Celtibers

Os celtibers estioron uns pueblos prerromans que habitaban tierras d'a Meseta nororiental, Sistema Iberico y sudueste d'a Depresión de l'Ebro, que parlaban una luenga celta conoixida como celtiberica y teneban una cultura material propia, a cultura celtiberica formada por a difusión de modelos orientals por ixas tierras quan os suyos vicins de levant desembolicoron a cultura iberica.

   arevacos

   pelendons

   berons

   belos

   titos

   lobetans

   lusons

O termin celtibero ha teniu diferents significaus en diferents autors clasicos, pero en cheneral i ha habiu una tendencia a restrinchir-lo, de trazas que os romans rematoron dicindo celtibers a només que a os arevacos, pelendons, lusons, belos y titos.

Curiosidatz

En a baixa Edat Meya qualques aragoneses con cierta cultura se consideraban descendients d'os celtibers. En as actas d'o proceso de Cortz d'Aragón que se celebroron en Zaragoza entre 1398 y 1400 deciban:

...si es como nos ha feytos rei de tales vassallos como vosotros soes. Et a provar esto trahemos por testimonio Valerio Maximo, segund que se lie el segundo libro, capitulo De statutiis antiquiis, que los celtiberios, es assaber los aragoneses e cathalanes, havian tanta de fe que reputaban a peccado venir que su senyor morisse en batalla e ellos no y morissen. Et que esto sea verdat, que vosotros seas celtiberios, assi lo dize Isodorus en el VIIIIº libro de las Ethimologiarum, IIº capitulo, dize que aquellos son vertaderos celtiberios, que son poblados cerca el rio d'Ebro.

Biblografía

• (es) Guillermo Fatás Cabeza (coordinador): Los celtas en el valle medio del Ebro. C.A.I, 1989.

Se veiga tamién

• Cultura celtiberica.