Apolo (mitolochía)
(Reendrezau dende Febo)
Apolo (en griego antigo Ἀπόλλων Apóllōn u Ἀπέλλων Apéllōn) ye un d'os mas importants y polifaceticos dioses olimpicos d'a mitolochía griega y romana. L'ideyal d'o kurós (choven sin barba), Apolo ha estau reconoixiu como dios d'a luz y o sol (dios solar); a verdat y a profecía; o tiro con arco; a medicina y a curación; a musica, a poesía y as artes; y mas. Apolo ye fillo de Zeus y Leto y chermano melguizo d'a cazadora virchen Artemisa. Ye conoixiu como «Apulu» en a mitolochía etrusca, influenciada por a griega. Apolo fue adorau en a antiga relichión griega y en a romana, asinas como en o neohelenismo moderno. Bels dioses d'o panteón galo como Belenos y Maponos fuoron asimilaus a Apolo en a interpretatio romana.
