Una fuent u font (d'o latín < FONTE(M)) ye a on que sale l'augua d'a tierra u entre as rocas; puet estar perén u temporal. S'orichina en a filtración d'augua de plevia o nieu que penetra en un aria y sale en atra de menor altaria, a on l'augua no ye confinada por materials impermeables. Estas surchencias son abundants en os terrens karsticos.

Una fuent.
Font de Sant Cristobal (Ribagorza)

Quan baixa lo libel freatico una fuent puede secar-se (en chistabín ixecar-se),[1] d'astí los toponimos recurrents Fuent Seca.

Toponimos con fuentsEditar

En toponimia la palabra chenerica fuent puede achuntar-se con lo sintagma vinient u l'adchectivo y monoftongar en -o-, u mesmo esdevenir a: Fontfría,[2] Fontcalent,[2] Fantova, Fontseca.

ReferenciasEditar

  1. (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN978-84-8094-061-0 p 334.
  2. 2,0 2,1 (es) Chabier Tomás Arias: El aragonés del Biello Sobrarbe. Instituto de Estudios Altoaragoneses. (1999), p 78.

Se veiga tamiénEditar