Exeya d'os Caballers
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo trata sobre Exeya d'os Caballers. Ta atros emplegos d'o toponimo Exeya se veiga Exeya.
Exeya d'os Caballers (Ejea de los Caballeros en castellano y oficialment) ye un municipio y una villa aragonesa situata en a provincia de Zaragoza, capital d'a comarca de Cinco Villas y d'o partiu chudicial d'o suyo nombre, que incluye municipios d'a Chacetania. Ye, chunto con Sadaba, Sos d'o Rei Catolico, Taust y Uncastiello una d'as cinco villas que dan o suyo nombre a la comarca.
| Exeya d'os Caballers Ejea de los Caballeros | ||
| Municipio d'Aragón | ||
| ||
 Ilesia de Sant Salvador. | ||
| Entidat • País • Provincia • Comarca |
Municipio Aragón.svg){kind=small} ZaragozaCinco Villas | |
| Partiu chudicial | Exeya d'os Caballers | |
| Superficie | 609,92 km² | |
| Población • Total |
17 135 hab. (2013) | |
| Altaria • Meyana |
346 m. | |
| Distancia • 72 km |
enta Zaragoza | |
| Alcalde | Teresa Ladrero | |
| Codigo postal | 50600 | |
| Patrons | Virchen d'a Oliva y Sant Chuan Baptista | |
| Parroquial • Archidiocesi • Arcipestrau • Parroquia |
Zaragoza Exeya d'os Caballers Sant Salvador | |
| Ríos | Arba | |
| Coordenadas | ||
| Web oficial | ||
A suya población ye de 16.935 habitants (2007) en una superficie de 609,92 km², con una densidat de población de 28,44 hab/km².
Toponimia
editarYe bien documentato o toponimo Segia en tiempos d'os romanos, que o mesmo Claudio Ptolomeu en lo Sieglo II nombra en a suya obra Geographikè Úphégesis, en lo capítol 6, 66 de lo suyo libro II como una de las 16 ciudaz de los bascons.[1]
Marcelino Cortés Valenciano considera que se remonta a la radiz indoeuropea *sek visible en hidronimos d'Europa Occidental y no a la radiz indoeuropea y celta seg ("victoria") u a lo basco etxea ("casa"). D'os muitos hidronimos franceses derivables d'a radiz sek, n'bi ha por o menos tres derivables d'a forma *segia uno d'éls o río Sée en Normandía, atro o río Saye en Charente Maritimo.
En tiempos de de l'Al Andalus s'escribiba xeya u xiya, con a conoixita traza d'arabizar los toponimos autoctonos que encomienzan con s con una x (Exativa, Exatiel, ecetra). D'esta traza o pareixito con a parola basca etxea ("casa") podría estar casual y a tesi de Ramón Menéndez Pidal de relacionar este toponimo con o basco carent de fundamento.
En a Baixa Edat Meya se rechistran estas variants, mas que mas graficas: Exea, Exeia, Exeya, Esseia, Exseia, Eiseia, Eçeia, Seia. En un texto de 1124 coexisten as formas Xeia y Exeia. L'aparición d'a e inicial ye común con atros toponimos que encomienzan por X en tot Aragón, y tamién ye documentata en l'aragonés que se feba servir en o Reino de Valencia (Exabierre, Exaulín, Exerica, Exaraco, Exeresa, Exulv). Esta e, igual como a i de l'aragonés belsetán y chistabín en ixata/ixada ye pa fer de refirme vocalico pa favoreixer a pronunciación d'a sibilant fricativa prepalatal xorda en posición inicial.[2]
L'apelativo de los Caballeros s'emplega en l'oficial dende 1543 d'alcuerdo con Antonio Ubieto Arteta, sindembargo actualment se'n conoixen referencias mes antigas, como una de 1402 (Datum in villa Exea de los Cavalleros),[3] atros de 1457 de l'archivo provincial de Uesca y de l'archivo municipal d'Exeya relativos a chodigos d'a familia Argelet,[4] y tamién de 1472.[5]
Bi ha muitos microtoponimos en aragonés, tanto documentals (Sant Per, Sant Andreu, Canals (1110), Fraxinet, Gorreia), como actuals (Bonet, Las Canales, Cantagrallas, los Cantales, Escallo, Esparteta, Facemont, Los Fajinetes, val de Don Guillén, El lagunazo de Moncayuelo, Liscar, Malauta/Malanta, Monblán, Ospitaled, Paúles, La Pedrera, El Salobral de Gurrea etc...), destacando arcaísmos aragoneses como Golpillar (puesto a on abundan as rabosas) y Marcuera.
Cheografía
editarExeya ye en o forcallo d'os ríos Arba de Luesia y Arba de Biel ta formar o río Arba, y en o centro d'una fonata que estos ríos y os suyos afluents escarvoron en materials d'o terciario d'a Depresión d'Ebro dende o Plioceno.
Se troba situata a 346 metros d'altaria sobre o livel d'a mar, a una distancia de 76 km d'a ciudat de Zaragoza, a capital d'a suya provincia y d'Aragón.
En a muga con as Bardenas Reyals bi ha monts como Nasa Alta, Nasa Baja y Castillo de la Estaca.
Vertices cheodesicos
editarEn o termin municipal d'Exeya se troban os vertices cheodesicos Santía, Torres, Exeya, Pillué, Punta de la Negra, Marcuera, Poco Culo, Pui de Pinos y Aznares.
Clima
editarA suya temperatura anyal ye 15.57 °C, con una temperatura meya en chinero de 6.32 °C y en chulio de 26.06 °C.[6]
Historia
editarLa ciudat d'Exeya fue conquiesta por o Reino d'Aragón en 1105 mientres o reinau d'Alifonso I d'Aragón.[7]
As Corz de Uesca-Calatayú-Exeya d'os Caballers estioron unas Corz Chenerals d'Aragón que fuoron convocadas por Chaime I d'Aragón, y se facioron en Uesca, Calatayú y Exeya d'os Caballers mientres 1265, estando esta zaguera ciudat a on se formaliza o papel d'o Chusticia d'Aragón como arbitro entre o rei y a nobleza y s'apreban nuevos fueros.
Luengas y parlas
editarA luenga actual d'Exeya d'os Caballers ye o castellano d'Aragón, con substrato aragonés. O lexico d'intrés etnografico d'Exeya d'os Caballers se conoix relativament bien por figurar esta localidat en l'ALEANR, con a sigla Z 300.[8] Amás, Octavio Sierra publicó su Vocabulario general de las Cinco Villas de Aragón.
Demografía
editar
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE. | ||||||||||||||||||
Administración
editarReparto de concellers
editar| Partiu | 1979 | 1983 | 1987 | 1991 | 1995 | 1999 | 2003 | 2007 | 2011 | 2015 | 2019 |
| Partido de los Socialistas de Aragón | 5 | 8 | 5 | 8 | 11 | 11 | 11 | 9 | 8 | 10 | 10 |
| Partido Popular | - | 1 | - | 1 | 2 | 2 | 4 | 4 | 6 | 4 | 3 |
| Independients | 6[10] | 4 | 4[11] | - | - | - | - | - | - | - | 2[12] |
| Izquierda Unida | - | - | 1 | 1 | 1 | 1 | 1 | 2 | 2 | -[13] | 1 |
| Ciudadanos | - | - | - | - | - | - | - | - | - | - | 1 |
| Chunta Aragonesista | - | - | - | - | - | - | 0 | 0 | 1 | 1 | 0 |
| Partido Aragonés | - | 4 | 7 | 7 | 3 | 3 | 1 | 2 | 0 | 0 | 0 |
| Ejea y Pueblos en Común | - | - | - | - | - | - | - | - | - | 2 | 0[14] |
| Unión de Centro Democrático | 6 | - | - | - | - | - | - | - | - | - | - |
| Total | 17 | 17 | 17 | 17 | 17 | 17 | 17 | 17 | 17 | 17 | 17 |
Alcaldes
editarMolimentos
editar- Ilesia d'o Salvador, de fins d'o sieglo XII y principios d'o sieglo XIII, una ilesia en estilo romanico, protechita legalment dende o 3 de chunio de 1931 con a suya declaración como Molimento Nacional. Tien tamién bel elemento en estilo gotico y renaixentista, como a suya torre gotica d'o sieglo XIV. O suyo timpano ye obra d'un mayestro anonimo, clamato mayestro d'Agüero.
- Ilesia de Santa María, en estilo romanico.
- Ilesia d'a Virchen d'a Oliva, un edificio d'estilo barroco construyito dencima d'una antiga ermita documentata en o sieglo XIII.
Esporte
editar- O fútbol ye representato por a Sociedad Deportiva Ejea.
- L'atletismo ye representato por o Club Atletismo Ejea.
Personalidaz naixitas d'Exeya d'os Caballers
editar- Categoría:Naixius d'Exeya d'os Caballers
- Juliana Larena Fenollé, heroina d'os Setios de Zaragoza (1790-1835).
- Antonio Posa, campión d'o mundo de luita libre d'os pesos meyos d'a NWA.
- Félix Lambán, destacato luitador de luita libre, campión d'Aragón, Espanya y Europa.
- Javier Lambán, President d'a Deputación Cheneral d'Aragón.
- Gaspar Castellano y de Gastón, President d'a Deputación Cheneral d'Aragón.
Localidaz achirmanatas
editar
Referencias
editar- ↑ (Schulten 1927: 230-232)(Canto 1997)
- ↑ (es) Marcelino Cortés Valenciano: Toponimia de las Cinco Villas de Aragón. Institución Fernando el Católico, 2010.
- ↑ (es) María Rosa Gutiérrez Iglesias: Notas sobre el Archivo Municipal de Sádaba (Zaragoza) I. Fondos documentales del Archivo Municipal de Sádaba según un inventario general del siglo XVII
- ↑ (es) Ana Lacarta, Rebeca Cuenca, Elisa Plana: Un ejemplo de la actividad crediticia de los Argelet en Ejea de los Caballeros a fines del siglo XV. Investigación y Patrimonio en la provincia de Zaragoza I.
- ↑ (es) Miguel Ángel Motis Dolader: La comunidad judía de la Villa de Tauste durante la Edad Media. Terceras Jornadas sobre la Historia de Tauste, Zaragoza, 2003, pp. 157-237.
- ↑ (es) "Valores normales de precipitación y temperatura de la red climatológica (1961-1990). Serie monografías. Año 2000" (Instituto Nacional de Meteorología) en a pachina web de l'Instituto Aragonés de Estadística (IAEST).
- ↑ (es) David González Ruiz: Breve Historia de la Corona de Aragón. Ediciones Nowtilus, S.L., Madrit, abril de 2012, p. 69, ISBN 978-84-9967-306-6
- ↑ (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.
- ↑ Archivo electoral
- ↑ Como Candidatura Popular Independiente
- ↑ 2 Como Candidatura Ejea en Acción Municipal y 2 Como Candidatura Independiente Progresista Ejea
- ↑ Como AsíEjea
- ↑ Integrato en a coalición Ejea y Pueblos en Común
- ↑ Como Podemos-Equo en Ejea y Pueblos en Común
- ↑ (es) Treinta aniversario de las primeras elecciones municipales de la democracia.
- ↑ (es) Eduardo José Alonso Lizondo en a pachina web d'as Corz d'Aragón.
- ↑ (es) Consulta el listado de alcaldes que han sido proclamados en Aragón en Heraldo de Aragón
- ↑ 18,0 18,1 (es) Hermanamiento, en a pachina web oficial d'Exeya d'os Caballers.
Bibliografía
editar- (es) Marcelino Cortés Valenciano: Toponimia de Ejea de los Caballeros. Centro de Estudios de las Cinco Villas. 2005
Vinclos externos
editar
Se veigan as imáchens de Commons sobre Exeya d'os Caballers.- (ca) Pachina web oficial d'o Concello d'Exeya d'os Caballers.
| Ardisa | Asín | Bagüés | Biel | Biota | Castellón de Val de Chasa | Castiliscar | Exeya d'os Caballers | Erla | O Frago | Isuerre | Layana | Lobera d'Onsella | Longars | Luesia | Luna | Marracos | Navardún | Orés | As Pedrosas | Piedratallada | Os Pintanos | Puent de Luna | Sadaba | Sierra de Luna | Sos d'o Rei Catolico | Taust | Uncastiello | Undués de Lerda | Urriés | Val Palmas | |
| Lugars d'o municipio d'Exeya d'os Caballers | |
|---|---|
| Poblaus: Bardena | O Bayo | Exeya d'os Caballers | Farasdués | Pinsoro | Rivas | O Sabinar | Santa Anastasia | A Valarenya Despoblaus: Escorón Alto | Escorón Baixo | Miana |
Datos: Q817204- Multimedia: Ejea de los Caballeros / Q817204
