Albarracín
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Albarracín ye una ciudat de la provincia de Teruel, situada en la comarca de la Sierra d'Albarracín. La suya población ye de 1.075 habitants (2007), en una superficie de 456,50 km², con una densidat de población de 2,35 hab./km².
| Albarracín | |||
| Municipio d'Aragón | |||
| |||
 | |||
| Entidat • País • Provincia • Comarca |
Municipio Aragón.svg){kind=small} TeruelSierra d'Albarracín | ||
| Partiu chudicial | Teruel | ||
| Superficie | 456,50 km² | ||
| Población • Total |
1015 hab. (2013) | ||
| Altaria • Meyana |
1.171 m. | ||
| Distancia • 37 km |
enta Teruel | ||
| Alcalde | Francisco Jesús Marti Soriano | ||
| Codigo postal | 44100 | ||
| Parroquial • Diocesi • Arcipestrau • Parroquia |
Teruel y Albarracín Albarracín Sta. María y S. Chaime | ||
| Ríos | Guadalaviar | ||
| Coordenadas | |||
| Web oficial | |||
.svg)
Cheografía
editarSe troba situada chunto a lo río Guadalaviar. A lo norte tien la Sierra d'Albarracín y a lo sud los Monts Universals. Lo lugar ye situau a 37 km de distancia de la ciudat de Teruel, a capital de la provincia de lo mesmo nombre.
Mugas
editarLo suyo termin municipal ye extenso y presenta muitas prolongacions que rodeyan muitos lugars de la comarca, antigas aldeyas dependients d'Albarracín. Estas prolongacions se denominan mangas y presentan ampluras d'entre pocos metros y bels hectometros[1] Estreitas franchas de terreno de lo termin d'Albarracín deseparan de tot lo termin de bella localidat como Monterd d'Albarracín d'atros termins municipals.
Lo termin d'Albarracín ye compacto en la zona central-oriental de la comarca, constuindo una meya luna que presenta en la part convexa a Bezas, Saldón, Royuela, Torres d'Albarracín, Monterd d'Albarracín y Pozondón en la mesma comarca, y en la part concava a Santa Olalia, Cella y Exea d'Albarracín.
Una prolongación oriental de lo termin d'Albarracín ye entre Bezas, Exea d'Albarracín, Cella, Teruel y Rubials y corresponde a Las Casiellas de Bezas.
Una prolongación occidental de lo termin d'Albarracín ye entre los termins d'Orea, Oriuela, Bronchales, Noguera d'Albarracín, Villar d'el Cobo y Griegos; corresponde principalment a lo que se conoix como El Puerto.
Una prolongación suroccidental de lo termin d'Albarracín plega dica a Val de Cabriuel y la Vega de Tacho, cerca de la muga con la provincia de Cuenca. Tota la muga de la Sierra d'Albarracín con la provincia de Cuenca corresponde a lo termin d'Albarracín, encara que sigan estreitas franchas de terreno.
Entre El Puerto y la Vega de Tacho la muga entre la provincia de Guadalachara y la Sierra d'Albarracín corresponde a una estreita francha de lo termin d'Albarracín, que desparte los termins de Griegos y Guadalaviar de la provincia vecina.
Una prolongación meridional de lo termin d'Albarracín pasa entre Toril y Chabaloyas plegando dica Lo Canyegral, a on ye la muga l'antiga muga con la Comunidat de Teruel, actualment la muga con Alobras, y con la localidat de Los Cortijos, perteneixent a lo termin de Salvacanyet.
Urbanismo
editarLo lugar ye escarramau en un mont y rodeyau por lo Guadalaviar, un caso representativo de recolón como en Toledo, meandro fosilizau en lo substrato rocoso por la erosión de lo río en lo suyo cauz profundizando-lo. Por este canto y enta lo río se troban edificadas las casas pendidas que recuerdan a las casas pendidas de Cuenca.
Dentro de lo lugar las suyas carreras son espingadas y estreitas. La construcción ofreixe la orichinal arquitectura popular a mas de tener a color royisca caracteristica dita rodena. Esta color la han presa casas que en primeras yeran blancas y desbinioron royencas por lo cheso local, de la formación Keuper, a on ye asociau con archilas royas que tienen oxido de fierro. Por atra parte tamién han construito con piedras d'arena roya de la formación Bundsandstein, lo tipico rodeno.
La parti antiga se divide en dos zonas:
- La Ciudat con las suyas casas pendidas dencima de la foz de lo río.
- El Rabal.
La zona conoixida como El Barrio no fa parti de la ciudat antiga; se troba a l'atra marguin de lo río.
Historia
editar
S'ha trobau importants pinturas rupestres d'arte levantín en lo pinar de Rodeno.
En la Edat de Fierro la habitaban los lobetans, probablement celtibers.
En ixas envueltas de los musulmans en la Peninsula Iberica, la familia berber Banu Razín, d'orichen Hawwara, fació d'istas tierras un chicot reino taifa. D'ista familia li vien lo nombre actual.
En lo sieglo XII, lo Rei Lop de Murcia cedió la comarca d'Albarracín a lo nabarro Pero Ruíz d'Azagra, creyando-se la sinyoría d'Albarracín, que s'adhibió a lo Reino d'Aragón en lo sieglo XIII.
N'esta sinyoría se creyó un bispato que dependeba de l'arcebispe de Toledo. La seu bispal cambió ta Segorb dimpués que lo conquerisen en la epoca de Chaime I d'Aragón.
En 1284 lo rei d'Aragón Pero lo Grant conquerió Albarracín en la victoria de lo Setio d'Albarracín, li concedió lo títol de Ciudat, (enantes teneba lo títol de Villa), y deseparó las aldeyas creyando la institución de la Comunidat d'Albarracín seguindo lo modelo d'atras comunidaz aragonesas. En 1297 se concede a Albarracín lo dreito a celebrar ferias.[2] Encara Albarracín y la sinyoría estioron independients atra vegada, adibindo-se ya pa cutio a lo reino d'Aragón en 1379 con Pero IV lo Cerimonioso.
Toponimia
editarAlbarracín prene nombre de la familia Banu Razín que fundó la Taifa d'Albarracín. En textos medievals se puede veyer variants documentals como Albarracino u Albarrazino que en bel caso pueden estar hipercorreccions pa no escribir as rematanzas en -ín propias de la parla popular.
La mas gran part de la toponimia menor ye en castellano u común con lo castellano, pero destacan uns poquez microtoponimos navarro-aragoneses como Puntal de LoGalindo, (que conserva l'articlo lo), Barranco de la Chiqueta y Puntal del Melguizo, u Barranco de los Terreros, (cerca d'Entramasaguas). Cerca de Bezas, pero en lo termin d'Albarracín se troban dos monts ditos Los Chermanetes u El Chermanete. Cerca de lo termin de Bezas se troba la partida de Tramasaguas, Entramasaguas u Entrambasaguas, que indica lo forcallo de lo río de la Fuent del Berro con lo río Guadalaviar.
En lo casco viello, a on que ye la Seu tenemos la Plaza de la Seo, y qui en fació lo retulo escribió como Plaza del Aseo quedando dimpués lo error pa cutio.
Demografía
editar
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE. | ||||||||||||||||||
Administración
editarReparto de concellers
editar| Partiu | 1979 | 1983 | 1987 | 1991 | 1995 | 1999 | 2003 | 2007 | 2011 | 2015 |
| Partido Aragonés | - | 6 | 1 | 2 | 3 | 4 | 5 | 4 | 4 | 4 |
| Chunta Aragonesista | - | - | - | - | - | - | 0 | 0 | 0 | 2 |
| Partido de los Socialistas de Aragón | 3 | 3 | 3 | 2 | 2 | 1 | 1 | 3 | 3 | 2 |
| Partido Popular | - | - | 2 | 4 | 4 | 4 | 3 | 2 | 2 | 1 |
| Centro Democrático y Social | - | - | 3 | 1 | - | - | - | - | - | - |
| Partido Comunista de España / Izquierda Unida | 1 | - | - | - | - | - | - | - | - | - |
| Unión de Centro Democrático | 5 | - | - | - | - | - | - | - | - | - |
| Total | 9 | 9 | 9 | 9 | 9 | 9 | 9 | 9 | 9 | 9 |
Alcaldes
editar| Lechislatura | Nombre | Partiu politico |
|---|---|---|
| 1979–1983 | José Luís Herranz Almazán | Unión de Centro Democrático |
| 1983–1987 | Vicente Martí Marqués | Partido Aragonés |
| 1987–1991 | Luís Doñate Barquero Octavio Collado Villalba |
Centro Democrático y Social Independient |
| 1991–1995 | Manuel Gómez Campos | Partido Aragonés |
| 1995–1999 | Octavio Collado Villalba | Partido Popular |
| 1999–2003 | Gloria García de Miguel | Partido Aragonés |
| 2003–2007 | Gloria García de Miguel Francisco Jesús Martí Soriano |
Partido Aragonés Partido Aragonés |
| 2007–2011 | Francisco Jesús Martí Soriano | Partido Aragonés |
| 2011–2015 | Francisco Jesús Martí Soriano | Partido Aragonés |
| 2015–2017 | Francisco Jesús Martí Soriano [5] | Partido Aragonés |
| 2017–2019 | Raúl Jiménez Domingo | Partido Aragonés |
| 2019–2023 | Miguel Villalta Martín | PSOE |
| 2023–2027 | Daniel Úbeda Martí [6] | Partido Aragonés |
Molimentos
editar
- La Seu d'Albarracín, de lo sieglo XVI.
- Palacio de lo bispe, con una portalada en estilo barroco.
- La Casa de la Villa, de lo sieglo XVI.
- Castiello d'Albarracín.
- Murallas d'Albarracín, de lo sieglo XIV.
- Casa de la Comunidat d'Albarracín.
- Casa de la Julianeta.
Localidaz achirmanadas
editar
Vinclos externos
editar
Se veigan as imáchens de Commons sobre Albarracín.- www.albarracin.org, web de lo concello d'Albarracín.
Referencias
editar- ↑ (es) Pedro Manuel Artigot Martínez (coordinador): Red natural de Aragón. nº 20, Sierra de Albarracín Prames, 2007. pp138
- ↑ (es) Historia de Aragón, dirichida por Eloy Fernández Clemente, La Esfera de los Libros, Madrit, abril de 2008, 1ª edición, ISBN 978-84-9734-722-8, pachina 248.
- ↑ Datos Eleccions MIR
- ↑ https://web.archive.org/web/20110105133451/http://portal.aragob.es/archelec/index.jsp
- ↑ (es) Fallece el alcalde de Albarracín, Francisco Martí, a los 60 años en El Periódico de Aragón
- ↑ (es) Consulta el listado de alcaldes que han sido proclamados en Aragón en Heraldo de Aragón
Bibliografía
editar- (es) Tomás Lafuente Pérez: Toponimia en la comunidad de Albarracín. Revista Teruel, 49-50, 1973.
| Albarracín | Bezas | Bronchales | Calomart | Chabaloyas | Exea d'Albarracín | Fridas d'Albarracín | Griegos | Guadalaviar | Monterd d'Albarracín | Moscardón | Noguera d'Albarracín | Oriuela | Pozondón | Rodenas | Royuela | Rubiales | Saldón | Terrient | Toril y Masegoso | Torres d'Albarracín | Tramacastiella | Val de Cuenca | Val Longuiello | Villar d'el Cobo | |
| Lugars d'o municipio d'Albarracín | |
|---|---|
| Poblaus: Albarracín | Lo Canyegral | Las Casiellas de Bezas | Collado de la Grulla | Codonyat | Sant Pedro | Val de Becar | Val de Cabriuel Despoblaus: Santa Croch |
| Lugars desapareixius d'o municipio d'Albarracín | |
|---|---|
| La Vega d'Albarracín | Falagosa | Santa Barbara | Toyuela | Val de Minguet | Val de Sant Pedro |
Datos: Q695488- Multimedia: Albarracín / Q695488
