Arte renaixentista

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Por arte renaixentista o arte d'o Renaiximiento cal entender que nos referimos a las expresions artisticas (arquitectura, con l'arquitectura renaixentista; escultura, con l'escultura renaixentista; pintura, con a pintura renaixentista y atras artes decorativas) mientres un periodo d'a Historia d'Europa (y de bellas atras partes d'o mundo, como en as colonias d'Espanya en America latina) entre los anyos 1350 y 1620, cuan ixe estilo artistico estió d'emplego preponderant. Se tracta d'un estilo artistico amaneixiu en Italia arredol de 1400 y que s'estendilla paralelament enta cualques atros campos, como a Literatura, la Filosofía, la musica, la ciencia u la tecnolochía. L'arte renaixentista se desembolica basando-se en l'arte de l'Antiguidat clasica (que se percibe como la mas noble d'as tradicions artisticas anteriors) pero que a monico incorpora d'una man os abances artisticos que s'escayecen mas que mas en o norte d'Europa en ixas envueltas y, d'atra man, los abances tecnolochicos en aplicando lo conoiximiento cientifico contemporanio. Conchuntament con l'Humanismo, s'estendilló poquet a poquet por todo lo continent europeu y ye considerau por os estudiosos d'a Historia de l'arte como lo movimiento artistico que marca la transición dende la Europa de l'Edat meya dica l'Europa de l'Edat moderna.

Se veiga tamién

• Arquitectura renaixentista.
• Escultura renaixentista.
• Pintura renaixentista.

Vinclos externos

• Se veigan as imáchens de Commons sobre l'arte renaixentista.