Uella maellana

A uella maellana ye una raza ovina autoctona aragonesa orichinaria d'a población de Maella (Baixo Aragón-Casp, Zaragoza). Ista uella se troba prencipalment en o Baixo Aragón teruelano y zaragozano y en a Tierra Alta (Tarragona).

Ye una uella de grandaria meya que se distingue per la suya excelent adaptación a entornos difícils y la suya notable capacidat pa la producción de carne que se comercializa baixo a IChP Ternasco d'Aragón. Amás ye una raza brostiadora que ha aduyau siempre a controlar la proliferación de matideros y repelar os matizals, fendo una gran labor en o mantenimiento d'o paisache.

Ye fuertment emparentada con a rasa aragonesa, tanto que mientres muitos anyos ha estau considerada una variedat u ecotipo d'a rasa aragonesa. Manimenos, encara que lo suyo orichen ancestral sía común pa totas dos razas, esta ha evolucionau en distinta adreza, presentando caracters etnicos bien diferenciaus. Per lo que fa a la suya morfolochía, lo mas destacau ye la convexidad prominent d'a suya zona frontonasal, un esperreco distintivo que la diferencia clarament d'atras razas ovinas.

Referencias

• Datos: Q62091276