Una botica (u potica en tensino, d'o griego antigo ἀποθήκη) ye un establimiento a on un boticario (licenciau de l'aria de farmacia) exerce a farmacia, proporcionando servicios de salut a os usuarios dispensando merecinas y atros productos de parafarmacia como productos de cosmetica, alimentos especials, productos d'hichiene personal, etc.

Interior d'una botica

A botica ye un establimiento privau d'intrés publico, o boticario ye o encargau de l'atención a l'usuario, que implica en primeras o seguimiento farmacoterapeutico, l'acto en si mesmo d'a venda, o control y indicación d'as dosis, o control d'as posibles interaccions y a correcta conservación.

Por definición a merecina ye un bien esencial, que fa que a botica siga un establimiento d'intrés publico. O boticario u tecnico en farmacia, no fa simplament a venda d'o producto, si no que tamién s'encarga de l'asesoramiento de l'usuario, pa aconseguir un uso responsable d'as merecinas y a chestión de datos correspondients.[1]

ReferenciasEditar

Vinclos externosEditar