Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Sierra de Mora
Cheografía
Cordelera Sistema Iberico
Sector {{{sector}}}
{{{tpran}}} {{{ran}}}
Maxima altaria 1.692 m
Cimas importants
Largaria
Amplaria
Superficie
Vértiz cheodesico
Subsistemas {{{subsistemas}}}
Administración
Estau
País Aragón
Comarca Gúdar-Chabalambre
Cheolochía
Edat Cretacio
Materials Rocas sedimentarias, sobre tot calsineras.
Tipo {{{tipo}}}
Mapa

La sierra de Mora ye aliniación montanyosa de lo Sistema Iberico que fa part de la branca levantina y de la unidat morfoestructural dita "Serranías de Gúdar".[1]

La superficie de la sierra de Mora perteneixe a los termins municipals de Mora de Rubielos y Alcalá de la Selva (Gúdar-Chabalambre).

Altarias editar

Las principals cimas de 1.692 m y 1.673 m no tienen indicación d'oronimo en los mapas topograficos y se presentan entre los paraches artiga del Ajo, artiga de los Trompos y Varizal de Picharque, seguidas d'atras sin indicación d'oronimo. Tienen indicación d'oronimo la loma del Villarejo (1.649 m), La Olmediella (1.641 m), la loma de la Cremadilla (1.625-1.606 m), l'alto de la Nava (1.559 n), la penya de Ramiro (1.489 m) y lo mollón Blanco (1.378 m).

Las altarias de bels 1640-1670 presentan prou continuidat enta lo sudeste con l'alto d'el Chaparroso, que se considera como part de la sierra de Nogueruelas.[2] Manimenos, l'alto d'el Chaparroso, Bandera (1.808 m) y cerro de las Tres Cruces (1.712 m) tienen menor continuidat con las principals altarias de la sierra de Nogueruelas que con las altarias de la sierra de Mora a l'ueste de lo collau del Pradillo.

Toponimia editar

L'oronimo sierra de Mora s'emplegaba regularment a primers y a mitat de lo sieglo XX,[3] documentando-se en tiempos de la Guerra Civil Espanyola y de los maquis.

A primers de lo sieglo XXI encara da nombre a un secadero de pernils fundau en 1994, manimenos en las descripcions cheograficas locals de zaguers de lo sieglo XX l'oronimo sierra de Mora cuasi no ye present y ha iu cayendo en desuso a favor de l'oronimo sierra de Gúdar emplegau en sentiu amplo pa nombrar a buena part de las serranías de Gúdar. Devez, en estas descripcions cheograficas y mapas locals encara s'han manteniu los nombres de las sierras que fan part de la mesma subunidat adintro de la serranía: sierra de Nogueruelas a lo sudeste de la sierra de Mora y sierra d'el Chaparral a lo norueste de lo río d'Alcalá.

Hidrografía editar

La vertient nord-este desaugua enta lo río d'Alcalá, de fueras d'un sector baixo lo collado del Pradillo que lo fa enta lo barranco d'el Becerril, tributario de lo río Paulella. La versant sudueste lo fa enta los barrancos de la Olmediella, de Fuent de Narices y de Fuent Lozana, tributarios de lo río de Mora.

Cheolochía editar

La sierra de Mora representa la marguin meridional de las sierras de la unidat morfoestructural "Serranías de Gúdar" chunto con la sierra d'el Chaparral a lo norueste y la sierra de Nogueruelas, l'alto d'el Royal y la sierra de Férriz enta lo sudeste, en una aliniación WNW-ESE. Este conchunto de sierras y alters presentan modelaus estructurals a sobén en cuesta definius por la resistencia de las calsineras aptianas, que forman cinglos sobre los materials tobos de facies Weald.[2]

Referencias editar

  1. (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. p 81-91.
  2. 2,0 2,1 (es) José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000. pp 105-106.
  3. (es) Real Academia de Ciencias y Artes de Barcelona: Memorias de la Real Academia de Ciencias Naturales y Artes de Barcelona. Editor: Sobrinos de López Robert, 1926. p. 243, p. 268, p. 274

Bibliografía editar



Sierras d'os sectors este y nord-este d'o Sistema Iberico
Alcora - Alcublas - Almanariella - Arca - Arcos - Batalla - Benifazán - Bertolines - Blanca - Bordón - Brusca - Caballos - Cabezo - Cabezos - Caldera - Calderona - Camarena - Cantera d'el Pinar - Cantera d'el Saso - Canyada - Carrascosa - Cavaller - Chabalambre - Chaparral - Chinebrosa - Celler - Corbalán - Corral Nou - Cortes - Costera - Creu - Cueva Santa - Defesas - Desert de les Balmes - Escoriuela - Espadán - Espadella - Esparreguera - Exulve - Férriz - Galceran - Galga - Garrocha - Gorda - Gúdar (Molatiellas · Mont Negro) - Lastra - Marondes - Matanza - Matanzas - Mayabona - Molinera - Montanyas de Cervera - Montordí - Ovellera - Monts de Pinar Ciego - Monegrell - Mora - Moros - Muelas de Chert - Nogueruelas - Palomita - Paúls - Pedreras - Pedrizas - Penyagolosa - Penyas Blancas - Perenchisa - Pina - Pinarhueco - Puertos de Moriella - Puertos de Tortosa-Bezeit (Albardes - Aragonesos - Caro - En Canader · Refalgarí - Sant Cristòfol) - Irta - Rayo - Rocha de las Defesas - Rodanas - Sant Chust - Sant Pere - Santa Barbara - Santa Barbara - Savinassos - Sinyor - Segures - Solana - Sollavientos (Monts de Tarrascón) - Talaya - Talayas d'Alcalá - Tajos - Toro - Tortallada - Turmell - Umbrías - Vall d'Àngel - Vallivana - Vellida - Villarroya - Zancado