Abrir menú principal
Octavio Sierra Sangüesa
Información personal
Puesto de naixencia Flag of Aragon.svg Chaca (Aragón)
Ocupación lexicografo, mayestro, historiador

Octavio Sierra Sangüesa ye un lexicografo, mayestro y historiador aragonés naixito de Chaca.

Popiello, en 1935 se'n va a vivir con os suyos dos chirmanos ta o vico zaragozano d'o Rabal. Treballó de mayestro en o colechio que fundó una tía suya, Matilde Sangüesa, en lo dito vico. En la Universidat de Zaragoza, estudió Historia en a Facultat de Filosofía y Letras. Treballó como docent en Carinyena, Tamarit de Litera y Exeya d'os Caballers. En ista villa, primerament en o Colegio Corazón de María y, más tarde, en o Instituto «Reyes Católicos», dando clases de latín y griego. Con os alumnos d'o Instituto, limpió y ordenó l'Archivo Parroquial y colaboró en a catalogación de l'Archivo Historico Municipal d'Exeya.

Inició los intercambeos con a ciudat francesa de Marmande, en Òlt y Garona, orichen de l'achirmanamiento entre las dos ciudatz. Se tresladó en 1975 ta Barcelona, por qüestions profesionals y, en l'actualidat, vive en o Rabal de Zaragoza.

Tradición oral d'ExeaEditar

En 1980, publicó La tradición oral de Ejea desde 1900 hasta nuestros días,[1] fruito d'as largas charradas con as personas mayors. I recenta la intrahistoria d'Exea, curiosidatz, personaches y le sirvió tamién d'alazet d'o vocabulario d'Exea. Tiene encara dos libros ineditos sobre lo Racionato y la Villa en os sieglos XVII y XVIII.

Vocabulario de Cinco VillasEditar

Elaboró lo Vocabulario general de las Cinco Villas de Aragón[2], con a colaboración d'os vecinos d'Exea y redolada. Tiene unas 2500 entras y se'n han feito muitas copias antes d'a suya publicación en 2003.[3][4] Lo Diccionario Aragonés: aragonés-castellano, castellano-aragonés, de Rafael Andolz Canela, de 1977, integra buena parte d'iste treballo.[5]

Os enqüestaus son d'os lugars de: Asín, Biel, Biota, Castellón de Val de Chasa, Castiliscar, Exeya d'os Caballers, Lo Frago, Luna, Luesia, Pintano, Bagüés, Undués-Pintano, Puent de Luna, Sierra de Luna, Sadaba, Sofuentes, Taust, Uncastiello y Val Palmas.

ReferenciasEditar

  1. autoedición, Zaragoza
  2. Vocabulario general de las Cinco Villas de Argón, Exea d'os Caballers, Centro de Estudios de las Cinco Villas, IFC, 2003
  3. Ejeadigital.com, Ejea ha acogido la presentación del 'Vocabulario general de las Cinco Villas de Aragón', consulta de 14-11-2015.[1]
  4. José Luis Aliaga Jiménez, 'La lexicografía del aragonés: balance sumario y perspectivas de ¿futuro?', Lexicografía de las lenguas románicas. Perspectiva histórica, vol. 1, De Gruyter, Berlín-Boston, 2014; p. 11.[2]
  5. 'Bibliografía. Diccionarios y vocabularios': «Sierra, Octavio: Vocabulario de Ejea. Inédito. Propiedad del autor. Ejea, 1965?»