Portugal

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Portugal ye un país de l'Europa sudoccidental que fa parte d'a Unión Europea (UE) dende 1986, de Nacions Unidas dende a suya fundación en 1945, y tamién ye miembro fundador d'a OTAN y a OCDE. Ye amás miembro d'a Comunidat de Países de Luenga Portuguesa.

Republica Portuguesa República Portuguesa
(En detalle) (En detalle)
Lema nacional:
Himno nacional: A Portuguesa
Situación de Portugal
Capital  • Población	Lisbona 507.220
Mayor ciudat	Lisbona
Idiomas oficials	Portugués y mirandés
Forma de gubierno President Primer ministro	Republica Marcelo Rebelo de Sousa Vacant
Sobiranía Independencia	868, 1095 1128, 1143
Superficie  • Total  • % augua	Posición 109º 92.391 km² 0,5%
Población  • Total  • Densidat	Posición 75º ‭10.343.066(2021) 111,23 hab/km²
PIB (PPA)  • Total (2007)  • PIB per capita	Posición 35º US$ 219.542 millones $ 20.665
Moneda	Euro
Chentilicio	Portugués/a
Zona horaria  • en Verano	UTC1 UTC+11
Dominio d'Internet	.pt
Codigo telefonico	++351
Prefixo radiofonico
Codigo ISO
Miembro de: UE, OTAN, ONU, OCDE, OSCE
1 En as Azores, UTC-1 (UTC en verano).

O territorio d'o país s'estendilla por a frontera atlantica d'a Peninsula Iberica y muga a lo norte y a l'este con Espanya. Incluye tamién os archipelagos d'as Azores y de Madeira.

A suya población ye de 10.343.066 habitants (2021) en una superficie de 92.391 km², con una densidat de población de 114,92 hab/km².

A capital d'o país ye a suya ciudat mas poblada, Lisbona.

O país tien una luenga historia, y estió en os sieglos XV-XVI una d'as prencipals potencias europeas.

O president d'o país ye Marcelo Rebelo de Sousa y o puesto de primer ministro ye actualment vacant.

Etimolochía

A provincia romana de Lusitania yera gran parti de l'actual Portugal

A Lusitania prencipió a decir-se Portugal entre os anyos 930 y 950 dC; a fins d'o sieglo X o nombre ya s'emplegaba con mas frecuencia. Ferrando I de Castiella denominó oficialment o territorio de Portugal, o 1067, calendata en que li'n dió a lo suyo fillo Garcia I de Galicia. Cale, l'actual ciudat de Vila Nova de Gaia, ya yera conoixita como Portucale dende os tiempos d'os godos.

O nombre de Portugal, por tanto, se deriva d'o nombre romano d'ista ciudat Portus Cale; Cale yera o nombre d'un asentamiento primitivo localizato en a desembocadura d'o Duero, que desaugua en l'oceano Atlantico a lo norte d'o país. Mientres a Segunda Guerra Punica (a fins d'o sieglo III aC), os romanos dentroron en a peninsula en una batalla contra os cartachineses, conquerindo a ciudat de Cale, puerto d'orichen griego amán de l'actual Porto, y la baptizoron como Portus Cale. Mientres a Edat meya, a redolada de Cale fue conoixita, por os visigodos, como Portucale, o cual evolucionaría ta Portugale mientres os sieglos VIII y VIII.

Bels historiadors se piensan que a parola Cale se deriva d'o griego Kalles ("polito"), mientres que d'atros en dicen que deriva d'os pueblos galaicos que habitaban en a zona.

Historia

Ta más detalles, veyer l'articlo Historia de Portugalveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

A Revolución d'os Clavels

Ta más detalles, veyer l'articlo Revolución d'os Clavelsveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

O 25 d'abril de 1974 s'escaició la clamada Revolución d'os Clavels, consistent en una sublevación militar organizada por o Movimento das Forças Armadas (Movimiento d'as Fuerzas Armadas) que deponió a la dictadura de Marcello Caetano en o clamau Estado Novo, o rechimen dictatorial establiu por António de Oliveira Salazar en 1933. A sublevación, que estió pacifica y formada mas que mas por capitans de l'exercito portugués que heban combatiu en as guerras d'independencia colonials, entregó lo poder a una Chunta de Salvación Militar formada por un grupo de militars como rechimen transitorio en un proceso que remató con l'aprovación d'a Constitución portuguesa de 1976, aprobada simbolicament o 25 d'abril d'ixe anyo.

Cheografía fisica

Faro, capital de l'Algarve

Situato en o cabo sudueste d'Europa, o Portugal continental tien muga nomás con unatro Estato europeu: Espanya. O territorio continental ye dividito por o río prencipal, o Tacho. A rechión d'o norte ye mas montanyosa; bi ha altiplanos, intercalatos con arias que permiten o desembolique de l'agricultura. A lo sud, dica l'Algarve, o relieu se caracteriza por as planas y as sierras son esporadicas. Atros ríos importants son o Duero, o Minho, o Guadiana, que, como lo Tacho, naixen en Espanya. O Mondego, naixe en a Sierra da Estrela, a sierra a on que se troban os puntos mas altos d'o Portugal continental.

As islas de Azores son localizatas en o rift meyo de l'oceano Atlantico. Bi ha una gran actividat volcanica en ista zona. O punto mas alto de Portugal, o Monte Pico, se troba localizato en a isla d'o Pico, con 2.351 metros d'altaria. As islas d'a Rechión autonoma de Madeira, d'atra man, son situatas en a placa africana. Por a suya situación d'estabilidat, ye una zona con menos actividat sismica. O punto mas alto d'iste territorio ye o Pico Ruivo, con 1.862 metros d'altaria.

En o Portugal continental, as temperaturas meyanas anyals son de 13 °C a lo norte y de 18 °C a lo sud. As islas de Madeira y as Azores, debito a la suya localización en l'Atlantico, son mas humidas y a precipitación bi ye mas común, con un intervalo de temperaturas menor.

Divisions administrativas

Se veiga Organización territorial de Portugal

Actualment, o país ye dividito en 18 districtos (amás d'as dos rechions autonomas de Madeira y Azores). Istos districtos se dividen en 308 municipios (u concelhos en portugués) y 4.257 freguesías.

Distritos
	Districto	Superficie	Población			Districto	Superficie	Población
1	Lisbona	2.761 km²	2.244.984		10	Guarda	5.518 km²	160.931
2	Leiria	3.517 km²	470.765		11	Coimbra	3.947 km²	429.714
3	Santarém	6.747 km²	454.456		12	Aveiro	2.808 km²	714.351
4	Setúbal	5.064 km²	849.842		13	Viseu	5.007 km²	378.166
5	Beja	10.225 km²	152.706		14	Bragança	6.608 km²	136.459
6	Faro	4.960 km²	450.484		15	Vila Real	4.328 km²	207.184
7	Évora	7.393 km²	167.434		16	Porto	2.395 km²	1.816.045
8	Portalegre	6.065 km²	118.952		17	Braga	2.673 km²	848.444
9	Castelo Branco	6.675 km²	195.949		18	Viana do Castelo	2.255 km²	244.947

Rechions Autonomas
Rechión autonoma	Superficie	Población
Azores	2.333 km²	246.102
Madeira	801 km²	267.938

Ciudaz prencipals

As ciudaz prencipals d'o país son: Lisbona (a suya capital), O Porto, Braga, Coimbra, Funchal, Ponta Delgada, Évora, Faro, Aveiro, Guarda, Leiria, Setúbal, Almada y Viseu.

Transportes

Bi ha una empresa publica portuguesa de transporte por ferrocarril, creyada en 1975, como heredera d'a Companhia dos Caminhos de Ferro Portugueses clamata Comboios de Portugal, tamién conoixita como CP o Caminos de Ferro Portugueses.

Esporte

Eusébio da Silva Ferreira.

L'esporte mes popular y practicato ye o fútbol, os prencipals equipes son el [[Futebol Clube do Porto |FC Porto]], el Benfica y el Sporting de Lisboa, estes tres clubs no nomás tienen sección de futbol sino que rivalizan en atros esportes con seccions d'atletismo, hockey y baloncesto entre d'atras. Bels d'os millors chugadors d'a historia d'o futbol portugués son Eusébio da Silva Ferreira, Luís Figo, Vítor Baía, Rui Costa, João Vieira Pinto y Cristiano Ronaldo, a mas a mas d'os entrenadors de fútbol José Mourinho y André Villas-Boas.

Atro esporte popular y con una gran tradición ye l'atletismo en o cual Portugal ha teniu destacadas figuras europeas y mundials entre os que se pueden destacar campions olimpicos: en maratón Carlos Lopes (1984 y Rosa Mota (1988), en 10.000 m. lisos Fernanda Ribeiro (1996) y os nacionalizaus Nelson Evora (2008) y Pedro Pichardo (2020) toz dos en a preba de triple brinco. Atros atletas destacaus son os chirmans Castro (Dionisio y Domingos) y Paulo Guerra atletas de fondo y dominadors d'as cursas de campo a través en Europa d'a suya epoca.

Se veiga tamién

• Lista d'aeropuertos de Portugal.

Vinclos externos

• Se veigan as imáchens de Commons sobre Portugal.
• (pt) Pachina web de Turismo de Portugal.

• Datos: Q45
• Multimedia: Portugal / Q45