Sierra de Penyagolosa
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
La sierra de Penyagolosa ye una aliniación montanyosa de lo Sistema Iberico que fa part de la branca levantina[1] y de la unidat morfoestructural dita "Serranías de Gúdar".[2] Ye situada entre los termins municipals de Villafermosa, Vistabella y Chodos. La principal cima ye lo puntal de Penyagolosa (1.813 m), seguida de lo tozal de Fraga (1.709 m).
| Sierra de Penyagolosa | |
|---|---|
 | |
| Cheografía | |
| Cordelera | Sistema Iberico |
| Sector | {{{sector}}} |
| {{{tpran}}} | {{{ran}}} |
| Maxima altaria | 1.813 m |
| Cimas importants | Penyagolosa |
| Largaria | |
| Amplaria | |
| Superficie | |
| Vértiz cheodesico | |
| Subsistemas | {{{subsistemas}}} |
| Administración | |
| Estau | |
| País | .svg){kind=small}
|
| Comarca | Alcalatén |
| Cheolochía | |
| Edat | Cretacio |
| Materials | calsineras. |
| Tipo | {{{tipo}}}
|
Toponimia
editarL'oronimo sierra de Penyagolosa fa referencia a la celebre punta de 1.813 m, y tiende a substituir-se sierra por macizo.
Cheolochía
editarLa sierra de Penyagolosa ye en la unidat morfoestructural dita Serranías de Gúdar,[2] representando lo suyo cabo meridional en la provincia de Castellón, en contacto con materials triasicos d'atra unidat.[3]
La sierra de Penyagolosa ye un releu estructural creyau un en plego sinclinal amplo que ha perdiu por erosión la mes gran part de los estratos de calsinera cretacia de lo suyo flanco meridional, que se presenta topograficament prou horizontal dica plegar dica lo cabaixo de Penyagolosa.[3] Antes de formar-se las serranías de Gúdar por un abombamiento centrau en la sierra de Mont Negro, la Penya Golosa representaba ya un releu residual en la superficie d'erosión fundamental de la Cordelera Iberica de zaguers de lo Terciario.[2]
Fauna y flora
editarLa vechetación ye principalment pinars que no son que una continación de los pinars de la sierra de Gúdar teruelana. Lo barranc de la Pegunta ye una microreserva botanica y existe un itinerario senyalizau con los nombres de las especies. Cerca de la Penyagolosa, por lo camín de Puerto Mingalvo, bi ha una selva de lo caixigo Quercus pyrenaica, la sola de Castellón. Bi ha presencia d'especies de distribución eurosiberiana como Podarcis muralis. Tamién bi ha una población relicta de Salamandra salamandra, la sola de Castellón, a canto de la provincia de Teruel, a on que no bi n'ha garra cita confirmada. Por todas las suyas valuas naturals la Cheneralidat Valenciana lo declaró Parque Natural en 2006.
Curiosidaz
editarLa sierra de Penyagolosa fa de muga entre L'Alto Millars y L'Alcalatén, y por tanto como Turbón fa de muga lingüistica, n'este caso entre lo catalán a lo norte y lo castellano churro a lo sud (antigament entre lo catalán y l'aragonés).
Cerca de la cima ye la ermita y antigo monesterio de Sant Chuan de Penyagolosa, puesto de pelegrinache pa los pelegrins de Las Useras. L'abundant turismo que recibe los cabos de semana ye atra traza de pelegrinache.
Referencias
editar- ↑ (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995, p 143.
- ↑ 2,0 2,1 2,2 (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. p 81-91.
- ↑ 3,0 3,1 José Quereda Sala: Geomorfología, publicau en lo libro La provincia de Castellón de la Plana, tierras y gentes. Caja de Ahorros y Monte de Piedad de Castellón, 1985. pp 24-25.
Bibliografía
editar- (es) Eduardo Viñuales Cobos (coordinador): Red natural de Aragón. nº 9, Gúdar-Javalambre Prames, 2006.
- (es) José Quereda Sala: Geomorfología, publicau en lo libro La provincia de Castellón de la Plana, tierras y gentes. Caja de Ahorros y Monte de Piedad de Castellón, 1985.
- (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984.
Vinclos externos
editar- (ca)/(es)/(en) Información de lo Parque Natural del Penyagolosa.
Datos: Q65398284
