Abrir menú principal

Lo Pueyo (El Poyo del Cid en castellán) ye un lugar de la provincia de Teruel (Aragón), situau en lo termin municipal de Calamocha. La suya población ye de 212 habitants (2013).

Lo Pueyo
Localidat d'Aragón
Lo Pueyo
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Teruel (provincia).svg Teruel
Xiloca
Calamocha
Población
 • Total

212 hab. (2013)
Altaria 911 m.
Distancia
 • 67 km

enta Teruel
Codigo postal 44200
Chentilicio Poyeros
Estatua de lo Cit a la entrada de lo lugar

CheografíaEditar

Ye en la costera d'un pueyo dito actualment Cerro de San Esteban, en la ribera ezquierda de lo río Xiloca, entre Calamocha y Fuents Claras a piet de lo mont Valdellosa (Sierra de Valdellosa).

HistoriaEditar

Seguntes Ubieto Arteta, que omite la mención en lo texto de Remón de Castrocol de 1205, la primera mención d'esta aldeya de la Comunidat de Daroca ye de noviembre de 1207, quan la reina Sancha, madre de Pero II d'Aragón, da a lo preceptor de Sixena Martín d'Aibar una chovada de tierra en un canyizar y un molín cerca de Calamocha:

ab occidente, in via que venint inter montem et canniçar de Podio ad Calamoxam; a meridie, hereditas magistri Petri de Belxit; a septentrione et versus villam de Calamoxa, hereditas de hominibus eiusdem ville.

Lo castiello d'el Pueyo fue destruito quan una guerra contra Castiella en lo reinau de lo rei Chaime II; la destrucción estió tan gran que lo rei perdonó lo pago de la peita de 1297 a los habitants de lo Pueyo.[1]

En 1334 (pero con calendata escrita como 1333 por estar un calendario diferent), lo rei Alifonso IV d'Aragón ordenó a totz los oficials de las aldeyas de Daroca que los vicins d'estas aldeyas apaixentasen lo suyo ganau en una defesa que dende siempre lis perteneixeba.[1]

Lo 16 d'aviento de 1706, quan la Guerra de Succesión Espanyola topetoron las tropas borbonicas baixo lo mando de lo mariscal Miguel Pons y las de l'archiduque Carlos. Las tropas de l'archiduque vencioron y morió lo capitán Miguel Pons.

L'aldeya de lo Pueyo esdevinió lugar en 1785, y disposó de concello municipal propio dica 1834.

En 1971, lo Pueyo pasó a depender de lo municipio de Calamocha.

DemografíaEditar

Evolución demografica
1910 1920 1930 1940 1950 1960 1970 1981 1991
- - - - - - - - 359

2003 2004 2005 2006 2007 2008 2009 2010 2011
- - - - - - 245 - -

2012 2013 2014 2015 2016 2017 2018 2019 -
- - - - - - - - -

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

MolimentosEditar

 
Torretón

ToponimiaEditar

La forma con diftongación debant de Yod d'acuerdo con la fonetica aragonesa pueyo ye de mal documentar en relación a l'actual toponimo El Poyo, derivaus de lo latín Podium. Manimenos lo significau topografico ye lo mesmo que en idioma aragonés, catalán y occitán, diferent a lo significau en castellán.

En lo texto en lo que lo bispe de Zaragoza Remón de Castrocol adchudicaba en 1205 las decimas y primicias de las aldeyas de la Comunidat de Daroca leyemos Poyo, pero no ye significativo car quasi totz los toponimos salen latinizaus y sin lo diftongo -ue- romance propio de lo mozarabe y l'aragonés.

Clerici et ecclesia Sancti Dominici habent Allueva, Fuentfrida, Losella, Bea, Noros, Pardellos, Corberola, Vello, Castelpedrés, Losella, Gallocanta, Ollosnigros, Pozuel. Clerici et ecclesia Sancti Michaelis habent Poyo, Santet, Mezquita, Valdesantmartin, San Martin, Ambosportos, Odon, Blancas, Torreziella.

En "Rationes decimarum Hispaniae (1279-80): Aragón y Navarra" figura como El Poyo y Epuyo, pero tamién figuran como Poyo totz los toponimos altoaragoneses y navarros que en los textos romances y en quasi totz los textos en latín medieval figuran como Pueyo, por lo que Poyo ye una traza latinizada:

Item a vicario de Calamocha, nichil. / Item a rectore de Epuyo / Item a rectore de Funtes claras, nichil quia exemptus est propter collectionem decime in Castella.

En lo texto de l'"Archivo de la Corona d'Aragón" rechistro 196, 155r, de 1298 (pero con firma de 1297 por haber-ie un calendario diferent), perdonan a los habitadors de lo lugar lo pago de la peita por una gran destrucción[1] y se leye Puyo, variant de la palabra "Pueyo" en atros lugars de l'Alto Aragón, Navarra y en apellius. Tamién se puede interpretar como una forma latinizada igual como Marcullo ye latinización de Marcuello.

homines del Puyo, aldea Daroce

En lo fuero de Molina d'Aragón lo escriben Poyo de Mouzit (¿Poyo de mon Cid?), como una de las mugas de Molina:

A Tahuenz. A Santa María de Almallaf. A Bestradiel. A Galliel. A Sisamon. A Yamua. A Zimballa. A Cubel. A La Laguna de Gallocanta. Al Poyo de Mouzit. A Penna Palomera. Al, puerto descorihuela. A Cansadon. A Damur. A Cabrihuel. A la laguna de Bernaldet. A Huélamo. A los Casares de Garci Ramirez. A los Almallones.

En un texto de 1291 escrito en Daroca prohiben pescar en la part de lo río Xiloca compresa entre los termins de l'aldeya de Pueyo a qui no siga d'ixa aldeya.

En esta localidat hi habió un castiello que fue destruito en las guerras entre Chaime II d'Aragón contra Castiella. En un texto en latín de lo Liber patrimonii Regii Valentiae amanix un castra del Pueyo que lo rei de Castiella Sancho IV cedió u tornó a lo rei Pero III lo Gran en o Tractau de Campillo de 1281, chunto con Ferrellón, Pozuel, y la Val d'Ayora. Este castiello no ye identificau con seguridat y Carlos Ayala Martínez opina que no debeba corresponder a garra castiello de lo Reino de Valencia.[2]

In armario Valentiae a rivo Uxonis usque ad rivum Xucaris, ets cartha facta 28 marii Era 1319, cum qua infans Sancius, primogenitus Alfonsi regis Castellae, promittit restituere Petro, regi Aragonum, castra del Pueyo, et de Ferreron et terminum de Poçuel, et quod intra tres septimanas restituet regi vallem de Ayora et eius castra, quae sunt castrum et villa de Ayora, Palaciuelos, Teresa, Xarafull, Sarra, Xalonti et de Confluentes.

En lo Libro del Reparo del General de 1489-1491 y en lo Fogache de 1495 s'escribe El Poyo. Seguntes Ubieto Arteta ye oficialment El Poyo dica 1960, pasando a dicir-se El Poyo del Cid dende 1970.

ReferenciasEditar

  1. 1,0 1,1 1,2 (es) Toribio del Campillo y Casamor Documentos históricos de Daroca y su comunidad Imprenta del Hospicio Provincial, 1915 [1][2][3].
  2. (es) Carlos Ayala Martínez: Paces castellano-aragonesas de Campillo-Agreda (1281) En la España medieval, nº 8, 1986 (Ejemplar dedicado a: En memoria de Claudio Sánchez-Albornoz (I)) , pp. 151-168.