Dragón de Bronchales

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A falordia d'o dragón de Bronchales ye una lienda que tien puesto en Bronchales.

Puesto

Chunto a la fuent d'o Fierro, de Bronchales, i hai una espelunga clamada la espelunga d'o Dragón. Dengún sabe án tien a suya fin a espelunga, encara que las chents aseguran que tien unatra boca en as selvas amán d'Oriuela (Teruel).

En tiempos muito remotos viviba en ista espelunga un terrible dragón. Dengún sabió d'án vinió, ni cuál estio lo suyo orichen; pero teneba amedrantaus a los simplos habitants de Bronchales.

Falordia

Cada tardada, o dragón saliba d'a suya foriquera. Os suyos uellos teneban o poder de hipnotizar a las suyas victimas, como as mullers que lavaban en a chicota galocha d'a fuent d'o Fierro u como os pastors que caminaban con os suyos rebanyos. Manimenos o dragón no mataba a las suyas victimas, sino que nomás que furtaba las suyas minchadas y mesmo plegaba a beber d'as tetas d'as mullers.

Dengún s'atriviba a salir d'o lugar. Por ixo los vecins de Bronchales formaron una chera, con pins ixutos en a boca d'a espelunga, que cremó per tres días y tres nueiz.

Protechius per a muralla de fuego, os vecins contemploron como o dragón quereba blincar-la pero no podió y tornó a penetrar en a espelunga con evidents sinyals d'ira y desasperación. Tot o suyo poder heba estau venciu per os simplos picadors de Bronchales.

O dragón rechiró unatra surtida y s'internó en as montanyas de Castiella y no estio visto mai en Bronchales.

Referencias

• Pachina web d'o concello de Bronchales https://bronchales.es/la-cueva-del-dragon/

• Datos: Q65393652