcañiz Gutiérrez, Ángel. Xiloca, 18. 1996
  27. (es) Itinerario Zaragoza-Teruel (por el valle del Jiloca) Xilocapedia
  28. (es) 75 años de la construcción de El Caminreal Aldecoa Calvo, José Serafín. Xiloca, 37. 2009. Pach. 88-89
  29. (es) Fomento completa la Autovía Mudéjar, A-23, entre Sagunto y Zaragoza, con la apertura del tramo Calamocha-Romanos Europa Press. 21 de febrero de 2008
  30. (es) Estadística Local de Aragón. Ficha territorial. Municipio: Fuentes Claras Instituto Aragonés de Estadística (IAEST). 15 de mayo de 2018. Pach. 11
  31. (es) Cursos de agua Comarca del Jiloca. 2003. Pach. 201-202
  32. (es) Estadística Local de Aragón. Ficha territorial. Municipio: Fuentes Claras Instituto Aragonés de Estadística (IAEST). 15 de mayo de 2018. Pach. 14
  33. (es) Cursos de agua Comarca del Jiloca. 2003. Pach. 73-74
  34. (es) Estadística Local de Aragón. Ficha territorial. Municipio: Fuentes Claras Instituto Aragonés de Estadística (IAEST). 15 de mayo de 2018. Pach. 14
  35. (es) SMP in Teruel. A natural place to dream about SMP Automotive
  36. (es) Preadrian. Prefabricados de hormigón Preadrian SL
  37. (es) Camino del Cid. Un viaje por la Edad Media
  38. (es) Reserva Natural de la Laguna de Gallocanta Gobierno de Aragón
  39. (es) Hostal Restaurant La Concordia infohostal.com
  40. (es) Estadística Local de Aragón. Ficha territorial. Municipio: Fuentes Claras Instituto Aragonés de Estadística (IAEST). 15 de mayo de 2018. Pach. 14
  41. (es) Decreto 190/1993, de 3 de noviembre, de la Diputación General de Aragón, por el que se autoriza al Ayuntamiento de Fuentes Claras, de la provincia de Teruel, para adoptar su escudo heráldico y bandera municipales Boletín Oficial de Aragón. 12 de noviembre de 1993. Pach. 3998
  42. (es) Entre el hambre de tierra y el despertar social: La II República en tierras del Jiloca (1931-1936) Aldecoa Bravo, José Serafín. Centro de Estudios del Jiloca. 2009. Pach. 71
  43. (es) Entre el hambre de tierra y el despertar social: La II República en tierras del Jiloca (1931-1936) Aldecoa Bravo, José Serafín. Centro de Estudios del Jiloca. 2009. Pach. 211
  44. (es) Treinta aniversario de las primeras elecciones municipales de la democracia Ministerio de Hacienda y Administraciones Públicas (Gobierno de España)
  45. (es) Fuentes Claras Alcañiz Gutiérrez, Ángel. Xiloca, 18. 1996. Pach. 252
  46. (es) Elecciones municipales
  47. (es) Centro Rural Agrupado 'Goya'
  48. (es) Detalle del centro Ministerio de Sanidad, Consumo y Bienestar Social
  49. (es) Fuentes Claras Gran Enciclopedia Aragonesa. 12 de noviembre de 2009
  50. (es) Casa Grande (Fuentes Claras) Xilocapedia
  51. (es) Anuncio del Ayuntamiento de Fuentes Claras (Teruel), aprobando definitivamente la declaración de Monumento de Interés Local de la Casa Grande Boletín Oficial de Aragón. 2 d'aviento de 2008. Pach. 24999
  52. (es) Molino harinero (Fuentes Claras) Sistema de Información del Patrimonio Cultural Aragonés. Gobierno de Aragón
  53. (es) Palomares en el sur de Aragón. Las tierras del Jiloca Souto Silva, Mercedes. El Patrimonio olvidado, 2. 2004. Pach. 113
  54. (es) Los peirones en las comarcas del Jiloca y Campo de Daroca Emilio Benedicto Gimeno, Emilio; Esteban Guillén, Pilar (coord.). El Patrimonio Olvidado, 1. 2002. Pach. 47
  55. (es) Fuente (Fuentes Claras) Sistema de Información del Patrimonio Cultural Aragonés. Gobierno d'Aragón
  56. (es) Ciudadela de Fuentes Claras Castillos de España
  57. (es) Noticias sobre la construcción de iglesias en el noroeste de la provincia de Teruel (siglos XVII-XVIII) Carreras Asensio, José María. Serie Monografica, 15. 2003. Pach. 214-217
  58. (es) Noticias sobre las torres de Olalla, Peralejos, Báguena, Fuentes Claras y Ferreruela de Huerva Carreras Asensio, José María. Xiloca, 27. 2001. Pach. 57-60
  59. (es) Iglesia parroquial de Fuentes Claras Xilocapedia
  60. (es) Ermita de la Virgen de los Navarros Xilocapedia
  61. (es) Aragón, Reyno de Christo, y dote de Maria Santissima Faci, Roque Alberto. Imprenta de Joseph Fort. Tomo I. 1739. Pach. 319-321
  62. (es) Novenario para implorar el patrocinio de Maria Santisma, virgen y Madre de Dios, que baxo el titulo de Nra. Sra. de los Navarros se venera en el lugar de Fuentes Claras Ibáñez de Jesús María, Joaquín. Oficina de Francisco Magallon. 1789
  63. (es) Ermita de San Ramón Nonato Xilocapedia
  64. (es) Ermita de San Salvador Xilocapedia
  65. (es) Fuentes Claras Alcañiz Gutiérrez, Ángel. Xiloca, 18. 1996. Pach. 254
  66. (es) Cofradía de la Sangre de Cristo (Fuentes Claras) Xilocapedia
  67. (es) Judías, espuma y niños con tijeras abren los actos en Fuentes Claras Heraldo de Aragón. 4 de setiembre de 2015
  68. (es) Fuentes Claras. Albadas 8 de septiembre Inmaculada Carné, Laura Pérez y Luis Pérez. Asociación Universitaria Aragonesa de Folclore Aragonés. 26 de febrero de 1994
  69. (es) Albadas a Nuestra Señora de los Navarros (Fuentes Claras) Pérez Pérez, Isabel. Cuadernos del Jiloca, 15. 2002. Pach. 117-120
  70. (es) La Cofradía de la Sangre de Cristo de Fuentes Claras Benedicto Gimeno, Emilio. Cuadernos del Jiloca, 10. 1997. Pach. 51-68
  71. (es) Romería de los Penitentes (Fuentes Claras) Xilocapedia
  72. (es) Hace un siglo, Aragón producía 36.000 kilos de azafrán mas que ahora Heraldo de Aragón. 4 de mayo de 2014
  73. (es) De 3.200 a 1.000 euros el kilo: el precio frena la expansión del azafrán en Teruel Heraldo de Aragón. 11 de noviembre de 2017
  74. (es) Jamón de Teruel. Denominación de origen protegida Jamón de Teruel. Denominación de origen protegida
  75. (es) Ternasco de Aragón Ternasco d'Aragón
  76. (es) Una carne muy saludable con ADN aragonés Heraldo de Aragón. 27 d'aviento de 2018
  77. (es) Las bicicletas no solo son para el verano en un lugar de Teruel Antena 3 Televisión. 9 d'octubre de 2011
  78. (es) Fuentes Claras, el Amsterdam aragonés Radio 5 Todo Noticias. 26 d'aviento de 2018
  79. (es) Juego de bolos (Fuentes Claras) Xilocapedia
  80. (es) Pelota Xilocapedia
  81. (es) Ruta 6: Ruta del río Jiloca www.jiloca.es
  82. (es) Subida a Sant Marcos Runedia
  83. (es) 10k Kuadrones 2018 rocktesport.com
  84. (es) Éxito de participación en la III Carrera de Fuentes Claras con perros de tiro Heraldo de Aragón. 2 de noviembre de 2014
  85. (es) José Antonio Lázaro, todo un emblema El Periódico Mediterráneo. 6 de loctubre de 2018
  86. (es) José Antonio Pérez Cebrián es elegido nuevo president de la CEOE en la provincia y anuncia que dejará la Caixa Rural en un plazo de tres meses Diario de Teruel. 15 de mayo de 2019
  87. (es) José Blas Rando Romero Hernández Benedicto, José. La jota en el Jiloca. Cincuenta joteros por el valle. 2010. Pach. 145-146
  88. (es) David Sánchez Fabra, escritor turolense: 'Defender las verdades y perseguir las mentiras es una de mis obsesiones' Diario de Teruel. 14 de setiembre de 2018

Veyer tamiénEditar

Vinclos externosEditar