Castiella
- Iste articlo tracta sobre a rechión historica de Castiella. Ta atros emplegos se veiga Castiella (desambigación).
Castiella ye o nombre d'una rechión historica espanyola. Seguntes l'autor y a epoca, se considera formau por territorios diferents. A evolución historica fa encara mas imprecisos os suyos components: o Reino de Castiella estió en un primer inte un condau dependient d'o Reino de Leyón, dimpués se'n desalpartó, pa dimpués chuntar-sen os dos chunto a atros reinos formando a Corona de Castiella.
Cheografía
editar
Tradicionalment, s'ha considerau que Castiella sería formata por as antigas rechions de Castiella la Viella y Castiella la Nueva (dende lo sieglo XVI prencipian a apareixer os primers mapas a on s'emplega a denominación de Castiella la Nueva por o Reino de Toledo). Seguntes ista visión tradicional, Castiella correspondería a las siguients provincias actuals d'Espanya (dende o norte enta lo sud):
- Santander (actualment a comunidat autonoma de Cantabria).
- Burgos.
- Logronyo (actualment a comunidat autonoma de La Rioja).
- Soria.
- Segovia.
- Ávila.
- Valladolit.
- Palencia.
- Madrit.
- Guadalachara.
- Cuenca.
- Toledo.
- Ciudad Real.
Por criterios historicos, atros autors incluyen tamién Utiel y Requena (comarcas oficials de Val d'Ayora y Plana d'Utiel), actualment en Valencia y Plasencia (actualment en Cáceres), y a zona d'a Sierra de Béjar (Salamanca), toz éls territorios d'o reino medieval de Castiella.
Atros autors, como Anselmo Carretero u Manuel González Herrero, quitan d'a lista anterior:
- A Liebana.
- A mayor parti d'as provincias de Valladolit y Palencia, por haber feito parti ditos territorios d'o Reino de Leyón.
- As provincias de Toledo y Ciudad Real, que perteneixeban a o Reino de Toledo, y en as que se aplicaba un dreito romano-visigotico, alleno a la tradición legal de Castiella.
- As partis d'la provincia d'Albacet que no perteneixioron a Cuenca (parti d'a provincia d'Albacet yera incluyida en o Reino de Murcia, y atras partis yeran en as actuals provincias de Cuenca, Alicant y Ciudad Real).
