Monts Universals (muelas)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo tracta sobre los Monts Universals como la zona de muelas de lo sud de la Serranía d'Albarracín. Pa atros emplegos vaiga a Monts Universals.

Los Monts Universals son unos releus de la Serranía d'Albarracín constituitos sobre tot por unas muelas aliniadas en dirección norueste-sud-este y situadas a lo sud de unas parameras d'esta serranía, y a lo nord-este d'una fondada que s'ha feito en lo sinclinal de l'Alto Tacho-Val de Cabriuel.

Monts Universals Montes Universales
Guadalaviar, dezaga se veye los Monts Universals
Cheografía
Cordelera	{{{cordelera}}}
Sector	{{{sector}}}
{{{tpran}}}	{{{ran}}}
Maxima altaria	1.830 m
Cimas importants
Largaria
Amplaria
Superficie
Vértiz cheodesico
Subsistemas
Administración
Estau
País	Aragón País Valenciano
Comarca	Sierra d'Albarracín Rincón d'Ademuz
Cheolochía
Edat	Mesozoica
Materials
Tipo	{{{tipo}}}
Mapa

Toponimia

L'oronimo Montes Universales y las suyas variants son aplicadas por autors de diferents disciplinas d'una traza diferent.

Lo primer significau estió churidico y no orografico, dicindo-se con Sierras Universales, Universidad de Albarracín, Sierras y Montes Universales u Las Universidades de la ciudad y comunidad de Santa María de Albarracín un conchunto de monts u terrenos de pastura y selvas que perteneixeban a la Comunidat d'Albarracín como una universitas y no a una villa en concreto. Por extensión pasó a dicir a toda la comunidat.

L'orichen d'este rechimen de condominio se remonta a un privilechio atorgau por Carlos II lo 27 d'agosto de 1689 que concedió a las aldeyas de la Comunidat d'Albarracín constituir cadaguna d'ellas lo suyo gubierno civil y municipal. Pa facilitar la execución d'este privilechio lo 15 de mayo de 1691 s'atorgó escritura de concordia entre la comunidat d'aldeyas y la ciudat d'Albarracín. Se convinió que los terrenos que no perteneixerían a los termins de garra aldeya y que yeran arredol de cada termin seguisen comuns y con lo nombre de Sierras Universales, con churisdicción conchunta y con un uso común.

En los sieglos XVIII y XIX se feba servir la denominación de Sierra Universal, que ye la que Isidoro de Antillón y Marzo transmitió en la suya descripción de la redolada d'Albarracin:

Los votos de este inmortal naturalista parece se verificaron en parte en el año de 1780 o cerca de él, con el hecho siguiente. En Sierra Universal de la Comunidad de Albarracín, por la parte de su mediodía, donde parte límites con la de Teruel, al oeste de esta ciudad, a las faldas de un collado que sirve de basa al cerro llamado de la Águila, se descubrieron por una casualidad robustos crestones de cobre por don Bernardo Bordas,

Toril apenas consta de 26 vecinos. El producto de los frutos que se cultivan asciende a 2.000 fanegadas de mal trigo, ni ofrece disposición para otros. No disfruta término propio. La cría de animales útiles se reduce a 1.500 cabezas lanares, mantenidas en sierra universal. Ni su clima ni su situación convidan al viajero a detenerse.

Bi ha cheografos que dicen Montes Universales a toda la comarca que huei oficialment ye Sierra d'Albarracín. Cualques mapas y cheografos reservan la denominación de Montes Universales a las muelas y releus que mugan con la Serranía de Cuenca. Bel texto lo explica por la divisoria d'auguas que bi ha.

Situación

A lo nord-este ye cerca de la Sierra d'el Tremedal y a lo sudueste, de la Serranía de Cuenca; a l'este la suya marguin oriental ye en contacto con la fuesa de Teruel. Las zagueras estribacions enta lo sud-este plegan dica lo Rincón d'Ademuz con la Cruz de los Tres Reinos (1.555 m).

Principals altarias

Las principals altarias son la Muela de Sant Chuan (1.830 m), la Muela de Moscardón, la Muela de Saldón, la Muela de Val de Cuenca, la Muela de Fridas y la Sierra de Chabalón (1.692 m).

Lo cabalto d'estas muelas ye relacionau con antigas superficies d'erosión finiterciarias de la Cordelera Iberica y se situa en altarias entre los 1.600 y los 1.935 metros d'altaria, correspondendo l'altaria mes gran a la Muela de Sant Chuan.

Hidrografía

Naixedero de lo Guadalaviar.

En los Monts Universals ye la muga entre la "versant atlantica" y la "versant mediterrania", naixendo-ie los ríos Tacho, Cabriuel y Guadalaviar, y cerca lo río Xúcar.

Cheolochía

Los suyos materials son d'edat mesozoica. Son los mesmos materials mesozoicos que rodeyan a los materials paleozoicos de la Sierra d'Albarracín que bi ha a lo norte.

Cheomorfolochía

Las muelas de los Monts Universals son una serie de sinclinals pendius tabulars que fuoron afectaus por la formación de las superficies d'erosión finiterciarias por lo que tienen forma de plataforma u muela. Los suyos cinglos mes alteros son de lo Cretacio superior (Muela de Sant Chuan, de Moscardón, de Saldón, de Val de Cuenca y de Chabalón), fueras de la Muela de Fridas, con cinglos d'edat churasica.

En lo plan de la Muela de Sant Chuan ye una muestra de la superficie d'erosión intramiocena, y devez la Muela de Sant Chuan representaba a zaguers de lo terciario un releu residual adintro de la superficie d'erosión fundamental de la Cordelera Iberica.

La solifluxión ye activa en las versants de lo cabalto de las vals de Tacho y Cabriuel y en la Muela de Sant Chuan.

Bibliografía

• (es) J. Vilá Valentí, Lluís Solé Sabarís, Manuel Terán: Geografía general de Espanya. Ariel Geografía. 1194.
• (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995.

• Datos: Q3054063
• Multimedia: Montes Universales / Q3054063