Sobrecullida
Se diz sobrecullida[1][2] a cadagún d'os organs administrativos d'o reino d'Aragón encargaus d'a coordinación y supervisión d'un numero variable de cullidas u duanas existents a o largo d'o reino, instauraus ta o recauto d'os dreytos d'as Cheneralidaz[3], a o frent d'as cuals se trobaba un sobrecullidor.[4]
A meyaus d'o sieglo XIV, se establioron 6 sobrecullidas que teneban churisdicción sobre 181 cullidas y dos taulas independients, la de Zaragoza y la d'Escatrón.
As seis sobrecullidas yeran:
- Sobrecullida d'Alcanyiz
- Sobrecullida de Mont Albán
- Sobrecullida de Teruel
- Sobrecullida de Tarazona-Calatayú
- Sobrecullida de Chaca
- Sobrecullida de Uesca
En o fogache de 1495, manimenos, s'enampló o numero de sobrecullidas a 11. O total de fuegos recontaus en o reino estió de 51 056, recullius en sobrecullidas como sigue:
| Sobrecullida | Numero de fuegos manifestaus |
|---|---|
| Zaragoza | 9 069 |
| Calatayú | 6 732 |
| Tarazona | 4 953 |
| Balbastro | 4 480 |
| Alcanyiz | 4 268 |
| Daroca | 4 160 |
| Mont Albán | 3 996 |
| Uesca | 3 765 |
| Chaca | 2 762 |
| Teruel | 2 720 |
| Ribagorza | 2 662 |
| L'Aínsa | 1 483 |
Dimpués d'os Decretos de Nueva Planta, fuoron substituyidas por correchimientos.
Referencias
editar- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ (an)/(es) Juan Moneva y Puyol: Vocabulario de Aragón. Edición y estudio de José Luis Aliaga, Xordica Editorial, ISBN 978-84-88920-97-3, 2004, p.420
- ↑ (es) Generalidades en Gran enciclopedia Aragonesa
- ↑ (es) Gran Enciclopedia Aragonesa
Datos: Q43141617
