Pinar
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un pinar ye una formación vechetal de pins, tanto selvas naturals como plantacions (pinars de repoblación).
Etimolochía
editar
La palabra pinar ye un derivau de pin(o) por sufixación con -ar. Se documenta en aragonés medieval y en las parlas alto-aragonesas dende Ansó dica Benás.[1][2]
La toponimia alto-aragonesa amuestra una forma sufixada con -eta/-eda (Pineta, Pineda), que deriva de lo plural neutro PINETA de lo latín PINETUM, (que tamién tiene continación en lo microtoponimo benasquesa Pinedo).[2] D'haber existiu tals denominacions continadoras de las latinas en aragonés antigo, estas formas serían preliterarias y no s'emplegaban en la scripta aragonesa.
Pinars naturals
editar.JPG)
Bi ha pinars naturals que representan la vechetación climax y pinars que representan una vechetación secundaria de substitución d'atras formacions. Los incendios forestals frecuents pueden favoreixer los pinars debant de carrascals u caixigars.
En la depresión d'Ebro, Prepireneu y Sistema Iberico de clima mediterranio bi ha pinars mediterranios de pin borde (Pinus halepensis), que encara que sigan naturals han estau favoreixius por l'hombre a costa de los carrascals. En la cuenca de l'Aínsa bi ha pinars de pin borde en carasols de zonas submediterranias.
Los pinars de Pinus nigra son presents sobre suelos basicos en lo piso supramediterranio. Sobre suelos acidos u silicios de rodeno bi ha pinars de Pinus pinaster. A vegadas han estau favoreixius por l'hombre a costa de los caixigars.
En lo piso oromediterranio de lo Sistema Iberico bi ha pinars de pin royo Pinus sylvestris, que tamién se troba en lo piso montán de los Pireneus. En lo macizo de Chabalambre y en las serranías d'Albarracín y Gúdar bi ha (pinars de pin royo con sabina chaparra).
Los pinars de Pinus uncinata se troban en lo piso subalpín de los Pireneus y como relictos en lo piso oromediterranio de bella sierra de lo Sistema Iberico como la sierra de Mont Negro.
Pinars de repoblación
editar.jpg)
Como los pins son un árbol de creiximiento rapido, han estau emplegaus en repoblacions forestals. Los pinars de Venecia (Zaragoza), en son un eixemplo. Las repoblacions con pin pueden chenerar un impacto en lo suelo porque la suya follarasca ye acidificant.
Toponimia
editarSon toponimos y microtoponimos relacionaus con los pinars:
Referencias
editar- ↑ (es) Miguel Ánchel Barcos, El Aragonés Ansotano: estudio lingüístico de Ansó y Fago; Gara Edizions. Zaragoza, 2007, p 151.
- ↑ 2,0 2,1 (es) José Antonio Saura Rami: Elementos de fonética y morfosintaxis benasquesas, Zaragoza, Gara d'Edizions-Institución Fernando el Católico (2003). pp 307-313.
Datos: Q1740919
Multimedia: Pinus forests / Q1740919
