Lacuna de Gallocanta

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A cuenca d'a lacuna de Gallocanta u laguna de Gallocanta ye en metat d'o Sistema Iberico. Ye amugada en o nord-este por as sierras de Santa Cruz, Penya Alta y Valdellosa, y ta par d'o sud por os monts d'Odón y Torralba de los Sisons. Ye a bels 1.000 metros d'altaria, tien 7'7 km de longaria y 2'8 km de amplaria, y conta con una fondaria en os puestos mas fundos de 1'5 m. A Lacuna de Gallocanta no siempre tien augua en a suya cuenca, ya que i hai periodos de plevias y de sequera.

Lacuna de Gallocanta
Administración
País	Aragón
Estau
Provincia
Comarca	Campo de Daroca
Municipio
Cheografía
Tipo	lacuna
Orichen
Superficie	km²
Superficie	ha
Altaria	1.000 m
Longaria	7,7 km
Amplaria	2,8 km
Fondura	1,5 m
Volumen	hm³
Fuent
Desaugüe
Desaugües
Mapa
Lacuna de Gallocanta Situación en Aragón

Os lugars que fan rolde a la lacuna son: Gallocanta, Berrueco, Tornos, Bello, Las Cuerlas. Una mica mas luent trobamos: Santet, Fuset, Torralba de los Sisons, Odón y Castellón de Tornos.

Toponimia

Se fa mención de la laguna de Gallocanta en los textos medievals sobre las propiedaz de lo Monesterio de Piedra:

Item habet otra pieça en la Renconada, que afruenta con pieça de donna Mari Yuannes e el prado de Concejo e con la laguna de Gallocanta.

Cheolochía

Ocupa o fondón d'una fuesa tectonica en una zona a on materials mesozoicos descansan sobre materials d'a era paleozoica. Os materials paleozoicos, viellos y con grau de metamorfismo, tienen poqueta porosidat (encara que sigan en o suyo orichen piedras d'arena) y fan de livel impermiable. Estos materials afloran enta l'este d'a lacuna fendo elevacions d'o terreno, desfendo-se en bloques de caras planas con costaus rectilinios, con un modelau de tipo berrocal que da nombre a dos lugars Berrocal y o Berrueco. Os materials mesozoicos afloran millor enta l'ueste. O centro d'a cuenca sedimentaria ye pleno, como ye normal, de materials cuaternarios resultau d'a erosión recient d'o debantdito.

Fa bels mils d'anyadas la cuenca endorreica de Gallocanta yera mes gran y s'estendillaba dica buena part de lo nord-este de la provincia de Guadalachara. Los lugars de l'actual cuenca de lo río Piedra auguas ent'alto d'Embit yeran en la cuenca endorreica dica que la erosión regresiva d'este río en lo espacio a on que hue son las Foces de Torralba tenió como resultau final una captura fluvial y la formación de las anteditas foces. A pesar d'esta perda de superficie, l'actual cuenca endorreica de Gallocanta encara ye la mes gran de la Peninsula Iberica.

Flora

A lacuna, por estar cuasi un ambient estepario, y por a man de l'hombre, ye plena de campos de cerials, tornasols, bel panizal, hortals y campos d'alfalz. En os monts encara se i puede veyer pins, carrascas u chaparras, caixicos y chinebros. An que i hai augua se troban os chopos y azarolleras. Os árbols fruitals mas comuns son as almendreras, encara que se puede trobar bella manzanera. Antes mas se cautivaba a vinya y o zafrán.

I ha gran cantidat de plantas halofilas que soportan muita salinidat y, por ixo, perfectas t'a lacuna. O sistema conta con bel endemismo y especies en protección como a Puccinella pungenns y o Luthrum flexousom, y bella Orchis palustris.

Fauna

Encara que a lacuna, debito a la suya salinidat, no puede albergar peixes, sí que i ha un important numero d'aves, reptils y anfibios por os arroyos y as basas, y mamiferos por as sierras y monts. Conta con mas de 220 especies diferents d'aves, entre as mas importants os vueitres, alicas, grudas, porputz u "baubas" y fochas.

Entre os mamiferos podemos trobar-ie: corzos, paniquesas, rabosas, gatos montesins, bel ciervo, chabalins, fuinas, conillos, taixugos, etc. Son comuns en as basas y arroyos d'a comarca as ranas, zapos, fardachos u "ardachos" (que se minchaban fa poco tiempo), sargantanas u "sangartesas" y bella especie de serpient como as gripias.

Se veiga tamién

• Reserva Natural d'a Lacuna de Gallocanta.

• Datos: Q1862591
• Multimedia: Laguna de Gallocanta / Q1862591