Ilesia de Sant Pero de Fuents Claras
La ilesia de Sant Pero de Fuents Claras ye un templo cristiano construyiu en lo sieglo XVI en la localidat de Fuents Claras, Aragón, en estilos renaixentista y barroco. Perteneixe a l'arcipestrau de Calamocha en a diocesi de Teruel y Albarracín.
| Ilesia de Sant Pero | |
|---|---|
 Vista cheneral | |
| Situación cheografica | |
| Estau | |
| País | |
| ' | |
| Situación |  Fuents Claras (Xiloca, Aragón)
|
| Adreza | |
| Coordenatas | |
| Archidiocesi | |
| Diocesi | Teruel y Albarracín |
| Arcipestrau | Calamocha |
| Información cheneral | |
| Advocación | Sant Pero |
| Culto | Cristianismo |
| Orden | |
| Rector | |
| Vicario parroquial | |
| 2.º Vicario parroquial | |
| Mosen | |
| Propietario | |
| Administrador | |
| Director | |
| Coste | {{{coste}}} |
| Visitable | |
| Altaria | |
| Pisos | |
| Amplaria | |
| Largaria | |
| Superficie | |
| Diametro | |
| Aforo | |
| Altaria s.l.m. | |
| Atras | |
| Alcance | |
| Iluminación | |
| Potencia | |
| Arquitectura | |
| Tipo | Ilesia parroquial |
| Estilo | Renaixentista y barroco |
| Función | |
| Catalogación | |
| Materials | |
| Construcción | |
| Construcción | Sieglo XVI |
| Fundador | |
| Inicio | |
| Fin | |
| Inauguración | |
| Destrucción | |
| Arquitecto | |
| Incheniero estructural | |
| Incheniero de servicios | |
| Incheniero civil | |
| Atros | |
| Premios | |
| Pachina web | |
| Localización | |
Descripción
editarLa referencia mas remota que se tien de lo templo ye de l'anyo 1567, cuan lo visitador arcebispal mandó que lo solero estase enladrillau.[1] Lo templo fue construyiu en mampostería y cantería y ye ubicau sobre las enruenas de l'antiga ciudadela militar, construyida en lo sieglo XIV. Presenta una sola nau de tres trampos y capiellas entre contrafuertes. La cubierta ye de vuelta de crucería estrelada con arnellas de fusta policromada de lo sieglo XVII y la cabecera ye poligonal, cubierta con la mesma vuelta que lo trampo adchacent de la nau mayor.
La portalada de l'edificio ye sencilla, de dos cuerpos. Ye diferent a las habituals de la epoca y sería producto d'una reforma posterior. Sirvió de modelo a la de la ilesia parroquial de Camín Reyal, ya en lo sieglo XVIII. En lo costau ezquierdo de la portalada se puet apreciar la inscripción Año 1663 / se plantó la olma. Dende calendata immemorial la portalada yera flanqueyada per dos urmos centenarios (las "olmas"). Toz dos estioron atacaus per una malotía y, dimpués de consulta popular, tallaus en 1989 y substituyius per arbols chóvens.
En lo lateral dreito se troba una chicota construcción que da acceso a lo espacio de lo fosal antigo, a on encara se conserva lo muro de sillería que amuga este costau de lo templo.[2]
La torre presenta dos cuerpos de piedra picada. En 1699 fue coronada con un nuevo chapitel, construyiu per lo mayestro d'obras Juan Antonio Aparicio, orichinario de Madrit. Per ixo dito templo presenta una estetica barroca castellana, totalment diferent a la de la resta de templos relichiosos de la epoca en la comarca.[3]
Elementos destacables
editarDe primerías de lo sieglo XVII ye lo retablo de Nuestra Sinyora de lo Rosario, en lo que habió de treballar lo escultor navarro Miguel Sanz (m. 1623). D'ixas envueltas ye tamién un retablo manierista, con imáchens de santa Ana y sant Bertolomeu. Chunto a él, en lo costau de la epístola, se conservan las imáchens de santa Lucia, sant Fabián y sant Sabastián de lo sieglo XVIII.
Entre las esculturas que alza en lo suyo interior destaca en lo costau de l'evangelio lo busto de santa Ana, la Virchen y lo Nino, de lo sieglo XVI.
Lo templo tamién alza una relevant colección d'orfebrería, con piezas goticas como una crismera de finals de lo sieglo XV, dos cruces procesionals de lo XVI, destacando una gotica de fuerte radigamen realizada en Daroca, amás d'un cáliz renaixentista y una custodia barroca de lo sieglo XVII.
Per lo que fa a l'organo de tubos fue construyiu en 1724 per lo mayestro organero navarro Bartolomé Sánchez (m. 1743).
Veyer tamién
editarReferencias
editar- ↑ (es) José María Carreras Asensio: Noticias sobre la construcción de iglesias en el noroeste de la provincia de Teruel (siglos XVII-XVIII), Serie Monografica, 15. 2003, p. 214-217.
- ↑ (es) Iglesia parroquial de Fuentes Claras en Xilocapedia.
- ↑ (es) José María Carreras Asensio: Noticias sobre las torres de Olalla, Peralejos, Báguena, Fuentes Claras y Ferreruela de Huerva, Xiloca, 27. 2001. p.57-60.
Bibliografia
editar- (es) José María Carreras Asensio: Noticias sobre las torres de Olalla, Peralejos, Báguena, Fuentes Claras y Ferreruela de Huerva, Calamocha: Centro de Estudios del Jiloca (Xiloca, 27), 2001, p.57-60 ISSN 0214-1175.
- (es) José María Carreras Asensio: Noticias sobre la construcción de iglesias en el noroeste de la provincia de Teruel (siglos XVII-XVIII), Calamocha: Centro de Estudios del Jiloca (Serie monográfica, 15), 2003, p.214-217 ISBN 84-607-7302-7.
- (es) Santiago Sebastián López: Inventario artístico de Teruel y su provincia. Madrid: Servicio de Publicaciones del Ministerio de Educación y Ciencia, 1974, p.217-218. ISBN 84-369-0347-1.
Vinclos externos
editar
Se veigan as imáchens de Commons sobre la ilesia de Sant Pero de Fuents Claras.
Datos: Q96653631- Multimedia: Iglesia de San Pedro Apóstol (Fuentes Claras) / Q96653631
