Fardosca
A fardosca[1] u fardasca[1] ye una raza ovina autoctona aragonesa orichinaria d'a provincia de Teruel. Tamién ye present en a provincia de Castellón, a on tamién se denomina fardosca, asinas como en a provincia de Tarragona, a on le'n dicen serranet.[2] En o Catalogo Oficial de Razas de Bestiar d'Espanya, d'o Ministerio d'Agricultura, Pesca y Alimentación ye inscrita como raza de fomento.
Perteneixe a o tronco entrefino, y a sobén ye confundida con a raza ojalada orichinaria de Castiella y Leyón, por a pigmentación centrifuga en color negro que comparten, arredol d'os uellos, morro, orellas y patunyos, igual que as razas xisqueta y montesina. Isto se debe a que todas ellas comparten ancestros comuns.[3] Se tracta d'animals de perfil subconvexo, de proporcions largudas y grandaria meya, vellón de lana blanca entrefina con a pigmentación centrifuga de color negra arredol de uellos, punta d'as orellas, morro y parte distal d'as extremidaz. Son muit adaptaus a las cerenyas condicions meteorolochicas d'a zona, en a que predominan as temperaturas muit baixas d'hibierno y tienen escasas plevias mientres tot l'anyo. A suya explotación se destina mas que mas a la producción de carne, que se comercializa baixo a IChP Ternasco d'Aragón.[2]
Referencias
editar- ↑ 1,0 1,1 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ 2,0 2,1 (es) "Razas de ganado del Catálogo Oficial de España". Ministerio d'Agricultura, Pesca y Alimentación. Gubierno d'Espanya. Centro de Publicacions. Madrit. Pach. 60
- ↑ (es) "Guía de campo de las razas autóctonas españolas" Fernando Orozco Piñán. Ministerio de Meyo Ambient y Meyo Rural y Marino. Secretaría Cheneral Twcnica. Madrit. ISBN 978- 84-491-0946-1. Pach. 339-341
Datos: Q116751707
