Fuent Frida

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Fuent Frida (Fonfría en castellano) ye un municipio de la provincia de Teruel (Aragón), situau en la comarca de Xiloca. La suya población ye de 30 habitants (2013), en una superficie de 20,35 km².

Fuent Frida
Municipio d'Aragón
Fuent Frida
Entidat  • País  • Provincia  • Comarca	Municipio  Aragón  Teruel Xiloca
Partiu chudicial	Calamocha
Superficie	20,35 km²
Población  • Total	32 hab. (2013)
Altaria  • Meyana	1247 m.
Distancia  • 98 km	enta Teruel
Alcalde	Jesús Ricardo Lahoz Gargallo
Codigo postal	44492
Parroquial  • Diocesi  • Arcipestrau  • Parroquia	Teruel y Albarracín Calamocha Sant Miguel Arcánchel
Río	Uerba
Coordenadas	40°59’45’’N 1° 5’ 3’’U
Fuent Frida Fuent Frida en Aragón
Web oficial

Cheografía

Ye situau entre la sierra d'Orich a lo nord-este y la sierra de Pelarda a lo sudueste (las dos de la serranía de Cucalón), cerca de lo naixedero de La Uerba.

Mugas

Lo suyo termin municipal muga con Allueva, Torreciella, Calamocha, Beya, Loscos y l'aria de Rudiella de lo termin municipal de Uesa.

Toponimia

Lo toponimo Fuent Frida ye transparent en aragonés y ye d'acuerdo con la fonetica aragonesa.

La primera cita a este lugar ye lo texto en lo que lo bispe de Zaragoza Remón de Castrocol adchudica decimas y primicias de 1205 a las ilesias de Daroca:

Clerici ecclesiea Sancti Johannes, habent Portelrubeo, Tuera, Las Casas, Collados, Manchones, Salze, Murero, Baselga, Aldea Dominico Ferrero, Ceyda. Clerici et ecclesia Sancti Dominici habent Allueva, Fuentfrida, Losella, Bea, Noros, Pardellos, Corberola, Vello, Castelpedrés, Losella, Gallocanta, Ollosnigros, Pozuel.

Amaneix como Fuent Frida en las primicias de 1279-1280 que se rechistran en "Rationes decimarum Hispaniae (1279-80): Aragón y Navarra". Manimenos ya amaneix como Fuent Fría en lo fogache de 1495, con perda de sonora intervocalica, como ye normal en castellano. Dica 1785 existió lo toponimo documental Funfría

Historia

Fuent Frida yera una aldeya que feba part de la Sexma de Barrachina de la Comunidat de Daroca. Perteneixió a la sobrecullida de Daroca entre 1488 y 1495. Se convertió en lugar en 1785.

La localidat de Fuent Frida y la suya comarca estió un escenario de la Guerra Civil en 1936, con acuartelamiento de tropas nacionals en Fuent Frida y presencia de tropas republicanas en Rudiella y Perafita, lo que constituiba lo Frent de la Rocha. En l'alto de La Rocha facioron trincheras. En octubre de 1936 lo bando republicano cremó una Ermita, seguius de los nacionals, que aproveitoron la fusta pa escalfar-sen.

Demografía

Evolución demografica

1992 1994 1996 1997 1998 1999 2000 2001 2002 - - - - 33 33 32 32 32

2003 2004 2005 2006 2007 2008 2009 2010 2011 29 29 26 26 27 30 30 30 30

2012 2013 2014 2015 2016 2017 2018 2019 2020 30 30 30 31 31 30 28 27 26

2021 2022 2023 2024 2025 2026 2027 2028 - 29 30 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón									4
Total									1

Alcaldes

Lista d'alcaldes

Lechislatura	Nombre	Partiu politico
1979–1980	Francisco García Pueyo	UCD
1980-1983	Emiliano Lahoz Nuez	UCD
1983–1987
1987–1991
1991–1995
1995–1999
1999–2003
2003–2007
2007–2011
2011–2015	Jesús Ricardo Lahoz Gargallo	PSOE
2015–2019
2019–2023
2023–2027	Eufemia Olga Lazaro Garcia	PSOE

Molimentos

• Ilesia parroquial dedicada a la Exaltación de la Cruz y a Sant Miguel Arcánchel.
• Ermita de la Virchen de Losiella (Virgen de la Silla actualment en castellano), vertichio de lo despoblau de Losiella.

Fiestas

• Primera fiesta patronal: 8 de mayo, Sant Miguel Archánchel.
• Segunda fiesta patronal: 14 de setiembre Exaltación de la Cruz.
• Actualment las fiestas patronals s'han chuntau y se fan lo segundo cabo de semana d'agosto.

Se veiga tamién

• Lista de municipios de Teruel.

Lugars desapareixius de Fuent Frida
Losiella

• Datos: Q1923857
• Multimedia: Fonfría, Aragon / Q1923857