Calatayú

	Calatayú; Calatayud
	Municipio d'Aragón
	; Anvista d'a ciudat
Entidat; • País; • Provincia; • Comarca	Municipio; Aragón; Zaragoza; Comunidat de Calatayú
Partiu chudicial	Calatayú
Superficie	154,20 km²
Población; • Total	; 19 677 hab. (2013)
Altaria; • Meyana	; 534 m.
Distancia; • 86 km	; enta Zaragoza
Alcalde	José Manuel Aranda Lassa
Codigo postal	50300
Chentilicio	Calatayubín u bilbilitano
Patrons	Virchen d'a Penya
Parroquial; • Diocesi; • Arcipestrau; • Parroquia	; Tarazona; Calatayú; 5 parroquias
Ríos	Xalón
Coordenadas	41°21’ 0’’N 1°37’59’’U
	Calatayú Calatayú en Aragón
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Calatayú (Calatayud en castellano) ye una ciudat y municipio aragonés situata en a provincia de Zaragoza, comarca de Comunidat de Calatayú (en ye a suya capital) y partiu chudicial d'o suyo nombre (tamién en ye a suya capital).

A suya población ye de 19 677 habitants ^[2], en una superficie de 154,20 km².

Cheografía

Ye situato a o canto d'o río Xalón, en un aria estratechica on o río Xiloca s'achunta con o Xalón, y s'achuntan por tanto dos vias naturals de comunicación, a 534 metros d'altaria sobre o livel d'a mar y a una distancia de 86 km de Zaragoza, a capital d'a suya provincia.

Clima

A suya temperatura anyal ye 12.7 °C, con una temperatura meya en chinero de 4.76 °C y en chulio de 21.96 °C.^[3]

Demografía

Evolución demografica

1362 f	1495 f	1842	1857	1860	1877	1887	1897	1900
-	-	-	-	-	-	-	-	11.958

1910	1920	1930	1940	1950	1960	1970	1981	1991
11.858	12.574	15.733	18.393	18.874	18.251	17.133	17.666	17.432

1992	1994	1996	1997	1998	1999	2000	2001	2002
-	-	17.078	-	16.569	17.352	17.876	17.970	18.531

2003	2004	2005	2006	2007	2008	2009	2010	2011
19.279	19.634	20.263	20.001	21.040	21.905	21.933	21.717	20.837

2012	2013	2014	2015	2016	2017	2018	2019	2020
21.174	20.926	20.658	19.724	20.191	20.173	20.035	20.024	20.092

2021	2022	2023	2024	2025	2026	2027	2028	-
19.870	19.776	-	-	-	-	-	-	-

1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidaz poblacionals en l'INE.

Historia

As enrunas d'a ciudat romana de Bilbilis son en o termin de Calatayú, ocupando as costeras d'os cerros Bambola, Sant Paterno y Santa Barbara, entre a marguin ezquierda d'o río Xalón y a rambla de Ribota, cerca de Uermeda.

En l'anyo 716 los musulmans andalusís encomenzoron a fortificar un cinto que dió nombre a la ciudat de Calatayú, y costruyoron cinco castiellos unius con murallas. En l'anyo 937 Abderramán I asitió y prenió Calatayú. En l'anyo 1031 Calatayú yera una d'as principals ciudaz d'a Taifa de Zaragoza y capital d'o suyo propio districto. Entre 1046 y 1055 bi habió una Taifa de Calatayú independient.

O 24 de chunyo de 1120 Alifonso I lo Batallero conquirió a ciudat y li dió Carta de población en a mesma anyada, y dimpués Fuero en 1131 mientres asitiaba Bayona. Alifonso I ordenó en o Fuero de Calatayú que as ilesias d'ixa villa y tierra fuesen patrimonials, cosa que confirmará o papa Lucio III en 1182 con una bula en a que declaraba totas as ilesias que baixo ixe privilechio s'heban de conferir a personas naturals d'a mesma tierra. Con a reconquiesta vinioron repobladors cristianos y se creyoron nuevas 10 parroquias dica plegar ta 14, en as que s'agruporon seguntes os suyos orichens. A parroquia de Sant Per la dividioron en Sant Per de los Francos y Sant Per de los Serranos, a primera pa os de Baigorri y a segunda pa os montanyeses de l'Alto Aragón. Por haber-se preso a ciudat o día de Sant Chuan Baptista, li se dedico una ilesia a piet d'o castiello, a Ilesia de Sant Chuan lo Viello u Sant Chuan de Vallupiel. Unatra ilesia que se fació a piet d'o castiello estió Sant Miguel. Poco dimpués d'a conquiesta a mesquita mayor fue trasformada en a Ilesia de Santa María la Mayor, adscrita a lo bispato de Zaragoza, seguindo a tradición de desfer as mesquitas y convertir-las en ilesias u seus. En o barrio mozarabe costruyoron as ilesias de Sant Chaime y lo Salvador. A lo norte d'a Ilesia de Santa María construyoron a ilesia de Sant Andreu, y a lo sud a de Sant Torcuat.

Calatayú fue ocupada por Alifonso VII de Castiella dimpués d'a muerte d'o Batallero. Alifonso VII disposó que as ilesias de Calatayú perteneixesen a la diocesi de Sigüenza. Calatayú tornó a lo reino d'Aragón chunto con Zaragoza, y en 1139 Calatayú pasó a depender d'a diocesi de Tarazona.

O Monesterio d'Oña recibió de Remón Berenguer IV o barrio poblau con mozarabes, encara que no se sabe si yeran mozarabes nativos u mozarabes traitos d'Andalucía por o Batallero. A Orden d'o Temple tenió una comanda en Calatayú, igual que a Orden d'o Hespital, que ya en 1167 i tenió un comandador conoixiu como Galindo, pero estió a Orden d'o Santo Sepulcre a mes poderosa, por un alcuerde de Remón Berenguer IV con o patriarca y o capítol de Cherusalem en 1141. Seguntes este alcuerde concedioron a los d'o Sepulcre extensos biens pa fundar una ilesia en a ciudat, con o cual o mesón de Calatayú se convertió en o mesón matriz d'as atros mesons d'o Sepulcre en Espanya, y o prior muitas vegadas se titulaba gran prior d'a orden.

En 1249 o bispe de Tarazona consagró dos colechiatas con l'asistencia de Chaime I: Santa María y Santo Sepulcre.

En 1252 i heba 14 parroquias, contando en total 1062 habitadors, estando la mes poblada a Parroquia de Sant Per de los Francos, y la que menos la d'o Santo Sepulcre. A lo largo d'o sieglo XIII atras órdens s'establioron en Calatayú creyando conventos intramuros: Franciscanos, Dominicos, Mercedarios, Carmelitans y Monchas Menoretas de Santa Clara. En 1276 se concede a Calatayú o dreito a celebrar ferias.^[4]

En 1362 Calatayú se rindió a las tropas castellanas dimpués d'un sitio prolongau. Los castellanos ocuporon la ciudat con 1000 caballers y 2000 ballesters entre 1362 y 1366.^[5]

O 27 d'abril de 1838, mientres a Primera Guerra Carlista (Guerras Carlistas) tropas carlistas mandadas por o cheneral Juan Cabañero y Esponera dentroron en Calatayú.

Toponimia

O suyo nombre ye d'orichen arabe, con a radiz Qalat, castiello, y un antroponimo, significando o castiello d'Ayub (Qal’at 'Ayyūb). En textos medievals cristianos se diz calataiub, pero bi'n ha muitas variants, producto de que a -b final no se troba guaire a sobén en aragonés. Asinas, alternarán variants rematatas en -f, -t, y -d, u con -e u -o paragochica. A variant rematata en -d, ya se troba en o sieglo XIII, y será a que s'imposará en l'oficial con o tiempo en castellano, encara que no toz os castellanofablants la pronuncien.

Dende o sieglo XVI s'irá emplegando o chentilicio bilbilitano propuesto por l'humanista y poeta neolatín Antón Serón. Este chentilicio s'irá fendo mes y mes oficial a costa d'atros como calatayucense (tamién culto), y calatayubín (chentilicio d'orichen arabe).

Administración

Reparto de concellers

Eleccions municipals^[6]
Partiu	1979	1983	1987	1991	1995	1999	2003	2007	2011	2015	2019	2023
Partido Popular	-	2	2	5	10	13	11	9	12	9	9	10
Partido de los Socialistas de Aragón	2	7	6	11	5	3	4	7	6	5	7	5
Vox	-	-	-	-	-	-	-	-	-	-	1	1
Ciudadanos - Tú Aragón	-	-	-	-	-	-	-	-	-	3	3	1
Chunta Aragonesista	-	-	-	0	0	1	2	2	0	1	0	0
Partido Aragonés	5	7	4	1	1	0	0	3	3	2	1	0
Izquierda Unida	-	1	1	0	1	0	0	0	0	-	-	0
Aragón Sí Puede	-	-	-	-	-	-	-	-	-	1	-	-
Centro Democrático y Social	-	0	3	0	-	-	-	-	-	-	-	-
MC - OIC	4	-	-	-	-	-	-	-	-	-	-	-
Coalición Democrática	3	-	-	-	-	-	-	-	-	-	-	-
Unión de Centro Democrático	3	-	-	-	-	-	-	-	-	-	-	-
Partido Demócrata Popular	-	-	1	-	-	-	-	-	-	-	-	-
Total	17	17	17	17	17	17	17	21	21	21	21	17

Alcaldes

Lista d'alcaldes
Lechislatura	Nombre	Partiu politico
1979–1983	José Galindo Antón^[7]	Partido Aragonés
1983–1987	José Galindo Antón^[7]	Partido Aragonés
1987–1988	Jorge Sánchez García^[8]	Partido de los Socialistas de Aragón
1988–1991	José Galindo Antón	Partido Aragonés
1991–1995	Jorge Sánchez García^[8]	Partido de los Socialistas de Aragón
1995–1999	Fernando Martín Minguijón^[9]	Partido Popular
1999–2003
2003–2007
2007–2011	Víctor Javier Ruiz de Diego	Partido de los Socialistas de Aragón
2011–2015	José Manuel Aranda Lassa^[10]	Partido Popular
2015–2019
2019–2023
2023–hue

Molimentos

A colechiata de Santa María la Mayor.

Molimentos d'a Edat Meya musulmana

Destaca o recinto fortificato de Calatayú d'a epoca musulmana:

Castiellos
Muralla
Puertas

Molimentos d'a Edat Meya cristiana

Colechiata d'o Santo Sepulcre, una d'as pocas seus espanyolas d'a orden d'os Caballers d'o Santo Sepulcre.
Colechiata de Santa María la Mayor.
Ilesia de Sant Per de los Francos, dita asinas pa diferenciar-la d'a Ilesia de Sant Per de los Serranos, estando a ilesia d'os repobladors que proveniban de Baigorri. Ye un puesto historico por dos razons. En 1461 fue proclamau en esta ilesia o infant Ferrando I hereu d'o reino d'Aragón y en 1978 se i constituyó formalment a Deputación Cheneral d'Aragón.
Ilesia de Sant Andreu.
Ilesia de Sant Chuan o Reyal, con pichinas de Francisco de Goya y Lucientes. Recibió l'advocación de Sant Chuan Baptista en 1770 cuan trayoron a ella o culto de l'antiga parroquia de Sant Chuan de Ballupiel, que yera en estau ruinoso y huei desapareixida.

Esporte

O fútbol ye representato por l'Atlético Calatayud Club de Fútbol.

Personalidaz naixitas de Calatayú

Categoría:Naixius de Calatayú
Ricardo Anlló Orrio, Nacional, torero (1891-1977).
Juan Blas y Ubide, escritor costumbrista y politico.
Chuan Carlos Bueno Chueca, escritor y lingüista.
Sixto Celorrio, narrador, poeta, folclorista y politico.
Pascual Marquina, compositor.
Marco Valerio Marzal, poeta hispanorromano d'orichen celtibero.
Ángel Petisme, musico, compositor musical y escritor.

Fiestas

As prencipals celebracions en a ciudat son as fiestas en honor a Sant Roque (agosto) y as ferias en honor a la Virchen d'a Penya (setiembre). As dos compachinan actos relichiosos en as suyas respectivas armitas con actos d'ocio de distinta mena.