Sierra Pedregosa
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Sierra Pedregosa | |
|---|---|
| Cheografía | |
| Cordelera | {{{cordelera}}} |
| Sector | {{{sector}}} |
| {{{tpran}}} | {{{ran}}} |
| Maxima altaria | 1.271 m (La Lobera) |
| Cimas importants | |
| Largaria | |
| Amplaria | |
| Superficie | |
| Vértiz cheodesico | |
| Subsistemas | |
| Administración | |
| Estau | |
| País |  Aragón
|
| Comarca | Cuencas Meneras. |
| Cheolochía | |
| Edat | Paleocheno |
| Materials | Rocas sedimentarias. |
| Tipo | Orochenesi |
  | |
La sierra Pedregosa ye un sarrau de la sierra de Segura situau en lo termin municipal de Segura de los Banyos y con dirección NW-SE. Se situa en la part sudoriental de unidat morfoestructural dita depresión de Calatayú y Mont Albán,[1] pero en contacto con las serranías de Cucalón-Mont Albán.[2]
Altarias
editarLa principal altaria ye La Lobera (1.271 m), seguida de La Talaya (1.202 m).
Toponimia
editarL'oronimo sierra Pedregosa ye transparent en aragonés, presentand lo sufixo -osa seguindo a l'infixo -eg-. Lo resultau de la meteorización de los almendrons conduce a la liberación de los ruellos de glera, que una vegada sueltos contribuyen a la formación de suelos pedregosos.
Hidrolochía
editarLa sierra Pedregosa desparte las vals de los ríos Segura y Fuent Ferrada. La vertient nordoriental desaugua enta barrancos que cayen en Segura. La vertient sudoccidental lo fa enta lo barranco de Pardillos (tributario de Segura), u enta lo barranco de Lobera, un curso d'augua peneconsecuent que complega con lo barranco de la Manzanera tamién peneconsecuent, desauguand los dos chuntos enta lo barranco d'el Valleamargo (tributario de lo río de Fuent Ferrada).[3]
A lo norueste de sierra Pedregosa, entre las sierras de Pelarda y de Segura bi ha tres lagunas: laguna Alta, laguna Baja y laguna d'en Medio.
Cheolochía
editarLa sierra Pedregosa ye formada por rocas sedimentarias detriticas d'edat paleochena. La sierra Pedregosa ye en una zona monoclinal con los almendrons y piedras d'arena d'edat eocena y oligocena (Sannoisián) situaus estratigraficament baixo almendrons oligocenos d'edat stampiana y d'almendrons d'edat miocena superior-pliocena.[4]
Bi ha un capuzamiento de bels 35º enta lo sudueste en la formación inferior a continación de capuzamientos de bels 5º en la formación miocena a causa d'una discordancia progresiva.[2] Estos capuzamientos permiten la formación de cuestas.[3]
Vechetación
editarLa vechetación natural ye de caixigars de Quercus pyrenaica y Quercus faginea, buena part d'ellos substituitos por pinars de Pinus pinaster y Pinus sylvestris. Tamién bi ha sabinars de Juniperus phoenicea. Arredol de las tres lagunas bi ha chuncars y fraixinals. En la laguna d'en Medio bi ha una representación d'Elatine hexandra, planta acuatica escasa y amenazada.
Feguras de protección
editarLas versants sudoccidentals de la sierra son protechidas adintro de lo Puesto d'Importancia Comunitaria dito sierra de Fuent Frida, que se prolonga enta lo norueste por la comarca de Xiloca.
Referencias
editar- ↑ (es) José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000. ISBN 84-86982-97-9. pp 165-166.
- ↑ 2,0 2,1 (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. p. 32, p. 77, p 96-97.
- ↑ 3,0 3,1 (es) María Teresa Echeverría Arnedo: El valle del río Aguasvivas. Estudio geomorfológico. Geographicalia, 19-20, 1984. pp 26-26.
- ↑ (es) Instituto Geológico y Minero de España: Mapa Geológico de España E 1:50.000. Segura de los Baños. Servicio de publicaciones de Ministerio de Industria y Energía, 1977.
Bibliografía
editar- (es) María Teresa Echeverría Arnedo: El valle del río Aguasvivas. Estudio geomorfológico. Geographicalia, 19-20, 1984.
- (es) Eduardo Viñuales Cobos (coordinador): Red natural de Aragón. nº 30, Cuencas Mineras Prames, 2010.
- (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984.
- (es) José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000.
- (es) Instituto Geológico y Minero de España: Mapa Geológico de España E 1:50.000. Segura de los Baños. Servicio de publicaciones de Ministerio de Industria y Energía, 1977.
Datos: Q65394260
