Sierra de las Rodanas
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
La sierra de las Rodanas (Les Rodanes en catalán) ye un conchunto de cabezos que prolongan lo Sistema Iberico en bel meyo de lo plan de Cuart, en lo termin municipal de Villamarchent (País Valenciano).
| Sierra de las Rodanas Les Rodanes | |
|---|---|
 | |
| Cheografía | |
| Cordelera | Sistema Iberico |
| Sector | |
| ' | |
| Maxima altaria | 345 m |
| Cimas importants | Rodana Gran |
| Largaria | 10 km |
| Amplaria | |
| Superficie | |
| Vértiz cheodesico | |
| Subsistemas | |
| Administración | |
| Estau | Espanya |
| País | .svg){kind=small} País Valenciano
|
| comarca | Campo de Turia |
| Cheolochía | |
| Edat | Triasico |
| Materials | rodeno |
| Tipo | orochenia alpina
|
Toponimia
editarL'oronimo las Rodanas presenta la forma paralela les Rodanes en catalán y deriva de lo mozarabe rodeno, palabra que conservó l'aragonés teruelano y tamién lo de las de las comarcas churras, d'astí que se trobe muito como formant de microtoponimos en la provincia de Teruel y en las comarcas interiors de Castellón y Valencia. Lo rodeno en esta sierra se refiere a los materials terrichenos royos de facies Buntsandstein de lo Triasico inferior igual como en las sierras d'Albarracín y d'Espadán. La forma Rodanas en cuenta de Rodenas representa l'adaptación fonetica a la luenga de los repobladors catalans y aragoneses no teruelanos (en Epila bi ha uns monts ditos "Rodanas", de la sierra de Nava Alta).
Cheolochía
editarEn una zona con predominio de calsineras y dolomías churasicas y cretacias, la sierra de las Rodanas ye un de los pocos puestos de la redolada a on que aflora lo rodeno de facies Bundsandstein (gres roig en valenciano), lo que permite la formación de suelos silicios. Bi ha tamién 11 cuevas y simas.
Feguras de protección
editarLas Rodanas han estau protechidas con la fegura de "Parache Natural Municipal" por acuerdo de la Cheneralidat Valenciana lo 8 de febrero de 2002.
Incluye la valura d'estar la masa vechetal millor conservada de lo entorno metropolitano de Valencia, razón por la que s'incluye en lo Parque Natural de Guadalaviar.
Vechetación y flora
editarBi ha 170 taxons distribuitos en diferents asociacions vechetals, con representación de plantas silicicolas poco frecuents en la redolada. La deforestación de la selva mediterrania ha permeso la expansión de formacions d'estepas (Cistus monspeliensis y Cistus salviifolius).
Fauna
editarS'observa la presencia de 50 especies d'aus y de 15 de mamiferos. Entre las aus destaca lo esparvero común (Buteo buteo), lo xoriguer (Falco tinnunculus), la choliba (Tyto alba), lo crabero (Otus scops) y lo mochuel (Athene noctua). Entre los mamifers destaca la paniquesa (Mustela nivalis), la rabosa (Vulpes vulpes) y lo chabalín (Sus scrofa).
Accesos
editarLas Rodanas tienen una serie d'accesos en arredol d'ellas. Los principals accesos son lo de lo barranco de Porchinos, (partindo de la carretera entre Ribarroya y Villamarchent en dirección Sud), y lo de lo cimenterio de Villamarchent, los dos en lo norte. Tamién se i puede acceder dende la urbanización villamarchantera Mont Forquera y dende Chest.
Referencias
editar
Datos: Q5561345
Multimedia: Les Rodanes / Q5561345
