Sierra de Caroch
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
La sierra de Caroch (sierra de Caroche en castellano), ye un releu de la branca castellana de lo Sistema Iberico[1] y representa la zaguera aliniación montanyosa en lo sud d'este sistema, trobando-se chusto a lo norte de lo Sistema Betico.
| Sierra de Caroch Sierra de Caroche | |
|---|---|
 | |
| Cheografía | |
| Cordelera | Sistema Iberico |
| Sector | |
| ' | |
| Maxima altaria | Caroch (1.126 m) |
| Cimas importants | Muela de l'Albéitar, muela de Cortes, muela de Xalanz. |
| Largaria | |
| Amplaria | |
| Superficie | |
| Vértiz cheodesico | |
| Subsistemas | |
| Administración | |
| Estau | Espanya |
| País | .svg){kind=small} País Valenciano Castiella
|
| comarca | Val d'Ayora Canal de Navarrés Corredor d'Almansa |
| Cheolochía | |
| Edat | Cretacio |
| Materials | Calsineras |
| Tipo | orochenia alpina
|
Se situa entre las comarcas de la Val d'Ayora y la Canal de Navarrés (País Valenciano), con una chica representación en la provincia d'Albacet cerca d'Almansa. La superficie d'esta sierra perteneixe principalment a los termins municipals de Cofrentes, Cortes de Pallars, Millars, Bicorp, Quesa, Navarrés, Bolbait, Chella y Anna.
Toponimia
editarL'oronimo sierra de Caroch ye interpretau por Joan Coromines a partir de CARIUM RUBEUM ("penya roya", "roca roya"). Buena part de la sierra de Caroch ye karstificada y abunda lo suelo royo dito terra rossa u "archila de descalcificación"[2]. La radiz *CARIUM ye una parola prerromana hipotetica que se retroba en oronimos de Catalunya (Mont Caro) y mesmo de los Alpes. D'estar cierta esta hipotesis este toponimo presentaría fonetica catalana (en esta luenga s'escribe Caroig), y la forma Caroche que se fa servir actualment sería una castellanización con vocal de refirme. En ambients academicos ye calificada de macizo (Macizo del Carroche/Massís del Carroig).
Orografía
editarLas principals altarias de la sierra son Caroch (1.126 m), la muela de l'Albéitar, la muela de Cortes, la muela de Xalanz y la muela de Bicorp.
Cheomorfolochía
editarLa sierra de Caroch ye una gran plataforma estructural calsinosa formada por una asociación de muelas y releus tabulars de calsineras d'edat cretacia[1]. La erosión fluvial producida por ríos como lo Xúcar, Escalona, Sellent, Cantaban y Canyoles ha creyau foces y congustros entre ixas muelas.
Referencias
editar- ↑ 1,0 1,1 (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995, p 175.
- ↑ (es) Joan Carles Membrado Tena: Toponimia Sucronense en Valencia. Biblio 3W. Revista bibliográfica de Geografía y Ciencias Sociales. Universidat de Barcelona. ISSN: 1138-9796. Depósito Legal: B. 21.742-98. Vol. XVII, nº 999, 5 de noviembre de 2012.
Bibliografía
editar- (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995.
Datos: Q9026520
