Sierra d'Arcos
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Sierra d'Arcos | |
|---|---|
| Cheografía | |
| Cordelera | {{{cordelera}}} |
| Sector | {{{sector}}} |
| {{{tpran}}} | {{{ran}}} |
| Maxima altaria | 987 m, Las Cucutas |
| Cimas importants | |
| Largaria | |
| Amplaria | |
| Superficie | |
| Vértiz cheodesico | |
| Subsistemas | |
| Administración | |
| Estau | |
| País |  Aragón
|
| Comarca | Andorra-Sierra d'Arcos |
| Cheolochía | |
| Edat | Churasico |
| Materials | Piedras calsineras |
| Tipo | Orochenesi |
  | |
La sierra d'Arcos ye una aliniación montanyosa de dirección norueste-sudeste que fa part de la unidat morfoestructural "serranías marguinals" de lo Sistema Iberico, en contacto con la depresión d'Ebro.
Altarias
editarL'altaria mas grán ye Las Cucutas, con 987 m, dencima de un semontano de 450–500 m: los plans de Chumilla y d'Albalat, ya en la depresión d'Ebro.
Toponimia
editarLo concepto de sierra d'Arcos puede estar mes restrictivo u mes amplo. En sentiu amplo puede fer-se servir pa nombrar una aliniación de materials mesozoicos plegaus a lo sud de la depresión d'Ebro y a lo norte de la fondada d'Alloza y las depresions d'Alacón-Oliet y Arinyo-Andorra, con tres sectors. Lo sector oriental va dende La Cerrada d'Andorra dica La Tajonera y El Saso, lo sector occidental va dende El Puerto dica Arinyo, y lo sector central ye entre meyo a lo norte de la val d'Arinyo.[1]
En sentiu restreito la sierra d'Arcos no sería que lo sector central, excluyindo-se los sectors oriental y occidental como de feito se puede notar en la microtoponimia y en la bibliografía.
a) En la redolada bi ha una denominación tradicional con categoría de sierra pa la cantera d'el Saso. En l'ambient académico, José Luis Peña Monné considera que a l'este de la sierra d'Arcos lo frent serrán en contacto con la depresión d'Ebro no corresponde ya a la mesma deformación y ye dividiu en una serie de macizos chicos (La Cerrada, Horca Llana, Saso y Calanda).[2]
b) En Arinyo no se denomina sierra d'Arcos que a lo sector central, excluyindo de tot lo sector occidental, que se situa en la marguin ezquierda de Martín dende La Talaya dica la virchen d'Arcos, y dende Arinyo dica El Puerto, que da nombre a tot esta sector.[1] En Albalat de l'Arcebispe tamién distinguen entre una sierra d'Arcos en la marguin dreita de lo río Martín y un sector occidental en la marguin ezquierda que incluye Horta y Los Puertos, plegando este zaguero dica Cucutas.
Cheolochía estructural
editarLa sierra d'Arcos fa part de las sierras marguinals que bi ha a lo norte de la sierra de Mont Albán, en una zona a lo norte d'un cabalgamiento de l'arco Portalrubio-Beceit, (arco que a pesar de lo nombre que en realidat contina dica Vandellós),[3] que marca la transición entre lo Sistema Iberico y las Catalanides, representando adintro de las sierras marguinals un cabo en contacto con la depresión d'Ebro.
Lo contacto entre la sierra d'Arcos y la depresión d'Ebro presenta dos cabalgamientos succesivos en la cuenca de Martín: lo cabalgamiento principal de Virchen d'Arcos a lo sud, y lo cabalgamiento menor de Cabezo Negro a lo norte,[3] que incluye este cabezo y los de la Zarza, la Ginesta, los Eslabones, La Talaya, y la partida serrana d'Ortas.
Los materials predominants son calsineras churasicas deformadas en un plego anticlinal disimetrico, fallau y verchent enta lo nord-este. En la versant sud de la sierra bi ha chacimientos de lignito de lo Cretacio. La diferencia entre los materials cretacios a lo norte y lo sud de lo cabalgamiento de la virchen d'Arcos permite deducir que esta estructura cheolochica estió primero una falla normal de la marguin norte de la cuenca d'Oliet y que dimpués en lo Paleocheno una tectonica compresiva levantó los materials sedimentaus de la cuenca d'Oliet y reactivoron la falla como cabalgamiento.[3]
Cheomorfolochía
editarLo modelau cheomorfolochico predominant ye lo releu estructural en cuestas correspondients a los costaus meridionals de los plegos anticlinals verchents enta lo norte. Como estos plegos son formaus por calsineras churasicas masivas las cuestas no tienen un frent guaire definiu.[2]
La superficie d'erosión fundamental se formó en lo Mioceno superior sobre los materials churasicos de Las Cucutas-Agudo a unas altarias entre los 850 y 900 m d'altaria, y d'una traza menor y discontinua en lo sector Fuent Celada-Fineruelo entre los 820 y 835 m d'altaria y El Cerero entre los 835 y los 850 m.[2]
Lo río Martín talla una estreita foz en la sierra entre Arinyo y Albalat de l'Arcebispe, que nomás ye un poquet ampla en los chesos y salagons de lo Triasico superior, (facies Keuper).
Referencias
editar- ↑ 1,0 1,1 (es) Juan Leal Pérez-Chao: El paisaje y los ecosistemas de la comarca. Publicau en Comarca de Andorra-Sierra de Arcos, Colección territorio, nº 31. Gubierno d'Aragón, Departamento de Politica Territorial, Chusticia y Interior, 2018. pp 52-53.
- ↑ 2,0 2,1 2,2 (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. pp 100-104.
- ↑ 3,0 3,1 3,2 (es) Marcos Aurell Cardona, Beatriz Bádenas, Antonio Casas Sainz, Santiago Alberto Moralejo: La geología del Parque Cultural del río Martín. Colección Parque Cultural del río Martín. Zaragoza, 2011. p 64, pp 72-73, p 160.
Bibliografía
editar- (es) Eduardo Viñuales Cobos (coordinador): Red natural de Aragón. nº 23, Andorra-Sierra de Arcos. Prames, 2008.
- (es) Eduardo Viñuales Cobos (coordinador): Red natural de Aragón. nº 30, Cuencas Mineras. Prames, 2010.
- (es) María Blasco Lázaro: Red natural de Aragón. nº 6, Campo de Belchite. Prames, 2006.
- (es) Instituto Geológico y Minero de España: Libro Jubilar J.M.Rios. Geología de España Tomo I. Instituto Geológico y Minero de España, 1983.
- (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984.
- (es) José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000.
- (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984.
- (es) Marcos Aurell Cardona, Beatriz Bádenas, Antonio Casas Sainz, Santiago Alberto Moralejo: La geología del Parque Cultural del río Martín. Colección Parque Cultural del río Martín. Zaragoza, 2011.
- (es) J. Vilá Valentí, Lluís Solé Sabarís, Manuel Terán: Geografía general de Espanya. Ariel Geografía. 1194.
- (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995.
Se veiga tamién
editar
| Sierra d'Arcos | |
|---|---|
| Cimas: La Talaya | Cabezo Negro | El Cerero | La Cerrada | Las Coronas | Las Cucutas | Cuerno de Escoz | Fineruelo | Eslabones | Fuent Celada | La Ginesta | Horca Llana | Servial | La Tajonera | La Zarza Lomas y sarraus: Escoz |
Datos: Q9077090
Multimedia: Sierra de Arcos / Q9077090
