Abrir menú principal

Castellón de Val de Chasa

Castellón de Val de Chasa (Castejón de Valdejasa en castellán) ye un municipio d'a provincia de Zaragoza situato en a comarca d'as Cinco Villas. A suya población ye de 348 habitants en una superficie de 110,1 km².

Castellón de Val de Chasa
Municipio d'Aragón
Escudo d'armas
Entidat
 • País
 • Provincia
 • Comarca
Municipio
Flag of Aragon.svg Aragón
Flag of Zaragoza province (with coat of arms).svg Zaragoza
Cinco Villas
Superficie 110,1 km²
Población
 • Total

348 hab.
Altaria 521 m.
Distancia
 • 45 km

enta Zaragoza
Codigo postal 50613
Coordenatas 41°58’55’’N 0°59’45’’U
Castellón de Val de Chasa en Aragón
Castellón de Val de Chasa
Castellón de Val de Chasa
Situación de Castellón de Val de Chasa en Aragón
www.castejondevaldejasa.es

CheografíaEditar

Ye situato en o fondón d'o Barranco plano, en una zona clamata monts de Castellón, relacionata con a Muela de lo Castellar, una muela modelata en materials terciarios horizontals. Bi ha pinetas. A zona estió estratechica en a reconquista d'a Val de l'Ebro.

O punto de mayor altaria ye o monte Esteban, con 747 m, que marca a muga entre Zaragoza, Taust y Castellón; ye seguito por o Guarizo, de 745 m d'altaria.

MugasEditar

O termin municipal de Castellón de Val de Chasa muga por o norte con Exeya d'os Caballers y Erla; por l'este con Sierra de Luna y Zuera; por o sur con Zuera y Zaragoza; y por l'ueste con Taust y Exeya d'os Caballers.

ToponimiaEditar

Seguntes Antonio Ubieto Arteta, en 1091 yera Castellón, dende 1280 dica 1609 Castellón de Valdejasa, y se castellaniza a Castejón de Valdejasa en 1646.

O apéndiz Val de Chasa fa referencia a que encara en o sieglo XIII yera d'a senyoría d'os calonches de Santa Cristina de Somport, a man de Chasa.

Antonio Ubieto Arteta no prene en cuenta fuents importants, ya que en 1110 Alifonso I d'Aragón fa mención a Castellón de Baldeiassa en a carta puebla d'Exeya d'os Caballers. Por atra part a l'egual que fa en atras descripcions de toponimos d'a suya obra "Los pueblos y los despoblados" evita mencionar muitas variants foneticas més d'alcuerdo con l'aragonés orichinal. A variant Castillón, més común que Castellón en a toponimia altoaragonesa, tamién ye conoixita en textos medievals en latín u aragonés encara que Antonio Ubieto Arteta no la mencione:

Ego Alfonsus ... facio hanc cartam donationis ... vobis populatores de Exea qui estis ... ... de omnibus terminis vestris de Barchaona usque Castillon de ValdeIasa; et de illo Castillón usque Santtas, et de Santtas usque ad illo fraxino de rio de Hores[1]
Testimonias son desto qui presentes fueron don Johan Bernart vecino de Çaragoça et don Martin Perez Dagon alcayde de Castillon de Valdeyassa. Feyto fue esto en la dita villa de Pedrola[2]

En latín medieval tamién se podeba escribir Castris de Ualleiasa, seguntes se vei en 1091 en o fuero de Sancho Remíriz.

En o suyo termin municipal se troba l'antigo despoblato medieval de Sora.

ParlaEditar

A entonación ye diferent d'a que tienen os lugars d'a redolada y d'o mesmo tipo que L'Almolda, Chiprana y Vals d'o Sobrarbe. O lexico replecato puede veyer-se en a pachina web d'o lugar. Conservan a palabra Varello, con significato de costera d'as muelas.[3]

AdministraciónEditar

Reparto de concellersEditar

Eleccions municipals[4]
Partito 1979 1983 1987 1991 1995 1999 2003 2007 2011 2015 2019
Partido de los Socialistas de Aragón - - - 7 3 4 4 4 5 4 2
Partido Popular - 7 - - 4 1 3 3 2 1 2
Chunta Aragonesista - - - - - - - - - - 1
Partido Aragonés - - 7 - - 2 - - - - -
Unión de Centro Democrático 7 - - - - - - - - - -
Total 7 7 7 7 7 7 7 7 7 5 5

AlcaldesEditar

Lista d'alcaldes
Lechislatura Nombre Partito politico
19791983 Alberto Sancho Sánchez [5] UCD
19831987
19871991
19911995 Avelino Bonet Ansodí[6] Partido de los Socialistas de Aragón
19951999 Avelino Bonet Ansodí[6] Partido de los Socialistas de Aragón
19992003 Avelino Bonet Ansodí[6] Partido de los Socialistas de Aragón
20032007 Avelino Bonet Ansodí[6] Partido de los Socialistas de Aragón
20072011 Avelino Bonet Ansodí[6] Partido de los Socialistas de Aragón
20112015 Jesús Prado Arrieta[7] Partido de los Socialistas de Aragón

FiestasEditar

Espacios naturalsEditar

Veyer tamiénEditar

Vinclos externosEditar

ReferenciasEditar