Culibiellas
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Culibiellas | |
|---|---|
 Penya Foratata, puesto a on morió Culibiellas | |
Diosa mitolochica
| |
| Mitolochía: | Mitolochía aragonesa |
| País: |  Aragón
|
| Residencia: | Val de Tena |
| Pai: | Anayet |
| Mai: | Arafita |
| Relacionau con: | Balaitús |
| Mont: | Pico Culibiellas |
Culibiellas ye una diosa d'a mitolochía aragonesa filla d'Anayet y Arafita. Ye protagonista d'una leyenda en a que o dios Balaitús s'enamora d'ella y as fornigas blancas d'o Fornigal acuden a aduyar-la.
A leyenda de Balaitús y Culibiellas
editarCulibiellas yera una mesacha intelichent y muit bonica, por ixo teneba a-saber-las proposas de matrimonio, encara siempre las refusaba, ya que quereba vivir chunto a la suya familia y os animals que bi heba por ixas selvas, mas que mas con as fornigas as suyas millors amigas y companyeras de chuegos. As treballaderas fornigas blancas cubriban tot l'anyo a montanya que Culibiellas heba baltizau con o nombre d'o Fornigal.
Balaitús, o mayor, mas cerenyo y poderoso dios d'o Perineu s'enamoró de Culibiellas, pero ista, como feba con toda a resta de pretendients lo refusó. Balaitús, qui se deciba controlaba rayos y tronadas y feba tremolar a os monts cuan s'encarranyaba churó raptar-la. Y asinas s'enfiló enta o puesto a os se trobaba a polida filla d'os dioses pirenencos y con tres grans trangos i plego trescruzando os monts.
En veyer-lo a choven diosa Culibiellas chiló gritando a las suyas amigas as fornigas: "A yo todas as fornigas!". Y a escape millons de chicotas fornigas blancas prencipioron a cubrir-la ta protecher-la. Balaitús horrorizau fuyió corriendo, escachando antis a milenta fornigas que i quedoron ta siempre cubrindo o monts d'o Fornigal de color blanca. Como agradecimiento a las fornigas que l'heban aduyau, Culibiellas se clavó un cutiello en o peito ta acullir en o suyo interior a todas as fornigas que heban sobreviviu a la furia de Balaitús. Encara hue se puet veyer iste forau en a penya Foratata y si s'ascuita bien sentir o corazón d'a choven diosa traquitiando por toda a val.
Vinclos externos
editarBiografía
editar- Breve inventario de seres mitológicos fantásticos y misterioros de Aragón. Chema G. Lera. Prames. ISBN 978-84-8321-268-4
Datos: Q20614135
