Hercules

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Hercules
Estatua de Bronce d'Hercules d'o S II A.C trobato en Forum Boarium y que ye en o Museu Capitolín
Heroi mitolochico
Mitolochía:	Mitolochía romana, mitolochía aragonesa
Información personal
Pai:	Chupiter
Mai:	Alcmena
Conchuche:	Chuventas
Relacionau con:	Heracles

Hercules ye o nombre latín d'o heroe d'a mitolochía griega Heracles. Yera fillo d'o dios Chupiter (equivalent a Zeus seguntes a interpretatio romana) y d'a mortal Alcmena.

Os romanos prenioron a versión griega d'a suya vida y d'os 12 treballos sin de cambios esencials, pero anyadioron elementos propios, beluns relacionaus con personaches mitolochicos anteriors u con a cheografía d'o Mediterranio occidental. O culto d'Hercules s'estendilló por Hispania y Galia. En Galia Ogmios fue interpretau como Hercules. En Hispania Hercules prenió un paper important en relatos mitolochicos y lechendarios como lo de l'orichen d'os Pireneus u as Columnas d'Hercules.

En Manzanera (Teruel) s'han trobau vestichios arqueolochicos d'o culto a Hercules.

Mencions en fuents aragonesas

Como eco de l'antigo culto a Hercules en a Edat Antiga en Hispania y as historias d'os doce treballos que relacionaban a Hercules con Hispania, en as cronicas medievals figura Hercules en relación a los orichens y primer pobladors d'a peninsula y d'esta traza se troba en a "Cronica de Sant Chuan d'a Penya":

Et depues de aquesta nacion, vino Ercules por senoryar Espanya, et aqui huuo batalla con vn grant princep que hauia nombre Girion, el qual senoryaua tres regnos, que oy son nombrados, Gallicia, Lusitania et Bética. Et á Gallicia puso nombre por tal como la pobló de las gentes que aduzía de Gallacia. Et por el rio que ha nombre Ana, clama el otro regno, Lusytana. Et por el poblo que aduxo de Cicia por cultiuar la tierra, et por el rio que ha nombre Beti, nombra el otro regno, Bética: et la maior ciudat d'aquella prouincia Ispalis, la qual hoy á nombre Siulia. Et tantost entró por la provincia de Carpentanya, et vinció al Rey de Carpintanya, el qual auya nombre Caci, qui era de muyt estraña et orrible figura, en el mont de Carpentanya, en el qual fazía su habitacion, et por su nombre fuéle mudado el nombre Moncicati, el qual hoy á nombre Moncayo: et vencido el dito rey Caci, hedificó el dito Hércules al pié del dito mont, de las gents que vinieron con él de Tirus et de Ausonia, vna ciudad que clamó Tirasona. Et tantost, entró en la prouincia, de Celtiberia, et aquí basteció vna tierra la qual clamó Vrgel: Et tantost pobló vna ciudad de la gent Dausona, la qual nombro Osona por la dita razon, et hoy es clamada Vich: et despues él partió de aquí et trobó la vna de las IX barcas, de las quales las ocho ribaron en Gallicia, et la nouena en el ribage de Celtiberia do él edificó vna ciudad, la qual clamó Barchanona, et hoi es clamada Barcelona; por tal como fué poblada de las gents de la dita nouena barcha: et por aquesta manera tollió toda España á los celtíberos, qui las oras la senoriauan; las quales gents, por luenga paz oblidoron el vso de las armas, et non se sabieron ni podieron defender; et retuuo á la suya senyoría España et á la seruitud de los griegos; et feito aquesto fuesse et lexóles por gouernador vn su nodrido, el qual hauía nombre Ispan, por el nombre del qual la tierra vuo nombre Espanya; el qual Ispan apres dias de Ercules fué rey de España, et pobló muytos lugares en Espanya, entre los quales pobló Segouia.

Et por aquesta razon no queremos mas faular del feito de Ercules, nin de la suya gouernacion, nin de la nacion de que él pobló España, la qual señorió luengamet

Hercules en el cine

Hercules ye un personache a lo cual s'ha recurrido muitas vegadas en o cine, bien pa narrar los suyos mitos u historias u bien como sincusa pa amontar una trama pa la cinta. Tamién son numerosas las cintas de dibuixos animaus pa entretener a los ninos.

A ormino ye interpretau per personas muito forzudas, que gosan estar culturistas famosos que han estau campions mundials en a suya disciplina como Mickey Hargitay, Lou Ferrigno, Reg Park, Steve Reeves u lo mesmo Arnold Schwarzenegger. Tamién han interpretau a Hercules luitadors famosos como Dwayne Johnson y John Hennigan u atros que son simplament actors como Kevin Sorbo.

Vinclos externos

• Se veigan as imáchens de Commons sobre Hercules.