Sierra de Sant Chust

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

La sierra de Sant Chust ye una aliniación montanyosa de la branca levantina[1] de lo Sistema Iberico que forma con atras sierras la unidat morfoestructural dita "serranías de Sant Chust-Castellot".[2]

Sierra de Sant Chust
Cheografía
Cordelera {{{cordelera}}}
Sector {{{sector}}}
{{{tpran}}} {{{ran}}}
Maxima altaria 1.547 m
Cimas importants Trinidat.
Largaria
Amplaria
Superficie
Vértiz cheodesico
Subsistemas
Administración
Estau
País Aragón
'
Cheolochía
Edat
Materials
Tipo Orochenesi
Mapa

Ye situada a l'este de la sierra de la Costera, a l'ueste de los monts Majalinos, a lo norte de las serranías de Gudar y la Val d'Exarc, y a lo sud de la sierra de Mont Albán y la fondada de Martín-Cabra (depresión de Calatayú y Mont Albán).

Altarias editar

La principal altaria ye Trinidat con 1.547 m, seguida de Sant Chust (1.522 m),[3] Sant Eloi (1.512 m),[2] pico Viento (1.431 m), Abadía (1.422 m), y lo mollón de Marcuello.

Toponimia editar

En las versions latina y romanz de lo "Fuero de Teruel" se fa mención d'esta sierra y la suya redolada con la fin de precisar la muga de lo concello de Teruel con lo territorio enantes atorgau a Daroca, de que s'esgallaba. Los puntos nombraus gosan quedar fuera de lo territorio terolano con la preposición latina excluyent usque ad ("dica").[4]

Se fa una mención d'un sector d'esta sierra como sierra de Utrillis en la versión latina de lo "Fuero de Teruel".

...et per serram ad Pignam Corvi et per covas Sancti Dominici, que sunt nostre, sicul exiit ad Fontem Salicis et ad Villarem Rubeum et ad podium Petri Eximeni et ad Pignam de Cit, usque ad serram de Utrillis,...

En lo "fuero romanz de Teruel" se nombra como sierra de Utriellas:

...et por la sierra que ixe a la Penna del Cueruo, et por las Cueuas de Sancto Domjngo, que son nuestras, et assin como ixe a la Fuent del Salce et al Ujllar Ruujo et al Poyo de Peydro Ximeno et a la Penna del Cit entroa la Sierra de Utriellas,...

En lo sieglo XVII bi ha una mención de João Batista Labanha en portugués como Serra de san Justo y Pastor en portugués:

De S.Justo, e Pastor. Esta serra fica emsima de Escucha, e pello pee de outras maes baxa...[5]

En bella publicación cheografica y militar de los sieglos XIX y XX se considera que esta sierra plega dica lo norte de la cuenca hidrografica d'Alfambra cerca de Galve,[6] lo que suposa incluyir-ie la part sudoccidental de la val d'Exarc, los altos d'el Zancado y lo plano Largo.

En ambient academico s'emplega lo termin sierra de Sant Chust pa nombrar en conchunto a esta sierra y a atras sierras de la redolada como la sierra d'Exulve, que son a la mesma altaria y con las que tiene cierta continuidat, estando sierra de Sant Chust la sola que se nombra en bel mapa.

Cheolochía editar

La sierra de Sant Chust fa part d'una lama cabalgant que tiene lo suyo frent en la muela de Mont Albán y que se desplazó bels 5 km enta lo Norte.[7]

Bi ha materials carbonataus d'edat cretacia erosionaus en lo mioceno veyendo-se-ie la superficie d'erosión fundamental que tien una continación con los plans de Campo de Visiedo, Altos d'el Zancado y Exulve, y que por ixo s'ha datau como de zaguers de lo Mioceno superior u Pontián.

En ixa sierra bi ha chacimientos de carbón lignito relacionaus sobretot con la Formación Escuita, que sedimentó en la fondada sedimentaria d'Aliaga-Utriellas en lo Cretacio.

Referencias editar

  1. (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995, p 143, p 161.
  2. 2,0 2,1 (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. p 91-95.
  3. (es) Eduardo Viñuales Cobos (coordinador): Red natural de Aragón. nº 30, Cuencas Mineras Prames, 2010. pp 146-147.
  4. (es) Antonio Gargallo Moya: El Concejo de Teruel en la Edad Media volumen I. Instituto de Estudios Turolenses, 1997, pp 90-91 y 219-220 isbn=84-86982-64-2. pp. 219-221.
  5. (pt) João Baptista Lavanha, Lupercio Leonardo de Argensola, Tomás Fermín de Lezaún y Tornos: Itinerario del reino de Aragón por don Juan Bautista Labaña. Establ. tipog. del Hospicio provincial, 1895.
  6. (es) Itinerario descriptivo militar de España: Formado y publicado por el Depósito de la Guerra, con los datos recogidos sobre el campo, Volumen 3. Editau por: Imprenta y Estereotipia de M. Rivadeneyra, impresor del Departamento y depósito de la Guerra, 1866, p 359.
  7. (es) José Luis Simón: Guía del Parque Geológico de Aliaga. Ayuntamiento de Aliaga, Departamento de Geología de la Universidad de Zaragoza, CEDEMATE, 1998. p 84.

Bibliografía editar


Sierras d'os sectors este y nord-este d'o Sistema Iberico
Alcora - Alcublas - Almanariella - Arca - Arcos - Batalla - Benifazán - Bertolines - Blanca - Bordón - Brusca - Caballos - Cabezo - Cabezos - Caldera - Calderona - Camarena - Cantera d'el Pinar - Cantera d'el Saso - Canyada - Carrascosa - Cavaller - Chabalambre - Chaparral - Chinebrosa - Celler - Corbalán - Corral Nou - Cortes - Costera - Creu - Cueva Santa - Defesas - Desert de les Balmes - Escoriuela - Espadán - Espadella - Esparreguera - Exulve - Férriz - Galceran - Galga - Garrocha - Gorda - Gúdar (Molatiellas · Mont Negro) - Lastra - Marondes - Matanza - Matanzas - Mayabona - Molinera - Montanyas de Cervera - Montordí - Ovellera - Monts de Pinar Ciego - Monegrell - Mora - Moros - Muelas de Chert - Nogueruelas - Palomita - Paúls - Pedreras - Pedrizas - Penyagolosa - Penyas Blancas - Perenchisa - Pina - Pinarhueco - Puertos de Moriella - Puertos de Tortosa-Bezeit (Albardes - Aragonesos - Caro - En Canader · Refalgarí - Sant Cristòfol) - Irta - Rayo - Rocha de las Defesas - Rodanas - Sant Chust - Sant Pere - Santa Barbara - Santa Barbara - Savinassos - Sinyor - Segures - Solana - Sollavientos (Monts de Tarrascón) - Talaya - Talayas d'Alcalá - Tajos - Toro - Tortallada - Turmell - Umbrías - Vall d'Àngel - Vallivana - Vellida - Villarroya - Zancado