Allium sativum
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
- Iste articlo tracta sobre a planta de l'allo. Ta atros usos d'«allo» se veiga Allo (desambigación).
| Allium sativum | |
|---|---|
 | |
| Denominacions populars | |
Allo
| |
| Estato de conservación | |
| Clasificación scientifica | |
| Eukaryota | |
| Plantae | |
| Magnoliophyta | |
| Liliopsida | |
| Asparagales | |
| Amaryllidaceae | |
Subfamilia:
|
Allioideae |
| Allieae | |
| Allium | |
| Allium sativum | |
| Descripción | |
Allium sativum
L., 1753 | |
L'allo (d'o latín <ALLIU(M); scientificament Allium sativum (L., 1753)) ye una planta monocotiledonia amarilidacia, en a subfamilia d'as alióidias, de port herbacio, cautivada por o suyo bulbo caracteristico; l'allo propriament dito.
Ye a especie tipo tanto de a subfamilia d'as alióidias como d'o chenero Allium.
DescripciónEditar
A mata de l'allo ye una planta perén, estreitament emparentada con a cebolla, o puerro y a cebolleta, con as quals comparte o chenero Allium a on que l'allo ye a especie tipo.
As fuellas planas y finas, creixen dica fer más de 30 cm de lonchitut, y son leverament carnosas y con a nervadura paralela a l'eixe central. A planta en produz alto u baixo meya dotzena, que constituyen a mayor parte d'o volumen d'as partes aerias.
As flors son blancas, y amaneixen en una inflorescencia terminal en alto d'un tallo que ye o mas largo que produz a mata. As venas son radials, y se fincan en a tierra dica más de 50 cm.
O bulbo ye l'organo mas caracteristico d'a especie, y tamién a parte comestible que s'aprofita d'ella. Se tracta d'un bulbo segmentau, embolicau en una pela decidua blanquinyosa, que se seca dimpués d'a cullita, produciu por una segmentación tardana en a maturación. A os segmentos se les conoix como os «dients de l'allo» u os «dients d'allo». O bulbo, que tiene a consideración d'hortalicia, ye a parte que da nombre a la especie.
Os allos se conservan meses dimpués de cullir-los, sin perder guaires propiedatz gracias a la capabilidat de retener l'augua interna que tienen os dients. Dende a Edat Meya se'n conoix as propiedatz contra las infeccions, actualment sabemos que en especial contra las bacterianas, que tiene o teixiu interno d'os dients d'allo, y que se deben a la presencia d'aliina (a responsable indirecta de a ulor de l'allo) y de disulfuro d'alilo.
CautivoEditar
Se crei que l'allo ye dimanau d'Asia central, pero se tiene prebas que ya se cautivaba en l'Antigo Echipto. Os romanos y os griegos antigos tamién en consumiban con asiduidat, por o que o suyo cautivo probablement s'extendilló por Europa y a cuenca Mediterrania encara en l'Antiguedat.
L'allo se siembra d'entre marzo y abril, as menos vegadas en mayo, con dients anisolaus. Escapa millor si as temperaturas medias en os días quan s'ha sembrau no pasaban de bells 20 °C, pus una calor excesiva es gosa malmeter en ista fase incial, quan encara son tiernos. Os dients que se siembre han de tener o grillo ya un poquet escapau, de bells 3 u 4 cm d'altaria, y cal plantar-los con a punta t'alto porque si se fa a la contra l'allo futuro puede tener malformacions.
A cullita se fa en agosto y setiembre, quan a mata comienza a ixecar-se. Os allos que s'ha sacau quan a mata yera seca tienen o gusto más fuerte de totz, y se consideran os piors ta minchar-ne, pero os que millor valen ta simient. A la contra, os que se pilla quan a mata encara ye un poquet verde son os millors ta consumo.
ImáchensEditar
Un dient d'allo.
Vinclos externosEditar
Se veigan as imachens de Commons sobre Allium sativum.
Wikispecies tiene un articlo sobre Allium sativum.
