Coturnix
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Coturnix | |
|---|---|
.jpg) | |
| Denominacions populars | |
Cotorniz, codorniz, gualla, guanlla
| |
| Clasificación scientifica | |
| Eukaryota | |
| Animalia | |
Filo:
|
Chordata |
| Aves | |
| Galliformes | |
| Phasianidae | |
| Coturnix | |
| Descripción | |
Coturnix
Bonnaterre, 1791 | |
Coturnix (Bonnaterre, 1791) ye un chenero que contiene 9 especies[1] d'aus galliformes de tamanyo chicorrón, conoixidas en aragonés como cotornices,[2] codornices[2] u guallas.[2]
As especies miembros de o chenero Coturnix habitan en o Viello Mundo y Oceanía, incluindo-se Australia y Nueva Zelanda.
DescripciónEditar
As cotornices son aus chicorronas, d'entre 15 y 25 centimetros de lonchitut corporal, y formas arronchadetas, semellants a una perdiz menudeta. Como as suyas parients as perdices, son mayoritariament terrestres anque son capables ta o volido, que gosa estar pesau y de curtas distancias.
Anque por a especie mas freqüent en Aragón, Coturnix coturnix, se gosa tener a imáchen de que as cotornices tienen una coloración creptica, marrón con piquetas negras, en realidat i ha especies en atras latitutz que arriban a tener colors muit vitariscas y vistosas.
HábitatEditar
En Europa, as cotornices son especies propias d'espacios ubiertos, y refusan internar-se en a selva u en os matullars, a on que podrían trobar-ie obstaclos ta enchegar-se a volar si les calese. S'estiman mas os praus y as uebras, a on que i troban simients y insectos que constituyen a suya dieta, y puestos en os que a hierba altera oculte os suyos niedos de a vista d'os depredadors.
EspeciesEditar
As 9 especies descritas de Coturnix[1] son:
ImáchensEditar
Niedo.
Polletz de C. japonica.
ZoonimiaEditar
O lexicografo y naturalista Rafel Vidaller documenta a parola «cotorniz», en o suyo libro O Libro de As Matas y Os Animals, en as localidatz de a Espunya, Boltanya y Chistén,[2] todas tres en Sobrarbe. A forma codorniz a documenta en as Cortz[2] en a Fueva, y en Tramacastiella de Tena[2] en a val de Tena.
O nombre de gualla (y bellas variants, como «guanlla»[2] y «guatlla»[2]) se documentan en l'aria enterament oriental, mas que mas en nuclios de Ribagorza. Asinas, Vidaller la recopila en Esdolomada, Benás, Erisué, Chía, Llire, en Saúnc,[2] en Torres, en Castanesa y en Graus. O doctor Francisco Salamero, lexicografo aficcionau de Ribagorza baixa, tamién documenta gualla en a val d'o Sarrón, en a zona lingüisticament peculiar de Torres y Chuseu.[3] Presenta formas pareixidas en catalán (guatlla), y en francés (caille), y ye una parola d'orichen francico.
Se veiga tamiénEditar
ReferenciasEditar
- ↑ 1,0 1,1 Clements, J. F. 2007. The Clements Checklist of Birds of the World, 6th Edition. Cornell University Press.
- ↑ 2,0 2,1 2,2 2,3 2,4 2,5 2,6 2,7 2,8 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-8986-235-7
- ↑ (es) SALAMERO REYMUNDO, Francisco, Léxico peculiar de Torres del Obispo (Ribagorza); Semejanzas y diferencias con el castellano y el catalán; Institución Fernando el Católico. Zaragoza, 1991.
