Torrillo

	Torrillo
	Municipio d'Aragón
Entidat; • País; • Provincia; • Comarca	Municipio; Aragón; Teruel; Xiloca
Partiu chudicial	Calamocha
Superficie	43,97 km²
Población; • Total	; 482 hab. (2013)
Altaria; • Meyana	; 923 m.
Distancia; • 59 km	; enta Teruel
Alcalde	Ricardo Plumed Malo
Codigo postal	44393
Chentilicio	Torrijanos (en castellano)
Coordenadas	40°49’29’’N 1°20’15’’U
	Torrillo Torrillo en Aragón
	Web oficial

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Torrillo (Torrijo del Campo en castellano) ye un municipio de la provincia de Teruel (Aragón), situato en la comarca de Xiloca. La suya población ye de 496 habitants (2013), en una superficie de 43,97 km² y una densidat de 11,28 hab/km².

CheografíaEditar

Ye situato en la fuesa de Xiloca que fa parte de la depresión de Calatayú-Teruel.

MugasEditar

Lo suyo termin municipal muga con Rubiuelos, Mont-reyal, Blancas, Camín Reyal y Banyón.

ToponimiaEditar

Torrillo ye interpretable a partir de lo latín TURRICULUM evolucionando lo sufixo -ICULUM seguntes la fonetica aragonesa y mozarabe, dando lo sufixo -ello/-illo, igual que Turrillo en Zaragoza y Torrillo en Almería.

Ya amaneix como Torrillo en un texto de 1205, quan lo bispe Remón de Castrocol adchudica las decimas y primicias a las ilesias de la Comunidat de Daroca.

Hoc autem est divisio Sancte Marie habet Signa Torrillo, Covas, Corlas, Anento, Ferrerola, Tonda, Covas de Portelo Rubeo, Lechon, Montnegriellos, Villaalbiella, Forcallo, Tortolon, Baguena.

Atra mención como Torrillo ye de quan Pere de Torroja lo 27 de setiembre de 1175 regaló a la mensa capitular de la Seu de Sant Salvador de Zaragoza l'aldeya de Villacadima con tot lo que contién en los suyos termins:

Ego Petrus, Dei gracia, Cesaraugustanus Episcopus, dono Deo et ecclesie de Sancti Salvatoris et communi mense canonicorum, unam aldeam que est in termino de Darocha inter Mont Real et Torrillo que dicitur Villa Catima

Encara trobamos una mención a Torrillo a principios de lo sieglo XV quan en 1409 Benedet XIII concede a gracia de lo quinto decimero a la fabrica de la Seu de lo Salvador de Zaragoza y lo aplican en 1412:

Torrillo predicta die procurator in defectum rectoris presentavit processum provis hominibus qui fecerunt relacionem quod non erant XVI parrochiani

Trobamos referencias a Torrillo en l'apellito d'un participant en las Cortz d'Aragón celebratas en Daroca en 1228 (Iohanes de Torrillo), pero no podemos saber si ye este Torrillo lo Turrillo de Zaragoza. Los dos toponimos se castellanizan pronto en l'oficial, y por lo que fa a lo toponimo xilocano ya fegura como Torrijo en 1401, de la mesma forma que lo sufixo -illo, -ello va castellanizando-se en los textos contemporanios, dixando como repuis a l'este de la redolada como Varello y Corvella. En lo libro de la manifestación de lo morabetín de la Comunidat de Daroca de 1373 s'escribe ya castellanizato como Torrixo, (pero a x puet representar lo fonema prepalatal fricativo sonono de la g castellana d'ixa epoca, que no existe en aragonés, de la mesma traza que penyaroxa en lo fogache de 1495, que huei en lo catalán local no se prenuncia con /x/, sino con /ij/). En las actas de lo proceso de Cortz de Zaragoza s'escribe Torricho, que debeba estar la pronunciación en l'aragonés de las comunidatz aragonesas (como regacho y panocha en relación a "regallo" y "panolla").

L'apelativo del Campo ye recient y s'anyadió a muitos lugars de la redolada en 1910 pa diferenciar-los d'atros que se deciban igual en atras partz d'Espanya.

Como microtoponimos intresants de lo termin de Torrillo trobamos la espluga dita Canyo del Gato.

L'actual chentilicio castellano torrijano, común con lo chentilicio de los habitadors de Torrillas, ye rearagonesizable como torrillán(o), analogo a torrellano, habitant de Torrellas (Tarazona y Moncayo).

Luengas y parlasEditar

Actualment en Torrillo, como en toda la comarca de Xiloca se charra lo castellano rechional d'Aragón, con substrato lingüistico provinient de l'aragonés que se charró en la Edat Meya en las comunidatz de la muga suroccidental de lo Reino d'Aragón. Lo lexico aragonés d'intrés etnografico de Torrillo se conoix relativament bien por figurar esta localidat en l'ALEANR con la sigla Te 301^[1]. La revista Xiloca tamién ha publicau estudios sobre vocabulario local y articlos de tematica medieval con apendices documentals que amuestran l'aragonés que s'escribiba en esta comarca en la Edat Meya.

DDemografíaEditar

Evolución demografica

2003	2004	2005	2006	2007	2008	2009	2010	2011
-	-	-	-	-	-	-	-	-

2012	2013	2014	2015	2016	2017	2018	2019	2020
-	496	-	-	-	-	-	-	-

2021	2022	2023	2024	2025	2026	2027	2028	-
-	482	-	-	-	-	-	-	-

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

AdministraciónEditar

Reparto de concellersEditar

Eleccions municipals
Partiu	1979	1983	1987	1991	1995	1999	2003	2007	2011
Partido Aragonés									5
Partido de los Socialistas de Aragón									2
Total									7

AlcaldesEditar

Lista d'alcaldes
Lechislatura	Nombre	Partito politico
1979–1983	José Terrado Rubio	UCD
1983–1987
1987–1991
1991–1995	Miguel Ángel Meléndez	PP
1995–1999	Miguel Ángel Meléndez	PP
1999–2003	Miguel Ángel Meléndez	PP
2003–2007	Manuel Terrado Royo	PP
2007–2011	Ricardo Plumed Malo	PAR
2011–2015	Ricardo Plumed Malo	PAR
2015–2019	Ricardo Plumed Malo	PAR
2019-2023

MolimentosEditar

Ilesia de Sant Per, con o suyo campanar.
Ermita de Sant Fabián y Sant Sabastián.

FiestasEditar

Sant Isidro Labrador, 15 de mayo.

ReferenciasEditar

↑ (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando El Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.

BibliografíaEditar

(es) Agustín Gil Domingo: La historia de Calamocha a través de la historia (I). Xiloca 30.[]
(es) Luis Alberto Majarena Gonzalvo: El libro bermejo del archivo colegial de Daroca. Centro de Estudios Darocenses. Colección Documentos para la Historia de Daroca y su Comunidad. 1989.
(es) Tomás Domingo Pérez, Maria Rosa Gutiérrez Iglesias: La gracia del quinto diezmero concedida en el año 1409 a la fábrica de La Seo por Benedicto XIII y su primera ejecución en 1412. Aragón en la Edad Media, nº 14-15, 1, 1999.

Se veiga tamiénEditar

Lista de municipios de Teruel

Municipios d'a comarca de Xiloca

[1] (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando El Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.

[1]