Abrir menú principal
Nummulites, un chenero de fósils guía de lo Eoceno.

Lo Eoceno abarca dende fa bells 56 millons d'anyos dica fa bells 34 (55.8±0.2 a 33.9±0.1 Ma), y ye la segunda epoca de lo periodo Paleocheno, precediu por lo Paleoceno y succediu por l'Oligoceno, totz en la Era Cenozoica. En tierra firme representa lo tiempo entre l'aparicion de faunas de grans mamiferos y la grande coupture, primera gran extinción que afecta a ista clase d'organismos.

LitoestratigrafíaEditar

Las rocas eocenicas mas caracteristicas son en facies neriticas las calsineras nummuliticas y las d'alveolinas. En las zonas "cheosinclinals" predominan las formacions de flysch.

Las facies continentals mas abundants son los almendrons, las arenitas y los sallagons con cheso.

PaleocheografíaEditar

A la fin de lo Eoceno se produció una fase de deformación en los Alpes que segurament fació que se crebase la circulación entre la Mar de Tethys y l'Atlantico, lo que contribuiría refridar lo clima.

PaleoclimatolochíaEditar

Fa 40 Ma se rechistran las primeras corrients de fondón en l'Antartida. Fa 35 Ma se rechistran las primeras cheleras en l'Antartida Oriental. Los ocians s'enfrían de sopetón, (bells 4 °C). En los continents septentrionals apareix un clima estacional.

Actividat orochenicaEditar

Se produció una gran actividat magmatica, y en son eixemplos los batolitos de Nuevo Mexico y los Andes meridionals, los basaltos de la India y las andesitas de los Carpatos.

Biosfera eocenaEditar

En las plataformas continentals abundan los Nummulites. En medios continentals destacan los mamiferos. Bi ha una radiación de primates.

A la fin de lo Eoceno se produce una extinción masiva conoixida como la grande coupture, que beluns relacionan con un cambio climatico (baixada de la temperatura en las mars de 4 °C), y atros con una colisión d'un asteroide (anomalía de siderofilos acompanyada por esferulas de diferents midas), y mesmo con erupcions fisurals en l'ueste de Norteamerica. Esta extinción afectó muito a los mamiferos grans, y la distribución de continents contribuyó muito, por no haber-ie comunicación terrestre directa entre los continents septentrionals y los meridionals, lo que fació que muitas especies no podesen trobar refuchio en zonas mes calidas d'os continents meridionals.

BibliografíaEditar