Vértiz cheodesico

Translate icon.svg Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Un vértiz cheodesico u tamién conoixiu como pilón ye un sinyal que indica una posición exacta y que fa parti d'un rete de trianglos con atros vertices cheodesicos.

Vértiz cheodesico en a cima d'a punta Maz
Detalle d'a inscripción d'un vértiz cheodesico

En Espanya gosan estar formaus por un celindro de 120 centimetros d'altaria y 30 de diametro, refirmaus en una base cubica de formigón, tot pintau de blanco. Por un regular, se troban en puestos altos y con buenas anvistas ta poder alufrar atros puntos, ye por ixo que gosa haber-ie unas buenas panoramicas dende ells.

O rete espanyol de vertices cheodesicos se divide en tres categorías: de primer, de segundo y de tercer orden. A de primer orden ye formada por trianglos de costaus entre 30 y 70 kilometros. En a de segundo orden, refirmada en a de primer orden, os costaus d'os trianglos varían entre os 10 y os 25 kilometros. O rete de tercer orden tien costaus de 5 a 10 kilometros. Totz os vertices d'os retz mas grans son a la vegada vertices d'os mas chicotz.

Bells eixemplos de vertices cheodesicos se troban en a tuca d'Aneto u a seu d'Ibercaja en Zaragoza.

Se veiga tamiénEditar

Vinclos externosEditar